​​នៅព្រឹកថ្ងៃទី១៣ ខែវិច្ឆិកា ឆ្នាំ២០២៦ ក្រុមការងារចុះជួយមូលដ្ឋានឃុំកោះស្នែង រួមមាន លោកស្រី បួរ ខាំតង, លោកស្រី ធី ផល្លីដា, លោកស្រី សម្បត្តិ រចនា, លោកស្រី កែវ វណ្ណារ៉ា, លោកស្រី ប៉ាន បញ្ចរ៉ា អនុប្រធានក្រុមការងារ និងលោក ហ៊ត ពីន បានចុះសួរសុខទុក្ខ និងចូលរួមរំលែកទុក្ខជាមួយក្រុមគ្រួសារសព លោក លៀន ចាន់ អតីតជំទប់ទី១ឃុំកោះស្នែង និងជាសមាជិកគណបក្សប្រជាជនកម្ពុជាឃុំកោះស្នែង ដែលបានទទួលមរណភាព។

ស្ទឹងត្រែង៖ នៅថ្ងៃទី១៤ ខែវិច្ឆិកា ឆ្នាំ២០២៦ នេះ លោក សយ គា អនុប្រធានមន្ទីរអភិវឌ្ឍន៍ជនបទខេត្តស្ទឹងត្រែង រួមជាមួយក្រុមការងារបច្ចេកទេស និងអាជ្ញាធរមូលដ្ឋាន បានអញ្ជើញចុះពិនិត្យដោយផ្ទាល់នូវវឌ្ឍនភាពនៃការសាងសង់ប្រព័ន្ធចែកចាយទឹកសហគមន៍ ដែលស្ថិតនៅក្នុងភូមិក្បាលរមាស ឃុំក្បាលរមាស ស្រុកសេសាន ខេត្តស្ទឹងត្រែង។

(ស្ទឹងត្រែង)៖ នាថ្ងៃត្រង់ថ្ងៃសៅរ៍ ទី១៤ ខែវិច្ឆិកា ឆ្នាំ២០២៦ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង បានអញ្ជើញចុះសួរសុខទុក្ខដោយផ្ទាល់ និងនាំយកអំណោយសួរសុខទុក្ខប្រគល់ជូន លោកស្រី នេត ច័ន្ទវរិន្ទ អតីតប្រធានមន្ទីរប្រៃសណីយ៍ និងទូរគមនាគមន៍ខេត្តស្ទឹងត្រែង ដល់គេហដ្ឋាន ខណៈលោកស្រីកំពុងសម្រាកព្យាបាល និងថែទាំសុខភាព។

(ស្ទឹងត្រែង)៖ ផែនការត្រៀមរៀបចំព្រឹត្តិការណ៍ និងកម្មវិធីធំៗចំនួន ៦ នៅក្នុងខេត្តស្ទឹងត្រែង ត្រូវបានលើកយកមកពិភាក្សាក្នុងកិច្ចប្រជុំការងារមួយ នារសៀលថ្ងៃសុក្រ ទី១៣ ខែវិច្ឆិកា ឆ្នាំ២០២៦។ កិច្ចប្រជុំនេះ ប្រព្រឹត្តទៅក្រោមការដឹកនាំរបស់ លោក ស្រ៊ន សំឫទ្ធី អភិបាលរងនៃគណៈអភិបាលខេត្តស្ទឹងត្រែង និងជាប្រធានលេខាធិការដ្ឋានរៀបចំបុណ្យជាតិ-អន្តរជាតិខេត្ត ដោយមានការចូលរួមពីសមាជិកលេខាធិការដ្ឋាន និងតំណាងមន្ទីរ-អង្គភាពពាក់ព័ន្ធជុំវិញខេត្ត។

​(ស្ទឹងត្រែង)៖ នាព្រឹកថ្ងៃសុក្រ ទី១៣ ខែវិច្ឆិកា ឆ្នាំ២០២៦ ឯកឧត្តមសន្តិបណ្ឌិត ឡូយ សុផាត ប្រធានគណៈកម្មការទី៣ នៃរដ្ឋសភា និងជាអ្នកតំណាងរាស្ត្រមណ្ឌលខេត្តស្ទឹងត្រែង បានដឹកនាំក្រុមការងារការិយាល័យអ្នកតំណាងរាស្ត្រ និងអាជ្ញាធរមូលដ្ឋាន អញ្ជើញចុះសួរសុខទុក្ខ សំណេះសំណាល និងពិនិត្យស្ថានភាពរស់នៅជាក់ស្តែងរបស់បងប្អូនប្រជាពលរដ្ឋ នៅក្នុងឃុំកាំងចាម និងឃុំអូររៃ ស្រុកថាឡាបរិវ៉ាត់ ខេត្តស្ទឹងត្រែង។

(ស្ទឹងត្រែង)៖ ស្ត្រីទើបសម្រាលកូនភ្លោះមិនគ្រប់ខែម្នាក់ ដែលកំពុងសម្រាកព្យាបាល និងតាមដានសុខភាពនៅមន្ទីរពេទ្យបង្អែកខេត្តស្ទឹងត្រែង ត្រូវបានក្រុមការងារសាខាកាកបាទក្រហមកម្ពុជា ខេត្តស្ទឹងត្រែង ដឹកនាំដោយ ឯកឧត្តម សាយ ព្រលឹង នាយកសាខា ចុះសួរសុខទុក្ខ និងនាំយកអំណោយមនុស្សធម៌ទៅឧបត្ថម្ភ នាថ្ងៃសុក្រ ទី១៣ ខែវិច្ឆិកា ឆ្នាំ២០២៦។ ការចុះសួរសុខទុក្ខនេះ ត្រូវបានធ្វើឡើងក្រោមការចាត់តាំង និងការយកចិត្តទុកដាក់ខ្ពស់ពីសំណាក់ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត។