ឯកឧត្តម ថង សាវុន ដឹកនាំកិច្ចប្រជុំស្ដីពីការបង្ក្រាប ទប់ស្កាត់ និងប្រឆាំងបទល្មើសឆបោកតាមប្រព័ន្ធបច្ចេកវិទ្យា Online Scams ក្នុងភូមិសាស្ត្រខេត្តមណ្ឌលគិរី
(មណ្ឌលគិរី)៖ ឯកឧត្តម ថង សាវុន អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពខេត្តមណ្ឌលគិរី បានដឹកនាំកិច្ចប្រជុំស្ដីពីការបង្ក្រាប ទប់ស្កាត់ និងប្រឆាំងបទល្មើសឆបោកតាមប្រព័ន្ធបច្ចេកវិទ្យា Online Scams ក្នុងភូមិសាស្ត្រខេត្តមណ្ឌលគិរី ដើម្បីពង្រឹងសន្តិសុខ និងសុវត្ថិភាពសង្គម ដែលប្រព្រឹត្តទៅនៅសាលប្រជុំសាលាខេត្តមណ្ឌលគិរី នារសៀលថ្ងៃទី១៩ ខែឧសភា ឆ្នាំ២០២៦។ នៅក្នុងកិច្ចប្រជុំដ៏មានសារៈសំខាន់នេះដែរ ក៏មានការអញ្ជើញចូលរួមពីសំណាក់លោក អភិបាលរងខេត្ត, លោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី លោក ឧត្តមសេនីយ៍ត្រី ហែម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគិរី រួមទាំងលោក អភិបាលនៃគណៈអភិបាលក្រុង/ស្រុកទាំង៥ និងលោក អធិការនគរបាលក្រុង/ស្រុកទាំង៥ នៅខេត្តមណ្ឌលគិរីផងដែរ៕
