ព័ត៌មានក្នុងខេត្ត

ស្ទឹងត្រែង៖នារសៀលថ្ងៃចន្ទ ទី០៩ ខែវិច្ឆិកា ឆ្នាំ២០២៦ នេះ នៅទីស្នាក់ការគណបក្សឃុំកំភុន ស្រុកសេសាន ខេត្តស្ទឹងត្រែង លោក ស៊ុន ប៊ុនធឿន សមាជិកគណៈកម្មាធិការគណបក្សប្រជាជនកម្ពុជាខេត្តស្ទឹងត្រែង និងជាប្រធានក្រុមការងារចុះមូលដ្ឋានឃុំកំភុន បានអញ្ជើញដឹកនាំកិច្ចប្រជុំស្ទង់មតិ ដើម្បីជ្រើសរើសសមាជិកគណៈកម្មាធិការគណបក្សឃុំកំភុន សម្រាប់ពង្រឹងរចនាសម្ព័ន្ធដឹកនាំ និងប្រសិទ្ធភាពការងារនៅថ្នាក់មូលដ្ឋាន។

នៅព្រឹកថ្ងៃទី៩ ខែវិច្ឆិកា ឆ្នាំ២០២៦ រដ្ឋបាលខេត្តស្ទឹងត្រែង បានប្រារព្ធពិធីអបអរសាទរខួបអនុស្សាវរីយ៍ លើកទី៧៣ នៃទិវាបុណ្យឯករាជ្យជាតិ ៩ វិច្ឆិកា នៅទីលានតេជោ ធិបតី ខេត្តស្ទឹងត្រែង។

​ខេត្តស្ទឹងត្រែង៖ ក្នុងឱកាសខួបបុណ្យឯករាជ្យជាតិ ឆ្នាំ២០២៦ ទណ្ឌិតនៅពន្ធនាគារខេត្តស្ទឹងត្រែងចំនួន ៤រូប ដែលបានខិតខំកែប្រែខ្លួនល្អប្រសើរ ត្រូវបានប្រកាសផ្តល់ការបន្ធូរបន្ថយ និងលើកលែងទោស ស្របតាមព្រះរាជក្រឹត្យរបស់ព្រះមហាក្សត្រ នាថ្ងៃទី០៨ ខែវិច្ឆិកា ឆ្នាំ២០២៦។

ខេត្តស្ទឹងត្រែង៖ នារសៀលថ្ងៃអាទិត្យ ទី៨ ខែវិច្ឆិកា ឆ្នាំ២០២៦ នៅទីស្នាក់ការគណបក្សប្រជាជនកម្ពុជា ឃុំអន្លង់ជ្រៃ ស្រុកថាឡាបរិវ៉ាត់ ខេត្តស្ទឹងត្រែង បានរៀបចំពិធីប្រកាសបញ្ចូលសមាជិក-សមាជិកាថ្មី នៃគណបក្សប្រជាជនកម្ពុជា ចំនួន ៤៥៦នាក់ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម សរ សុពុត្រា ប្រធានគណៈកម្មាធិការគណបក្សប្រជាជនកម្ពុជាខេត្តស្ទឹងត្រែង។

ខេត្តស្ទឹងត្រែង៖ នាថ្ងៃទី៨ ខែវិច្ឆិកា ឆ្នាំ២០២៦ នៅសាលប្រជុំគណបក្សស្រុកបុរីអូរស្វាយសែនជ័យ ឯកឧត្តម ទូច គង្គា សមាជិកគណៈអចិន្ត្រៃយ៍ នៃគណៈកម្មាធិការគណបក្សខេត្តស្ទឹងត្រែង និងជាអនុប្រធានទី១ ក្រុមការងារគណបក្សចុះមូលដ្ឋានស្រុកបុរីអូរស្វាយសែនជ័យ បានអញ្ជើញជាអធិបតីដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោតស្រុក។

​(ខេត្តស្ទឹងត្រែង)៖ ថ្លែងក្នុងពិធីប្រកាសបញ្ចូលសមាជិកថ្មីចំនួន ៣០៩នាក់ នៅទីស្នាក់ការគណបក្សប្រជាជនកម្ពុជា ឃុំអន្លង់ភេ ស្រុកថាឡាបរិវ៉ាត់ នារសៀលថ្ងៃសៅរ៍ ទី០៧ ខែវិច្ឆិកា ឆ្នាំ២០២៦ ឯកឧត្តម សរ សុពុត្រា ប្រធានគណៈកម្មាធិការគណបក្សខេត្ត បានលើកឡើងយ៉ាងច្បាស់ថា វត្តមានរបស់សមាជិកថ្មីដ៏ច្រើនកុះករនាពេលនេះ បានបង្ហាញពីកម្លាំងមហាសាមគ្គី និងការផ្តល់ទំនុកចិត្តយ៉ាងពេញទំហឹងរបស់ប្រជាពលរដ្ឋចំពោះការដឹកនាំរបស់គណបក្ស ដែលតែងតែនាំមកនូវសុខសន្តិភាព និងការអភិវឌ្ឍពិតប្រាកដ។

