ព័ត៌មានក្នុងខេត្ត

ស្ទឹងត្រែង៖ នាថ្ងៃទី២៨ ខែសីហា ឆ្នាំ២០២៦ លោក ហង់ កុង ប្រធានលេខាធិការដ្ឋានរៀបចំការបោះឆ្នោតខេត្តស្ទឹងត្រែង បានដឹកនាំកិច្ចប្រជុំផ្សព្វផ្សាយស្តីពី ការផ្តល់លិខិតអញ្ជើញអ្នកមានឈ្មោះក្នុងបញ្ជីបោះឆ្នោតផ្លូវការឆ្នាំ២០២៥ សម្រាប់បម្រើឱ្យការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦។

នាព្រឹកថ្ងៃទី២៧ ខែសីហា ឆ្នាំ២០២៦នេះ នៅសាលប្រជុំសាលាខេត្តស្ទឹងត្រែង ឯកឧត្តម ហាក់ វិមាន សមាជិកក្រុមប្រឹក្សាខេត្ត និងលោក ស្រ៊ន សំឫទ្ធី អភិបាលរងខេត្ត បានរួមគ្នាតំណាងរដ្ឋបាលខេត្ត ដឹកនាំកិច្ចប្រជុំក្រុមការងារចម្រុះថ្នាក់ខេត្ត ដើម្បីពិនិត្យវឌ្ឍនភាពការងារចងក្រងប្រវត្តិស្នាដៃថ្នាក់ដឹកនាំ និងជំរុញផែនការសកម្មភាពធំៗចំនួន៣ ឆ្លើយតបនឹងការអភិវឌ្ឍសង្គម-សេដ្ឋកិច្ច។

ស្ទឹងត្រែង៖ ឯកឧត្តម សរសុពុត្រា អភិបាល នៃគណៈអភិបាលខេត្តស្ទឹងត្រែង នាព្រឹកថ្ងៃព្រហស្បតិ៍ ទី២៧ ខែសីហា ឆ្នាំ២០២៦ នេះ បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីប្រគល់ប្រាក់គោលនយោបាយរបបសន្តិសុខសង្គម ជូនដល់គ្រួសារសពអតីតយុទ្ធជន និងគ្រួសារសពនិវត្តជន ដែលពិធីនេះបានប្រព្រឹត្តទៅនៅសាលាខេត្តស្ទឹងត្រែង។

ខេត្តស្ទឹងត្រែង៖ នៅសាលាខេត្ត ស្ទឹងត្រែងនៃព្រះរាជាណាចក្រកម្ពុជា គណៈកម្មការជំនាញរុករកអដ្ឋិធាតុខេត្តស្ទឹងត្រែង(កម្ពុជា) ជាមួយគណៈកម្មការជំនាញរុករកអដ្ឋិធាតុខេត្តហ្សាឡាយ(វៀតណាម) បានរៀបចំកិច្ចប្រជុំពិភាក្សាការងារ និងចុះហត្ថលេខាលើកំណត់កំណត់ហេតុកិច្ចសហប្រតិបត្តិការរុករក គាស់កាយ និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងជំនាញការវៀតណាម ដែលបានពលីជីវិតក្នុងសម័យសង្គ្រាម នៅលើទឹកដីនៃខេត្តស្ទឹងត្រែង សម្រាប់រដូវប្រាំង ឆ្នាំ២០២៦-២០២៧។

ខេត្តស្ទឹងត្រែង៖ នៅរសៀលថ្ងៃទី២២ ខែសីហា ឆ្នាំ២០២៦នេះ លោក ម៉ែន គុង អភិបាលរងខេត្តស្ទឹងត្រែង បានដឹកនាំកិច្ចប្រជុំជាមួយមន្ត្រីជំនាញ និងភាគីពាក់ព័ន្ធ ដើម្បីពិនិត្យ រៀបចំ និងដាក់ចេញនូវផែនការសកម្មភាព ព្រមទាំងត្រៀមអនុវត្តនីតិវិធីប្រតិបត្តិស្តង់ដារ (SOP) សម្រាប់ផែនការត្រៀមបម្រុងគ្រោះអាសន្នទឹកជំនន់ក្នុងភូមិសាស្ត្រខេត្ត។

ស្ទឹងត្រែង៖ នារសៀលថ្ងៃ ទី១៨ ខែសីហា ឆ្នាំ២០២៦ រដ្ឋបាលខេត្តស្ទឹងត្រែង បានរៀបចំកិច្ចប្រជុំផ្សព្វផ្សាយស្តីពី ការរៀបចំតារាងស្ថិតិ និងការកំណត់ប្រភពចំណូលមិនមែនសារពើពន្ធ (កិច្ចសន្យាជួល) និងផ្ទាំងផ្សព្វផ្សាយពាណិជ្ជកម្ម ដើម្បីពង្រឹងប្រសិទ្ធភាពនៃការគ្រប់គ្រង និងប្រមូលចំណូលមិនមែនសារពើពន្ធរបស់រដ្ឋបាលខេត្ត ឱ្យកាន់តែមានប្រសិទ្ធភាព តម្លាភាព និងស្របតាមបទដ្ឋាន និងនីតិវិធីជាធរមាន។

