បាត់ដំបង ៖ រដ្ឋលេខាធិការក្រសួងមហាផ្ទៃ និងជាប្រធានក្រុមការងារចុះមូលដ្ឋានស្រុកបាណន់ ឯកឧត្តម សន្តិបណ្ឌិត សុខ ផល បានធ្វើការណែនាំលើកទឹកចិត្តដល់ក្រុមការងារចុះមូលដ្ឋាននានា ត្រូវបង្កើនការប្រកួតកីឡាបាល់ទាត់រវាងយុវជនតាមបណ្តាឃុំឱ្យបានច្រើន ដើម្បីផ្តល់ឱកាសដល់យុវជនបានដកបទពិសោធន៍បច្ចេកទេស ក្នុងការលេងកីឡា ពិសេសចៀសឆ្ងាយពីគ្រឿងញៀន និងអំពើអប្បាយមុខផ្សេងៗ ។
ស្ទឹងត្រែង៖ នារសៀលថ្ងៃទី១០ ខែតុលា ឆ្នាំ២០២៦ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង បានអញ្ជើញចុះសួរសុខទុក្ខកម្លាំងចម្រុះនៃគណៈបញ្ជាការឯកភាពរដ្ឋបាលខេត្ត ដែលកំពុងបំពេញភារកិច្ចឈរជើងការពារសន្តិសុខ សណ្តាប់ធ្នាប់ និងសុវត្ថិភាពសាធារណៈ នៅតាមគោលដៅចំនួន៧ ក្នុងភូមិសាស្ត្រក្រុងស្ទឹងត្រែង ស្រុកថាឡាបរិវ៉ាត់ និងស្រុកបុរីអូរស្វាយសែនជ័យ ខេត្តស្ទឹងត្រែង ក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ ដែលជាពិធីបុណ្យប្រពៃណីជាតិខ្មែរដ៏សំខាន់។
ខេត្តស្ទឹងត្រែង៖ ដោយមានសទ្ធាជ្រះថ្លាស្មារតីមុតមាំក្នុងព្រះពុទ្ធសាសនា ឯកឧត្តម ឈាង ឡាក់ ប្រធានក្រុមប្រឹក្សាខេត្ត និងឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង ព្រមទាំងថ្នាក់ដឹកនាំ មន្ត្រីរាជការ និងពុទ្ធបរិស័ទយ៉ាងច្រើនកុះករ បានអញ្ជើញចូលរួមក្នុងពិធីកាន់បិណ្ឌវេណទី១៤ វត្តសុពុទ្ធាមហាវិហារ នៃគណៈធម្មយុត្តិកនិកាយ (ស្ថិតនៅតាមបណ្ដោយផ្លូវលំក្រាលគ្រោះក្រហមឆ្ពោះទៅព្រលានយន្តហោះ ក្នុងភូមិស្រែពោធិ៍ សង្កាត់ស្រះឫស្សី ក្រុងស្ទឹងត្រែង ខេត្តស្ទឹងត្រែង)។
ស្ទឹងត្រែង៖ សាលាអប់រំភាសាពន្លឺវិជ្ជា ខេត្តស្ទឹងត្រែង បានរៀបចំកម្មវិធីអបអរសាទរទិវាគ្រូបង្រៀន ៥ តុលា ឆ្នាំ២០២៦ ក្រោមប្រធានបទ «គ្រូបង្រៀន ជាអ្នកបំភ្លឺផ្លូវចំណេះដឹង និងកសាងអនាគត» ក្នុងគោលបំណងលើកកម្ពស់ការយល់ដឹងអំពីតួនាទី និងគុណតម្លៃរបស់គ្រូបង្រៀនក្នុងការអប់រំ និងបណ្តុះបណ្តាលធនធានមនុស្ស ព្រមទាំងលើកទឹកចិត្តឱ្យគ្រូបង្រៀនបន្តបំពេញតួនាទីជាអ្នកផ្ទេរចំណេះដឹង គុណធម៌ និងជំនាញដល់សិស្ស ដើម្បីរួមចំណែកកសាងអនាគតដ៏ភ្លឺស្វាងសម្រាប់យុវជន និងសង្គមជាតិ។
ស្ទឹងត្រែង៖ នាវេលាម៉ោង ០៧:០០នាទីព្រឹក ថ្ងៃទី១០ ខែតុលា ឆ្នាំ២០២៦នេះ លោក ស្រ៊ន សំឫទ្ធី អភិបាលរងខេត្តស្ទឹងត្រែង រួមជាមួយក្រុមការងារចម្រុះខេត្ត បានចុះផ្ទាល់ដើម្បីជួបសំណេះសំណាល សួរសុខទុក្ខ និងជូនដំណើរបងប្អូនប្រជាពលរដ្ឋ ក៏ដូចជាកម្មករនិយោជិត សរុបប្រមាណ ៨៩នាក់ ដែលបានមកប្រមូលផ្ដុំគ្នានៅចំណតឡាន ក្នុងបរិវេណមណ្ឌលទេសចរណ៍ខេត្តស្ទឹងត្រែង (ក្បែរស្ពានសេកុង) ដើម្បីធ្វើដំណើរចេញពីខេត្តស្ទឹងត្រែង ឆ្ពោះទៅកាន់រាជធានីភ្នំពេញ និងបណ្តាខេត្តផ្សេងៗទៀត។