ស្ទឹងត្រែង៖ នៅព្រឹកថ្ងៃទី២៥ ខែតុលា ឆ្នាំ២០២៦ ថ្នាក់ដឹកនាំគណៈកម្មាធិការគណបក្សស្រុកសៀមបូក រួមទាំងប្រធានគណៈកម្មាធិការគណបក្សឃុំទាំង៧ បានជួបជុំគ្នានៅទីស្នាក់ការគណបក្សស្រុក ដើម្បីចូលរួមស្ដាប់បាឋកថាស្ដីពី «ការចូលរួមក្នុងការងារចលនាមហាជនដើម្បីបុព្វហេតុជាតិ និងប្រជាជន ក្រោមការដឹកនាំរបស់សម្ដេចតេជោអគ្គមគ្គុទេសក៍ជាតិដ៏ឆ្នើម» តាមរយៈប្រព័ន្ធវីដេអូ Zoom។

ស្ទឹងត្រែង៖ ដើម្បីពង្រឹងកម្លាំងនយោបាយ និងត្រៀមរៀបចំយុទ្ធសាស្ត្រឱ្យបានម៉ត់ចត់ ឆ្ពោះទៅដណ្តើមប្រៀបឈ្នះក្នុងការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ ខាងមុខ ឯកឧត្តម ម៉ែន គុង សមាជិកគណៈអចិន្ត្រៃយ៍គណបក្សខេត្ត បានដឹកនាំក្រុមការងារចុះមូលដ្ឋានឃុំកាំងចាម បើកកិច្ចប្រជុំយុទ្ធសាស្ត្រក្តាប់សភាពការណ៍ជាក់ស្តែង និងរៀបចំផែនការសកម្មភាពគន្លឹះ នៅរសៀលថ្ងៃទី២៤ ខែតុលា ឆ្នាំ២០២៦នេះ ជាពិសេសគឺការត្រៀមរៀបចំពិធីប្រកាសបញ្ចូលសមាជិកបក្សថ្មីរហូតដល់ទៅជាង ១ពាន់នាក់ ដែលទើបកសាងបានក្នុងមូលដ្ឋាន។

ស្ទឹងត្រែង៖ នៅល្ងាចថ្ងៃទី២២ ខែតុលា ឆ្នាំ២០២៦ លោក ស្រ៊ន សំឫទ្ធី សមាជិកយុវជនថ្នាក់កណ្តាល សមាជិកផ្នែកក្រៅប្រព័ន្ធ នៃយុវជនគណបក្សថ្នាក់កណ្តាល និងជាប្រធានយុវជនគណបក្សខេត្តស្ទឹងត្រែង បានដឹកនាំប្រតិភូថ្នាក់ដឹកនាំយុវជនគណបក្សខេត្ត ក្រុង-ស្រុក និងតំណាងយុវជនតាមមន្ទីរ-អង្គភាពជុំវិញខេត្ត អញ្ជើញចូលរួមគោរពវិញ្ញាណក្ខន្ធ និងនាំយកសារលិខិតរំលែកទុក្ខយ៉ាងក្រៀមក្រំ ជូនចំពោះគ្រួសារសព លោកឧបាសក ទុំ វង្សស៊ីន។

​ស្រុកសៀមបូក៖ នាព្រឹកថ្ងៃទី១៧ ខែតុលា ឆ្នាំ២០២៦នេះ គណៈអចិន្រ្តៃយ៍គណបក្សស្រុកសៀមបូក រួមជាមួយក្រុមការងារគណបក្សចុះមូលដ្ឋានឃុំ និងតំណាងគណបក្សឃុំទាំង៧ ក្នុងស្រុក បានរៀបចំកិច្ចប្រជុំត្រួតពិនិត្យ និងពិភាក្សាលើការរៀបចំបញ្ជីបេក្ខជនឈរឈ្មោះបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ២០២៧ ខាងមុខ។

ខេត្តស្ទឹងត្រែង៖ នៅព្រឹកថ្ងៃទី១៧ ខែតុលា ឆ្នាំ២០២៦ គណៈចលនាមហាជន នៃគណៈកម្មាធិការគណបក្សប្រជាជនកម្ពុជាស្រុកសេសាន បានអញ្ជើញចូលរួមកម្មវិធីបាឋកថាចែករំលែកបទពិសោធន៍ ស្តីពី «ដំណើរជីវិត និងការតស៊ូការពារសមិទ្ធផល ៧ មករា ១៩៧៩ ដើម្បីបុព្វហេតុជាតិ និងប្រជាជន» តាមប្រព័ន្ធវីដេអូ (Zoom Meeting)។

ពិធីនេះបានប្រារព្ធឡើងនៅសាលាខេត្តស្ទឹងត្រែង នាព្រឹកថ្ងៃទី២៥ ខែកញ្ញា ឆ្នាំ២០២៦ ក្រោមអធិបតី ដ៏ខ្ពង់ខ្ពស់ ឯកឧត្តម ផៃ ប៊ុនឈឿន រដ្ឋមន្រ្តីប្រតិភូ អមនាយករដ្ឋមន្រ្តី ជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តស្ទឹងត្រែង ឯកឧត្តម ឈាង ឡាក់ ប្រធានក្រុមប្រឹក្សាខេត្ត ឯកឧត្តម សរ សុពុត្រា អភិបាលនៃគណៈអភិបាលខេត្ត។