មន្ទីរពេទ្យកុមារជាតិ និងមន្ទីរសុខាភិបាលខេត្តស្ទឹងត្រែង រៀបចំវគ្គបណ្តុះបណ្តាលស្តីពីការថែទាំ និងព្យាបាលជំងឺគ្រុនឈាម ជូនដល់បុគ្គលិកសុខាភិបាល ដើម្បីបង្កើនប្រសិទ្ធភាពសេវា និងការពារអាយុជីវិតប្រជាពលរដ្ឋ
ស្ទឹងត្រែង៖ នាព្រឹកថ្ងៃទី៧ ខែសីហា ឆ្នាំ២០២៦ មន្ទីរសុខាភិបាលនៃរដ្ឋបាលខេត្តស្ទឹងត្រែង សហការជាមួយមន្ទីរពេទ្យកុមារជាតិ បានរៀបចំវគ្គបណ្តុះបណ្តាលស្តីពី «ការថែទាំ និងព្យាបាលជំងឺគ្រុនឈាម» ជូនដល់បុគ្គលិកសុខាភិបាលទូទាំងខេត្តស្ទឹងត្រែង នៅសាលប្រជុំមន្ទីរសុខាភិបាលខេត្ត។ ពិធីនេះបានប្រព្រឹត្តទៅក្រោមអធិបតីភាព ឯកឧត្តម ខូយ ឌី អនុរដ្ឋលេខាធិការក្រសួងសុខាភិបាល, លោកវេជ្ជបណ្ឌិត ម៉េង ឆាយ នាយករងមន្ទីរពេទ្យកុមារជាតិ និងលោកស្រីសាស្ត្រាចារ្យជំនួយ ឃុត សុធីណា អនុប្រធានមន្ទីរសុខាភិបាលខេត្តស្ទឹងត្រែង។
