ព័ត៌មានក្នុងខេត្ត

(ស្ទឹងត្រែង)៖ ទីស្នាក់ការគណបក្សប្រជាជនកម្ពុជាស្រុកសេសាន ខេត្តស្ទឹងត្រែង នាព្រឹកថ្ងៃទី១៤ ខែវិច្ឆិកា ឆ្នាំ២០២៦ បានរៀបចំការបោះឆ្នោតស្ទាបស្ទង់មុខសញ្ញាបេក្ខជនក្រុមប្រឹក្សាឃុំកំភុន ដើម្បីវាយតម្លៃប្រជាប្រិយភាព សម្រាប់ត្រៀមខ្លួនចូលរួមក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ២០២៧។

នាព្រឹកថ្ងៃទី១៣ ខែវិច្ឆិកា ឆ្នាំ២០២៦ នៅសាលាខេត្តស្ទឹងត្រែង បានរៀបចំកិច្ចប្រជុំសិក្ខាសាលាផ្សព្វផ្សាយសារាចរណែនាំលេខ ០១៥ សហវ.សណន របស់ក្រសួងសេដ្ឋកិច្ចនិងហិរញ្ញវត្ថុ។

ស្ទឹងត្រែង៖ នៅថ្ងៃទី១៤ ខែវិច្ឆិកា ឆ្នាំ២០២៦ នេះ លោក សយ គា អនុប្រធានមន្ទីរអភិវឌ្ឍន៍ជនបទខេត្តស្ទឹងត្រែង រួមជាមួយក្រុមការងារបច្ចេកទេស និងអាជ្ញាធរមូលដ្ឋាន បានអញ្ជើញចុះពិនិត្យដោយផ្ទាល់នូវវឌ្ឍនភាពនៃការសាងសង់ប្រព័ន្ធចែកចាយទឹកសហគមន៍ ដែលស្ថិតនៅក្នុងភូមិក្បាលរមាស ឃុំក្បាលរមាស ស្រុកសេសាន ខេត្តស្ទឹងត្រែង។

(ស្ទឹងត្រែង)៖ នាថ្ងៃត្រង់ថ្ងៃសៅរ៍ ទី១៤ ខែវិច្ឆិកា ឆ្នាំ២០២៦ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង បានអញ្ជើញចុះសួរសុខទុក្ខដោយផ្ទាល់ និងនាំយកអំណោយសួរសុខទុក្ខប្រគល់ជូន លោកស្រី នេត ច័ន្ទវរិន្ទ អតីតប្រធានមន្ទីរប្រៃសណីយ៍ និងទូរគមនាគមន៍ខេត្តស្ទឹងត្រែង ដល់គេហដ្ឋាន ខណៈលោកស្រីកំពុងសម្រាកព្យាបាល និងថែទាំសុខភាព។

(ស្ទឹងត្រែង)៖ នៅព្រឹកថ្ងៃសៅរ៍ ទី១៤ ខែវិច្ឆិកា ឆ្នាំ២០២៦ ឯកឧត្តម ឈាង ឡាក់ ប្រធានក្រុមប្រឹក្សាខេត្តស្ទឹងត្រែង និងលោកជំទាវ រួមជាមួយពុទ្ធបរិស័ទចំណុះជើងវត្ត និងសប្បុរសជនជិតឆ្ងាយជាច្រើនរូប បានមូលមតិគ្នាជាឯកច្ឆន្ទ ផ្តួចផ្តើមដង្ហែអង្គកឋិនទានសាមគ្គី ទៅវេរប្រគេនដល់ព្រះភិក្ខុសង្ឃដែលគង់ចាំព្រះវស្សាអស់កាលត្រីមាស នៅវត្តសុខាភិរារាម (ហៅវត្តកោះសំពាយ) ស្ថិតក្នុងភូមិកោះសំពាយ ឃុំកោះសំពាយ ស្រុកសៀមបូក ខេត្តស្ទឹងត្រែង។

ក្រុមយុវជនចំនួន ៦នាក់ មកពីស្រុកសៀមបូក ដែលកែច្នៃបំពង់ស៊ីម៉ាំងម៉ូតូលាន់លឺកក្រើកក្រុង ត្រូវបានកម្លាំងនគរបាលក្រុងស្ទឹងត្រែង បង្ក្រាបបានភ្លាមៗ និងដាក់ពិន័យឱ្យដកស្មៅសម្អាតបរិវេណអធិការដ្ឋាន មុននឹងហៅអាណាព្យាបាលមកធ្វើកិច្ចសន្យា និងបន្តតាមប្រមាញ់រកជាងកែច្នៃម៉ូតូយកមកទទួលខុសត្រូវតាមច្បាប់។

