ព័ត៌មានក្នុងខេត្ត

ស្ទឹងត្រែង៖ នាព្រឹកថ្ងៃទី២១ ខែកញ្ញា ឆ្នាំ២០២៦ នៅសាលប្រជុំសាលាខេត្តស្ទឹងត្រែង លោក ស្រ៊ន សំឫទ្ធី អភិបាលរងខេត្ត និងជាប្រធានលេខាធិការដ្ឋានរៀបចំបុណ្យជាតិ-អន្តរជាតិខេត្ត បានដឹកនាំកិច្ចប្រជុំពិភាក្សាជាមួយក្រុមការងារលេខាធិការដ្ឋាន និងមន្ទីរ-អង្គភាពពាក់ព័ន្ធ ដើម្បីពិនិត្យវឌ្ឍនភាពការងារ និងបន្តត្រៀមលក្ខណៈសម្រាប់ការរៀបចំព្រឹត្តិការណ៍សំខាន់ៗក្នុងខេត្ត។

​ខេត្តស្ទឹងត្រែង៖ នៅថ្ងៃទី២១ ខែកញ្ញា ឆ្នាំ២០២៦ នេះ លោក ស្រ៊ន សំឫទ្ធី អភិបាលរងខេត្តស្ទឹងត្រែង និងជាប្រធានលេខាធិការដ្ឋានរៀបចំបុណ្យជាតិ-អន្តរជាតិខេត្ត បានបន្តដឹកនាំកម្លាំងលេខាធិការដ្ឋាន រួមជាមួយតំណាងមន្ទីរ និងអង្គភាពពាក់ព័ន្ធជុំវិញខេត្ត ចុះពិនិត្យទីតាំងជាក់ស្តែងនៅ «មណ្ឌលឧក្រិដ្ឋកម្មត្រពាំងចោងហោង» (មន្ទីរសន្តិសុខ ១០៤)។

ខេត្តស្ទឹងត្រែង៖ នៅថ្ងៃទី២០ ខែកញ្ញា ឆ្នាំ២០២៦ ក្រុមការងារអនុវត្តគម្រោងថ្នាក់ខេត្ត ដឹកនាំដោយ លោក សយ គា អនុប្រធានមន្ទីរអភិវឌ្ឍន៍ជនបទខេត្ត និងជាអ្នកសម្របសម្រួលគម្រោង រួមនិងមន្ត្រីជំនាញបច្ចេកទេស បានសហការយ៉ាងជិតស្និទ្ធជាមួយអាជ្ញាធរមូលដ្ឋាន មានក្រុមប្រឹក្សាឃុំ មេភូមិ ចុះពិនិត្យ និងកំណត់ទីតាំងជាក់ស្តែងសម្រាប់ជីកស្រះទឹកសហគមន៍ចំនួន ៣កន្លែង ស្ថិតក្នុងភូមិសាស្ត្រ ស្រុកសេសាន ខេត្តស្ទឹងត្រែង។

ស្ទឹងត្រែង៖ នាថ្ងៃទី១៦ ខែកញ្ញា ឆ្នាំ២០២៦ នាយកដ្ឋានចុះបញ្ជីពាណិជ្ជកម្ម នៃក្រសួងពាណិជ្ជកម្ម សហការជាមួយមន្ទីរពាណិជ្ជកម្មខេត្តស្ទឹងត្រែង បានរៀបចំសិក្ខាសាលាផ្សព្វផ្សាយស្តីពី «ការធ្វើសាមញ្ញកម្មនៃការងារចុះបញ្ជីពាណិជ្ជកម្ម និងលិខិតបទដ្ឋានគតិយុត្តពាក់ព័ន្ធនឹងការចុះបញ្ជីពាណិជ្ជកម្ម» ក្រោមវត្តមាន ឯកឧត្តម ឱម តារារិទ្ធ ទីប្រឹក្សាក្រសួង និងជាប្រធាននាយកដ្ឋានចុះបញ្ជីពាណិជ្ជកម្ម។

ស្ទឹងត្រែង៖ នៅថ្ងៃទី១៧ ខែកញ្ញា ឆ្នាំ២០២៦ គណៈកម្មាធិការជាតិគ្រប់គ្រងគ្រោះមហន្តរាយ សហការជាមួយកម្មវិធីអភិវឌ្ឍន៍សហប្រជាជាតិ (UNDP) បានរៀបចំសិក្ខាសាលាចាប់ផ្តើមអនុវត្តគម្រោង ស្តីពី «ការប្រកាសឱ្យដឹងមុន សម្រាប់ទាំងអស់គ្នានៅកម្ពុជា» នៅខេត្តស្ទឹងត្រែង ក្នុងគោលបំណងផ្សព្វផ្សាយ និងបង្កើតការយល់ដឹងរួមដល់ភាគីពាក់ព័ន្ធអំពីគោលបំណង លទ្ធផល និងយន្តការអនុវត្តគម្រោង។

