(ខេត្តស្ទឹងត្រែង)៖ រដ្ឋបាលក្រុងស្ទឹងត្រែង បានចេញសេចក្តីជូនដំណឹងជាផ្លូវការ ណែនាំដល់សាធារណជន បងប្អូនប្រជាពលរដ្ឋ ម្ចាស់ទីតាំងជួល និងអាជីវករប្រកបរបរលក់ដូរគ្រប់ប្រភេទ ត្រូវបញ្ឈប់ជាបន្ទាន់នូវការលក់ដូរ ឬការរំលោភបំពានយកដីចំណីផ្លូវសាធារណៈ នៅលើខ្សែផ្លូវលេខ៦១ ចាប់ពីផ្លូវលេខ១៤ (កែងផ្សារសាមគ្គីស្ទឹងត្រែង) រហូតដល់ខ្សែផ្លូវលេខ២៨ (កែងសាលាមជ្ឈមណ្ឌលគរុកោសល្យភូមិភាគស្ទឹងត្រែង) ស្ថិតក្នុងក្រុងស្ទឹងត្រែង ខេត្តស្ទឹងត្រែង។

​ខេត្តស្ទឹងត្រែង៖ រដ្ឋបាលខេត្តស្ទឹងត្រែងបានចេញសេចក្តីប្រកាសព័ត៌មាន សម្រេចផ្អាកការងារជាបណ្តោះអាសន្នចំពោះលោក អ៊ុំ សុភឿន មន្ត្រីបម្រើការនៅការិយាល័យបុគ្គលិក នៃទីចាត់ការគ្រប់គ្រងធនធានមនុស្សសាលាខេត្តស្ទឹងត្រែង បន្ទាប់ពីមន្ត្រីរូបនេះបានជាប់ពាក់ព័ន្ធនឹងករណីវិវាទដីធ្លីជាមួយប្រជាពលរដ្ឋ។

រដ្ឋបាលខេត្តស្ទឹងត្រែង បានចេញសេចក្តីជូនដំណឹងជាផ្លូវការស្តីពីការផ្អាកការប្រារព្ធពិធីប្រណាំងទូកថ្នាក់ខេត្តប្រចាំឆ្នាំ២០២៦ នៅតាមបណ្តោយដងទន្លេសេកុង ដើម្បីបង្វែរយកចិត្តទុកដាក់លើការដោះស្រាយបញ្ហាប្រឈមចំពោះមុខជូនប្រជាពលរដ្ឋ។ ទោះជាយ៉ាងណា អាជ្ញាធរខេត្តបានប្រគល់សិទ្ធិជូនរដ្ឋបាលក្រុង ស្រុក ឃុំ សង្កាត់ និងវត្តអារាមនានា អាចរៀបចំពិធីប្រណាំងទូក បណ្តែតប្រទិព្វ សំពះព្រះខែ និងអកអំបុក ទៅតាមលទ្ធភាពជាក់ស្តែង និងប្រពៃណីក្នុងមូលដ្ឋានរៀងៗខ្លួន ដោយត្រូវធានាឱ្យបាននូវសន្តិសុខ និងសណ្តាប់ធ្នាប់សាធារណៈ។

រដ្ឋបាលខេត្តស្ទឹងត្រែង នៅថ្ងៃទី១៣ ខែតុលា ឆ្នាំ២០២៦ បានចេញសេចក្តីបំភ្លឺព័ត៌មានជាផ្លូវការ ជុំវិញករណីមរណភាពរបស់អ្នកជំងឺឈ្មោះ ទិន ឡៃ អាយុ៤៦ឆ្នាំ ដោយបានបញ្ជាក់ថា ក្រុមគ្រូពេទ្យបានខិតខំប្រឹងប្រែងពិនិត្យ និងព្យាបាលសង្គ្រោះយ៉ាងយកចិត្តទុកដាក់បំផុតតាមបច្ចេកទេសវេជ្ជសាស្ត្រ ប៉ុន្តែដោយសារស្ថានភាពជំងឺប្រចាំកាយធ្ងន់ធ្ងរខ្លាំង ទើបអ្នកជំងឺមិនអាចឆ្លងផុត និងបានទទួលមរណភាព។

ស្ទឹងត្រែង៖ ដើម្បីជួយសម្រាលបន្ទុកចំណាយក្នុងការធ្វើដំណើររបស់កងកម្លាំងប្រដាប់អាវុធ សិស្ស និស្សិត កម្មករ កម្មការិនី និងប្រជាពលរដ្ឋ ក្នុងឱកាសពិធីបុណ្យភ្ជុំបិណ្ឌ ប្រពៃណីជាតិខ្មែរ ឆ្នាំមមី អដ្ឋស័ក ព.ស.២៥៧០ ខាងមុខនេះ រដ្ឋបាលខេត្តស្ទឹងត្រែង សហការជាមួយរដ្ឋបាលរាជធានីភ្នំពេញ បានរៀបចំរថយន្តក្រុងចំនួន ២០គ្រឿង សម្រាប់ដឹកជញ្ជូនប្រជាពលរដ្ឋដែលមានបំណងធ្វើដំណើរមកលេងស្រុកកំណើតនៅខេត្តស្ទឹងត្រែង ដោយមិនគិតប្រាក់។

មន្ទីរ ធនធានទឺក និងឧតុនិយម ខេត្តស្ទឹងត្រែង សូមជូនដំណឹង ពីស្ថានភាពធាតុអាកាស និង ជលសាស្រ្តប្រចាំខេត្តស្ទឹងត្រែង សម្រាប់ថ្ងៃទី  04/09/2026 ម៉ោង 6:00 ព្រឹក (24ម៉ោង)