(ស្ទឹងត្រែង)៖ នារសៀលថ្ងៃសុក្រ ទី១៣ ខែវិច្ឆិកា ឆ្នាំ២០២៦ ឯកឧត្តម ឈាង ឡាក់ អនុប្រធានគណៈកម្មាធិការគណបក្សខេត្ត និងជាប្រធានគណៈប្រចាំការនៃគណៈអចិន្រ្តៃយ៍គណបក្សខេត្តស្ទឹងត្រែង បានអញ្ជើញជាគណៈអធិបតីក្នុងពិធីបើក និងបិទវគ្គបណ្តុះបណ្តាលស្តីពីច្បាប់ បទបញ្ជា និងនីតិវិធីនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ២០២៧។

(ស្ទឹងត្រែង)៖ ផែនការត្រៀមរៀបចំព្រឹត្តិការណ៍ និងកម្មវិធីធំៗចំនួន ៦ នៅក្នុងខេត្តស្ទឹងត្រែង ត្រូវបានលើកយកមកពិភាក្សាក្នុងកិច្ចប្រជុំការងារមួយ នារសៀលថ្ងៃសុក្រ ទី១៣ ខែវិច្ឆិកា ឆ្នាំ២០២៦។ កិច្ចប្រជុំនេះ ប្រព្រឹត្តទៅក្រោមការដឹកនាំរបស់ លោក ស្រ៊ន សំឫទ្ធី អភិបាលរងនៃគណៈអភិបាលខេត្តស្ទឹងត្រែង និងជាប្រធានលេខាធិការដ្ឋានរៀបចំបុណ្យជាតិ-អន្តរជាតិខេត្ត ដោយមានការចូលរួមពីសមាជិកលេខាធិការដ្ឋាន និងតំណាងមន្ទីរ-អង្គភាពពាក់ព័ន្ធជុំវិញខេត្ត។

​(ស្ទឹងត្រែង)៖ នាព្រឹកថ្ងៃសុក្រ ទី១៣ ខែវិច្ឆិកា ឆ្នាំ២០២៦ ឯកឧត្តមសន្តិបណ្ឌិត ឡូយ សុផាត ប្រធានគណៈកម្មការទី៣ នៃរដ្ឋសភា និងជាអ្នកតំណាងរាស្ត្រមណ្ឌលខេត្តស្ទឹងត្រែង បានដឹកនាំក្រុមការងារការិយាល័យអ្នកតំណាងរាស្ត្រ និងអាជ្ញាធរមូលដ្ឋាន អញ្ជើញចុះសួរសុខទុក្ខ សំណេះសំណាល និងពិនិត្យស្ថានភាពរស់នៅជាក់ស្តែងរបស់បងប្អូនប្រជាពលរដ្ឋ នៅក្នុងឃុំកាំងចាម និងឃុំអូររៃ ស្រុកថាឡាបរិវ៉ាត់ ខេត្តស្ទឹងត្រែង។

(ស្ទឹងត្រែង)៖ ស្ត្រីទើបសម្រាលកូនភ្លោះមិនគ្រប់ខែម្នាក់ ដែលកំពុងសម្រាកព្យាបាល និងតាមដានសុខភាពនៅមន្ទីរពេទ្យបង្អែកខេត្តស្ទឹងត្រែង ត្រូវបានក្រុមការងារសាខាកាកបាទក្រហមកម្ពុជា ខេត្តស្ទឹងត្រែង ដឹកនាំដោយ ឯកឧត្តម សាយ ព្រលឹង នាយកសាខា ចុះសួរសុខទុក្ខ និងនាំយកអំណោយមនុស្សធម៌ទៅឧបត្ថម្ភ នាថ្ងៃសុក្រ ទី១៣ ខែវិច្ឆិកា ឆ្នាំ២០២៦។ ការចុះសួរសុខទុក្ខនេះ ត្រូវបានធ្វើឡើងក្រោមការចាត់តាំង និងការយកចិត្តទុកដាក់ខ្ពស់ពីសំណាក់ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត។

នារសៀលថ្ងៃទី១៣ ខែវិច្ឆិកា ឆ្នាំ២០២៦ នៅសាលាខេត្តស្ទឹងត្រែង បានរៀបចំកិច្ចប្រជុំពិភាក្សាលើសេចក្តីព្រាងរៀបចំផែនការសកម្មភាព និងថវិកា ឆ្នាំ២០២៧ (ផអ៥)

ស្ទឹងត្រែង៖ ពិធីផ្សព្វផ្សាយលិខិតបទដ្ឋានគតិយុត្តិជាតិ និងអន្តរជាតិ ពាក់ព័ន្ធនឹងការធ្វើទារុណកម្ម និងការចុះអង្កេតត្រួតពិនិត្យកន្លែងឃាត់ខ្លួនបណ្តោះអាសន្ន ត្រូវបានរៀបចំឡើងនាព្រឹកថ្ងៃទី១២ ខែវិច្ឆិកា ឆ្នាំ២០២៦ម្សិលមិញនេះ នៅបញ្ជាការដ្ឋានកងរាជអាវុធហត្ថខេត្តស្ទឹងត្រែង ក្រោមអធិបតីភាព ឯកឧត្តម កែវ តារាពង្ស អនុប្រធានគណៈកម្មាធិការជាតិប្រឆាំងទារុណកម្ម។