​ស្ទឹងត្រែង៖ នៅថ្ងៃទី១៤ ខែកញ្ញា ឆ្នាំ២០២៦នេះ ឯកឧត្តម សរ សុពុត្រា អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តស្ទឹងត្រែង បានចាត់ឱ្យ លោក សន សារឿន អភិបាលស្រុកសៀមប៉ាង ដឹកនាំក្រុមការងារនាំយកសម្ភារ បរិក្ខារ និងថវិកាមនុស្សធម៌ ទៅចូលរួមរំលែកទុក្ខយ៉ាងក្រៀមក្រំជាមួយគ្រួសារសពកុមារីរងគ្រោះពីរនាក់បងប្អូន ដែលបានទទួលមរណភាពដោយសារគ្រោះថ្នាក់លង់ទឹក កាលពីថ្ងៃទី១០ ខែកញ្ញា ឆ្នាំ២០២៦ កន្លងទៅ។

ខេត្តស្ទឹងត្រែង៖ នាព្រឹកថ្ងៃទី១១ ខែកញ្ញា ឆ្នាំ២០២៦ ក្រសួងមុខងារសាធារណៈបានរៀបចំសិក្ខាសាលាផ្សព្វផ្សាយដ៏មានសារៈសំខាន់ស្តីពី «ការវាយតម្លៃសមិទ្ធកម្មការងាររបស់មន្ត្រីផ្អែកលើកិច្ចព្រមព្រៀងការងារ» នៅសាលប្រជុំធំសាលាខេត្តស្ទឹងត្រែង ក្រោមអធិបតីភាពដ៏ខ្ពង់ខ្ពស់ ឯកឧត្តម គង់ សុភី រដ្ឋលេខាធិការក្រសួងមុខងារសាធារណៈ និងជាតំណាងដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ។

ស្ទឹងត្រែង៖ នាថ្ងៃទី១០ ខែកញ្ញា ឆ្នាំ២០២៦ ឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង និងជាប្រធានកិត្តិយសក្រុមយុវគ្រូពេទ្យ ៧១ បានអញ្ជើញជាអធិបតីក្នុងពិធីសំណេះសំណាលជាមួយក្រុមយុវគ្រូពេទ្យ ៧១ ដែលបានចុះបំពេញបេសកកម្មផ្នែកសុខាភិបាលនៅខេត្តស្ទឹងត្រែង។

ស្ទឹងត្រែង៖ នាថ្ងៃទី១០ ខែកញ្ញា ឆ្នាំ២០២៦ សាខាបេឡាជាតិសន្តិសុខសង្គម (ប.ស.ស.) ខេត្តស្ទឹងត្រែង បានរៀបចំកិច្ចប្រជុំផ្សព្វផ្សាយស្តីពី «គោលការណ៍ បទប្បញ្ញត្តិច្បាប់ និងអត្ថប្រយោជន៍របបសន្តិសុខសង្គម» ជូនបុគ្គលនៅក្នុងវិស័យសាធារណៈ ក្នុងគោលបំណងពង្រឹងការយល់ដឹងអំពីសិទ្ធិ អត្ថប្រយោជន៍ និងកាតព្វកិច្ចពាក់ព័ន្ធនឹងការអនុវត្តរបបសន្តិសុខសង្គម។

ខេត្តស្ទឹងត្រែង៖ នៅថ្ងៃទី៥ ខែកញ្ញា ឆ្នាំ២០២៦នេះ លោក សុវណ្ណ ពិសេដ្ឋ អភិបាល នៃគណៈអភិបាលស្រុកសេសាន បានដឹកនាំក្រុមការងារអាជ្ញាធរមូលដ្ឋាន ចុះពិនិត្យស្ថានភាពទឹកជំនន់ផ្ទាល់ និង សួរសុខទុក្ខប្រជាពលរដ្ឋដែលកំពុងរងផលប៉ះពាល់នៅក្នុងឃុំតាឡាត ព្រមទាំងបាននាំយកជំនួយសង្គ្រោះបឋមមួយចំនួនចែកជូនដល់បងប្អូនប្រជាពលរដ្ឋដល់ខ្នងផ្ទះ។

ស្ទឹងត្រែង. នៅថ្ងៃទី ០២ ខែ កញ្ញា ឆ្នាំ២០២៦ ក្រសួងកិច្ចការនារី សហការជាមួយ អង្គការមូលនិធិអាស៊ី នៅសណ្ឋាគារអង្គរមាស ខេត្តស្ទឹងត្រែង បានរៀបចំសិក្ខាសាលាផ្សព្វផ្សាយ និងលើកកម្ពស់ការយល់ដឹងស្តីពីរបៀបវារៈស្រ្តី សន្តិភាព និងសន្តិសុខ នៅថ្នាក់ក្រោមជាតិ ។

ខេត្តស្ទឹងត្រែង៖ នៅព្រឹកថ្ងៃទី ៣ ខែ កញ្ញា ឆ្នាំ២០២៦នេះ លោក ស្រ៊ន សំឫទ្ធី អភិបាលរងខេត្តស្ទឹងត្រែង តំណាង ឯកឧត្តម សរ សុពុត្រា អភិបាលនៃគណៈអភិបាលខេត្ត បានអញ្ជើញជាអធិបតី នៅក្នុងពិធីបើកសិក្ខាសាលាស្តីពី «ការគ្រប់គ្រង និងថែរក្សាបណ្ណសារ» នៅសាលប្រជុំតូចសាលាខេត្តស្ទឹងត្រែង។