រដ្ឋបាលខេត្តស្ទឹងត្រែង នៅព្រឹកថ្ងៃទី៧ ខែតុលា ឆ្នាំ២០២៦ នេះ បានរៀបចំពិធីពាំនាំយកអំណោយស្បៀងអាហារ ចែកជូនដល់កងកម្លាំងប្រដាប់អាវុធទាំង៣ប្រភេទ និងមន្ត្រីពន្ធនាគារខេត្ត ដើម្បីសម្រាលជីវភាព និងលើកទឹកចិត្តដល់កងកម្លាំងដែលកំពុងឈរជើងបំពេញភារកិច្ច ការពារសន្តិសុខ សណ្តាប់ធ្នាប់ជូនប្រជាពលរដ្ឋ នាឱកាសពិធីបុណ្យកាន់បិណ្ឌ និងភ្ជុំបិណ្ឌ ប្រពៃណីជាតិខ្មែរ។
ភ្នំពេញ៖ ក្នុងឱកាសបុណ្យកាន់បិណ្ឌ និងភ្ជុំបិណ្ឌ ឆ្នាំ២០២៦ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងលោកជំទាវ ទុយ សិរីរតនៈ ប្រធានកិត្តិយសសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ក្រសួងព័ត៌មាន នៅថ្ងៃទី៧ ខែតុលា ឆ្នាំ២០២៦ បានអញ្ជើញជួបសំណេះសំណាល និងចែកអំណោយជូនបងប្អូនកម្មករ ដែលកំពុងបំពេញការងារសាងសង់អគារ និងធ្វើផ្លូវក្នុងទីស្តីការក្រសួងព័ត៌មាន ប្រមាណជាង ៥០នាក់។
ស្ទឹងត្រែង៖ ដោយស្មារតីទទួលខុសត្រូវ និងមិនចង់ឱ្យសិស្សជំនាន់ក្រោយជួបប្រទះការលំបាកខ្វះខាតដូចខ្លួន សិស្សថ្នាក់ទី១០ មួយក្រុមនៃវិទ្យាល័យ ហ៊ុន សែន ស្ទឹងត្រែង បានរួមគ្នាចាប់ផ្តើមគម្រោង «ពន្លកសតវត្សថ្មី» ដោយបានកៀរគរថវិកា និងធនធានពីសប្បុរសជនក្នុងសហគមន៍បានប្រមាណ ៣០លានរៀល ដើម្បីកែលម្អ និងបំពាក់ឧបករណ៍ក្នុងបន្ទប់កុំព្យូទ័រ សំដៅលើកកម្ពស់ការសិក្សាផ្នែកឌីជីថលដល់សិស្សានុសិស្សជាង ៨០០នាក់ ឱ្យកាន់តែមានប្រសិទ្ធភាព។
ខេត្តស្ទឹងត្រែង៖ នៅថ្ងៃពុធ ១១រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែតុលា ឆ្នាំ២០២៦ នេះ រដ្ឋបាលខេត្តស្ទឹងត្រែងបានរៀបចំកិច្ចប្រជុំសំខាន់មួយស្តីពី «ការពង្រឹងការគ្រប់គ្រងរបៀបរបបបំពេញការងារ និងការគោរពវិន័យមន្ត្រីរាជការ» ក្រោមអធិបតីភាព លោក ស្រ៊ន សំឫទ្ធី អភិបាលរងខេត្ត តំណាងឯកឧត្តម សរ សុពុត្រា អភិបាលខេត្ត នៃគណៈអភិបាលខេត្តស្ទឹងត្រែង នៅសាលប្រជុំតូច សាលាខេត្ត។
ស្ទឹងត្រែង៖ ដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៦ បានចាប់ផ្តើមបើកដំណើរការជាផ្លូវការហើយ ចាប់ពីថ្ងៃទី៧ ខែតុលា ដល់ថ្ងៃទី៣០ ខែវិច្ឆិកា ឆ្នាំ២០២៦ ខាងមុខនេះ នៅតាមសាលាឃុំ-សង្កាត់ទាំងអស់ទូទាំងប្រទេស។ អាជ្ញាធរដែនដីគ្រប់ជាន់ថ្នាក់ បានអំពាវនាវ និងគោរពអញ្ជើញបងប្អូនប្រជាពលរដ្ឋខ្មែរដែលមានសិទ្ធិបោះឆ្នោត ឲ្យរួសរាន់ទៅចូលរួមពិនិត្យឈ្មោះ និងចុះឈ្មោះឲ្យបានគ្រប់ៗគ្នា។
