ព័ត៌មានក្នុងខេត្ត

(ស្ទឹងត្រែង)៖ នៅថ្ងៃទី៣ ខែសីហា ឆ្នាំ២០២៦នេះ គម្រោង «ពន្លកសតវត្សថ្មី» ស្ថិតក្រោមការអនុវត្តរបស់ «កម្មវិធីមនសិការល្អ» បានឈានជើងមួយជំហានយ៉ាងសំខាន់ក្នុងការគាំទ្រវិស័យអប់រំ ដោយបានដាក់ឱ្យប្រើប្រាស់ជាផ្លូវការនូវបន្ទប់កុំព្យូទ័រទំនើប សម្រាប់សិស្សានុសិស្សនៅវិទ្យាល័យហ៊ុនសែនស្ទឹងត្រែង។

នារសៀលថ្ងៃទី ២ ខែសីហា ឆ្នាំ២០២៦ នេះ នៅសាលាខេត្តស្ទឹងត្រែង លោក ម៉ែន គុង អភិបាលរងខេត្តស្ទឹងត្រែង បានអញ្ជើញជាអធិបតីដឹកនាំកិច្ចប្រជុំអនុគណៈកម្មការខ្លឹមសារព័ត៌មាន និងផ្សព្វផ្សាយ នៃគណៈកម្មការរៀបចំបដិសណ្ឋារកិច្ចថ្នាក់ដឹកនាំកំពូលជាតិ។ កិច្ចប្រជុំនេះ មានការអញ្ជើញចូលរួមពីប្រធាន និងអនុប្រធានមន្ទីរ-អង្គភាពពាក់ព័ន្ធ ដែលជាសមាជិក នៃអនុគណៈកម្មការខ្លឹមសារព័ត៌មាន និងផ្សព្វផ្សាយ។

នៅរសៀលថ្ងៃទី ២ ខែសីហា ឆ្នាំ២០២៦ នៅស្នងការដ្ឋាននគរបាលខេត្តស្ទឹងត្រែង ឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង និងជាប្រធានគណៈបញ្ជាការឯកភាពរដ្ឋបាលខេត្ត បាន សម្តែងនូវការវាយតម្លៃខ្ពស់ និងកោតសរសើរយ៉ាងជ្រាលជ្រៅ ចំពោះកម្លាំងសមត្ថកិច្ចដែលបានខិតខំបំពេញភារកិច្ចយ៉ាងសកម្មក្នុងប្រតិបត្តិការបង្ក្រាបក្រុមជនល្មើសជួញដូរ រក្សាទុក និងប្រើប្រាស់គ្រឿងញៀនទាំងសំបុក ដើម្បីឆ្លើយតបទៅនឹងបំណងប្រាថ្នារបស់ប្រជាពលរដ្ឋ ក្នុងការទទួលបាននូវសុខសុវត្ថិភាព និងភាពសុខសាន្ត។

​ស្ទឹងត្រែង៖ ដើម្បីជំរុញការផ្សព្វផ្សាយសក្តានុពលទេសចរណ៍ខេត្តទៅកាន់ពិភពលោក តបតាមមតិដឹកនាំរបស់ ឯកឧត្តម សរ សុពុត្រា អភិបាលខេត្តស្ទឹងត្រែង នាព្រឹកថ្ងៃទី០២ ខែសីហានេះ លោក ស្រ៊ន សំឫទ្ធី អភិបាលរងខេត្ត បានដឹកនាំក្រុមការងារចុះទទួលស្វាគមន៍ និងអមដំណើរក្រុមផលិតមាតិកាកម្រិតសាកល Cyberlocos Team ក្នុងបេសកកម្មទស្សនកិច្ច និងផ្តិតយករូបភាពតំបន់ទេសចរណ៍សំខាន់ៗក្នុងខេត្ត។

ខេត្តស្ទឹងត្រែង៖ នៅរសៀល ថ្ងៃទី៣១ ខែកក្កដា ឆ្នាំ២០២៦ លោក សយ គា អនុប្រធានមន្ទីរអភិវឌ្ឍន៍ជនបទខេត្តស្ទឹងត្រែង បានដឹកនាំមន្ត្រីជំនាញបច្ចេកទេស ចុះពិនិត្យ និងតាមដានវឌ្ឍនភាពការងារសាងសង់ និងស្តារហេដ្ឋារចនាសម្ព័ន្ធផ្គត់ផ្គង់ទឹកស្អាត ដែលស្ថិតនៅភូមិវាលដេញ ឃុំអន្លង់ជ្រៃ ស្រុកថាឡាបរិវ៉ាត់ ខេត្តស្ទឹងត្រែង។

រដ្ឋបាលខេត្តស្ទឹងត្រែង សូមជូនដំណឹងដល់បងប្អូនប្រជាពលរដ្ឋ និងសាធារណជនទាំងអស់ឱ្យបានជ្រាបថា៖ ​រដ្ឋបាលខេត្ត «ហាមឃាត់ដាច់ខាត» នូវការប្រើប្រាស់អាកាសយានគ្មានមនុស្សបើក (ដ្រូន) គ្រប់ប្រភេទ ក្នុងភូមិសាស្ត្រខេត្តស្ទឹងត្រែង ដោយគ្មានការអនុញ្ញាត ចាប់ពី ថ្ងៃទី ១ ដល់ថ្ងៃទី១៥ ខែសីហា ឆ្នាំ២០២៦។

លោកស្រី វិន ស៊ីធួន អភិបាលរងខេត្តស្ទឹងត្រែង បានដឹកនាំក្រុមការងារចុះសួរសុខទុក្ខ និងនាំយកគ្រឿងឧបភោគ បរិភោគ ព្រមទាំងថវិកាមួយចំនួន ទៅផ្តល់ជូនគ្រួសារក្រីក្រមានបន្ទុកធ្ងន់មួយខ្នងផ្ទះ រស់នៅភូមិកាំងដីស សង្កាត់ព្រះបាទ ក្រុងស្ទឹងត្រែង នាសៀលថ្ងៃទី៣១ ខែកក្កដា ឆ្នាំ២០២៦នេះ ដើម្បីជួយសម្រាលទុក្ខលំបាកជីវភាព និងត្រៀមលក្ខណៈសម្រាប់ការសម្រាលកូននាពេលខាងមុខ។

ទីក្រុងវ៉ាងវៀន, ខេត្តវៀងចន្ទន៍៖ នាព្រឹកថ្ងៃព្រហស្បតិ៍ ទី៣០ ខែកក្កដា ឆ្នាំ២០២៦នេះ ឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង បានអញ្ជើញចូលរួមកិច្ចប្រជុំលើកទី៩ នៃគណៈកម្មការចម្រុះព្រំដែន (JBC) កម្ពុជា-ឡាវ ឡាវ-កម្ពុជា ដែលបានប្រព្រឹត្តទៅនៅទីក្រុងវ៉ាងវៀន ខេត្តវៀងចន្ទន៍ សាធារណរដ្ឋប្រជាធិបតេយ្យប្រជាមានិតឡាវ។

គួរឱ្យសរសើរជាខ្លាំង! ក្រោមគម្រោង "បង្កើតថ្មី ដើម្បីសុខភាពសហគមន៍ខ្ញុំ" កាលពីថ្ងៃទី២៩ ខែកក្កដា ឆ្នាំ២០២៦ កន្លងទៅនេះ ក្លឹបពន្លឺសន្តិភាព នៃសិស្សានុសិស្សថ្នាក់ទី១១ វិទ្យាល័យព្រះគោ បានរៀបចំសកម្មភាពទី៦របស់ខ្លួន ដោយបានដាក់តាំងលក់សាប៊ូលាងដៃ និងសាប៊ូលាងចាន ដែលជាស្នាដៃផលិតដោយដៃផ្ទាល់របស់ប្អូនៗសិស្សានុសិស្ស។ ស

​ខេត្តស្ទឹងត្រែង៖ លោក សយ គា អនុប្រធានមន្ទីរអភិវឌ្ឍន៍ជនបទខេត្តស្ទឹងត្រែង នាថ្ងៃទី៣០ ខែកក្កដា ឆ្នាំ២០២៦ បានចុះបណ្តុះបណ្តាលស្តីពី «តួនាទី ភារកិច្ចក្រុមស្នូល និងការថែទាំជួសជុលស្នប់ទឹក» ជូនដល់អាជ្ញាធរ និងប្រជាពលរដ្ឋក្នុងឃុំអន្លង់ជ្រៃ ស្រុកថាឡាបរិវ៉ាត់ ដើម្បីធានាបាននូវការផ្គត់ផ្គង់ទឹកស្អាតប្រកបដោយនិរន្តរភាព។

​ស្ទឹងត្រែង៖ ក្រសួងទេសចរណ៍ សហការជាមួយរដ្ឋបាលខេត្តស្ទឹងត្រែង ត្រៀមរៀបចំ «ព្រឹត្តិការណ៍ទេសចរណ៍រដូវកាលបៃតង ឆ្នាំ២០២៦» ដ៏ធំជាលើកដំបូង នៅថ្ងៃទី៨–៩ ខែសីហា ខាងមុខនេះ ដើម្បីលើកកម្ពស់សក្តានុពលអេកូទេសចរណ៍តំបន់ភូមិភាគឦសាន ជំរុញសេដ្ឋកិច្ចមូលដ្ឋាន និងបំផុសការអភិរក្សសត្វផ្សោតទន្លេមេគង្គ ក្រោមប្រេនឌីងថ្មី «ស្ទឹងត្រែង៖ លើសពីទន្លេ លើសពីធម្មតា»។

ខេត្តស្ទឹងត្រែង៖ នារសៀលថ្ងៃទី៣០ ខែកក្កដា ឆ្នាំ២០២៦ នេះ លោក ញ៉ែម វណ្ណយុត្តិ នាយករដ្ឋបាលសាលាខេត្តស្ទឹងត្រែង បានអញ្ជើញជាអធិបតីដឹកនាំកិច្ចប្រជុំត្រួតពិនិត្យរបាយការណ៍វឌ្ឍនភាពការងាររដ្ឋបាលខេត្ត ប្រចាំខែកក្កដា ឆ្នាំ២០២៦ និងលើកទិសដៅអនុវត្តបន្ត នៅសាលាខេត្តស្ទឹងត្រែង ដោយមានការចូលរួមយ៉ាងកុះករពីសំណាក់លោក លោកស្រី ជាប្រធាន អនុប្រធានមន្ទីរ-អង្គភាពជំនាញជុំវិញខេត្ត តំណាងរដ្ឋបាលក្រុង-ស្រុក ព្រមទាំងមន្ត្រីរាជការដែលពាក់ព័ន្ធជាច្រើនរូប។