​ស្ទឹងត្រែង៖ នារសៀលថ្ងៃពុធ ទី១២ ខែសីហា ឆ្នាំ២០២៦ គណៈប្រតិភូរដ្ឋបាលខេត្តស្ទឹងត្រែង ដឹកនាំដោយ ឯកឧត្តម ឈាង ឡាក់ ប្រធានក្រុមប្រឹក្សាខេត្ត និង ឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង បានអញ្ជើញនាំយកកម្រងផ្កា និងសារលិខិតរំលែកទុក្ខ ដើម្បីចូលរួមគោរពវិញ្ញាណក្ខន្ធសព ឯកឧត្តមបណ្ឌិត សាយសំផន ភូមវិហា ប្រធានរដ្ឋសភា នៃសាធារណរដ្ឋប្រជាធិបតេយ្យប្រជាមានិតឡាវ ដែលបានទទួលមរណភាពកាលពីថ្ងៃទី៨ ខែសីហា ឆ្នាំ២០២៦ កន្លងទៅ។

សម្តេចមហាបវរធិបតី ហ៊ុន ម៉ាណែត មានប្រសាសន៍គូសបញ្ជាក់យ៉ាងស៊ីជម្រៅថា រាជរដ្ឋាភិបាលតែងតែចាត់ទុកភូមិភាគឦសាន ដែលរួមមាន ខេត្តស្ទឹងត្រែង ខេត្តរតនគិរី ខេត្តមណ្ឌលគិរី និងខេត្តក្រចេះ គឺជាទិសដៅអាទិភាពនៃការអភិវឌ្ឍសង្គម-សេដ្ឋកិច្ចជាតិ ដើម្បីកាត់បន្ថយគម្លាតនៃការអភិវឌ្ឍរវាងភូមិភាគឦសាន និងតំបន់កណ្តាលប្រទេស។

ស្ទឹងត្រែង៖ នាថ្ងៃទី១១ ខែសីហា ឆ្នាំ២០២៦ម្សិលមិញនេះ ឯកឧត្តម កែវ ចិត្រ្តា ទីប្រឹក្សាសម្តេចមហាបវរធិបតី និងជាប្រធាននាយកដ្ឋានស្ថិតិគណនេយ្យជាតិ និង ឯកឧត្តម ធូ ចាន់ពៅ អភិបាលរងខេត្តស្ទឹងត្រែង បានអញ្ជើញជាគណៈអធិបតីក្នុងពិធីប្រកាសផ្សព្វផ្សាយលទ្ធផលបឋម ផលិតផលក្នុងស្រុកសរុប (GDP) សម្រាប់ខេត្តស្ទឹងត្រែង ឆ្នាំ២០២៥ ដែលបានរៀបចំឡើងនៅសាលប្រជុំមន្ទីរផែនការខេត្តស្ទឹងត្រែង ដោយមានការចូលរួមពីលោកប្រធានស្តីទីមន្ទីរផែនការ និងលោក លោកស្រី តំណាងមន្ទីរ អង្គភាពជុំវិញខេត្ត ព្រមទាំងមន្ត្រីពាក់ព័ន្ធជាច្រើនរូប។

នាឱកាសរសៀលថ្ងៃទី ១១ ខែសីហា ឆ្នាំ២០២៦ នេះ នៅសាលាខេត្តស្ទឹងត្រែង មានការរៀបចំកិច្ចប្រជុំយ៉ាងសំខាន់មួយរបស់គណៈកម្មការរៀបចំបដិសណ្ឋារកិច្ចថ្នាក់ដឹកនាំកំពូលជាតិ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី។

ខេត្តស្ទឹងត្រែង៖ នាព្រឹកថ្ងៃទី១១ ខែសីហា ឆ្នាំ២០២៦ នៅសាលប្រជុំធំសាលាខេត្តស្ទឹងត្រែង គណៈប្រតិភូក្រុមប្រឹក្សាធម្មនុញ្ញ បានរៀបចំសិក្ខាសាលាផ្សព្វផ្សាយស្តីពី «សមិទ្ធផលធម្មនុញ្ញសម្រេចបានក្នុងរយៈពេល ៣០ឆ្នាំ» ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ហ៊ី សោភា ប្រធានក្រុមប្រឹក្សាធម្មនុញ្ញនៃព្រះរាជាណាចក្រកម្ពុជា។

ពិធីនេះបានប្រព្រឹត្តទៅនារសៀលថ្ងៃទី១០ ខែសីហា ឆ្នាំ២០២៦ នៅលើទីតាំងដីសម្បទានសង្គមកិច្ច ស្ថិតក្នុងភូមិខាំផាន់ សង្កាត់សាមគ្គី ក្រុងស្ទឹងត្រែង ក្រោមអធិបតីភាព ឯកឧត្តម សរ សុពុត្រា អភិបាល នៃគណៈអភិបាលខេត្ត និងជាប្រធានគណៈកម្មាធិការសមាគមអតីតយុទ្ធជនកម្ពុជា (អ.ន.ក) ខេត្តស្ទឹងត្រែង