លោកជំទាវ ឡុង ភិរម្យ ដឹកនាំក្រុមការងាររាជរដ្ឋាភិបាល ចុះមូលដ្ឋានស្រុកសេសាន នាំយកទៀនព្រះវស្សា និងទេយ្យទាន ប្រគេនព្រះសង្ឃ ១៦ វត្ត និងរៀបចំពិធីបិណ្ឌបាតព្រះសង្ឃ ១០០ អង្គ
ស្ទឹងត្រែង៖ នៅថ្ងៃទី១៩ ខែកក្កដា ឆ្នាំ២០២៦ ក្រុមការងាររាជរដ្ឋាភិបាលចុះមូលដ្ឋានស្រុកសេសាន ដឹកនាំដោយ លោកជំទាវ ឡុង ភិរម្យ រដ្ឋលេខាធិការក្រសួងទេសចរណ៍ និងជាប្រធានក្រុមការងាររាជរដ្ឋាភិបាល ចុះមូលដ្ឋានស្រុកសេសាន បានសហការជាមួយ រដ្ឋបាលស្រុកសេសាន និងពុទ្ធបរិស័ទក្នុងមូលដ្ឋាន រៀបចំពិធីនាំយកទៀនព្រះវស្សា ទេយ្យទាន និងបច្ច័យ វេរប្រគេនជូនព្រះសង្ឃដែលគង់ចាំព្រះវស្សា នៅតាមវត្តអារាមចំនួន ១៦ វត្តទូទាំងស្រុកសេសាន។
