ព័ត៌មានក្នុងខេត្ត

ខេត្តស្ទឹងត្រែង៖ នៅថ្ងៃទី ៩ ខែសីហា ឆ្នាំ២០២៦ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម សែន វ៉ាន់ស៊ីម អភិបាលរងខេត្តស្ទឹងត្រែង តំណាងដ៏ខ្ពង់ខ្ពស់ ឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង បានអញ្ជើញជាអធិបតីភាពក្នុង «ពិធីសំណេះសំណាល និងសួរសុខទុក្ខជាមួយសហគមន៍អេកូទេសចរណ៍ ខេត្តស្ទឹងត្រែង» ដែលបានប្រព្រឹត្តទៅនៅតំបន់អន្លង់ផ្សោតត្បូងខ្លា ឃុំអូរម្រះ ស្រុកសៀមបូក ខេត្តស្ទឹងត្រែង ពិធីនេះមានការអញ្ជើញចូលរួមពីសំណាក់ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយករង ប្រធាន-អនុប្រធាននាយកដ្ឋាននៃក្រសួងទេសចរណ៍ ព្រមទាំង លោក លោកស្រី អភិបាលរងក្រុង-ស្រុក លោក លោកស្រី ប្រធាន-អនុប្រធានមន្ទីរ អង្គភាពជុំវិញខេត្ត ប្រធានសហគមន៍អេកូទេសចរណ៍ និងមន្ត្រីពាក់ព័ន្ធជាច្រើនរូបទៀត។

ឯកឧត្តម ផៃ ប៊ុនឈឿន សមាជិកគណៈកម្មាធិការកណ្តាល និងជាប្រធានក្រុមការងារថ្នាក់កណ្ដាលចុះមូលដ្ឋានខេត្តស្ទឹងត្រែង អមដំណើរដោយឯកឧត្តម ប៉ាវ ហេងដារ៉ា ប្រធានក្រុមការងារចុះមូលដ្ឋានក្រុងស្ទឹងត្រែង ព្រមទាំងថ្នាក់ដឹកនាំក្រុមការងារពាក់ព័ន្ធ បានអញ្ជើញជួបសំណេះសំណាលជាមួយគណៈកម្មាធិការគណបក្សក្រុង និងសង្កាត់ទាំងបួន ព្រមទាំងបានផ្តល់ជូនឧបករណ៍សោតទស្សន៍ចំនួន ៥ គ្រឿង សម្រាប់បម្រើការងារនៅទីស្នាក់ការគណបក្សក្រុង និងសង្កាត់ កាលពីព្រឹកថ្ងៃអាទិត្យ ទី៩ ខែសីហា ឆ្នាំ២០២៦ នេះ។

ស្ទឹងត្រែង៖ ខេត្តស្ទឹងត្រែង មិនត្រឹមតែមានត្រីប៉ាស៊ីអ៊ីជាអាហារពិសេសប៉ុណ្ណោះទេ ប៉ុន្តែថែមទាំងមានផលិតផលមូលដ្ឋានជាច្រើនប្រភេទ ដែលមានសក្តានុពលខ្ពស់ និងទាក់ទាញភ្ញៀវទេសចរណ៍យ៉ាងខ្លាំង។ ផលិតផលទាំងនោះ រួមមាន ត្រីប៉ាខិម ក្រឡាដំណាប់ខ្មៅ នំអន្សមឆ្ងាញ់ ផ្លែម្នាស់ និងផ្លែទុរេន ដែលមានរសជាតិឈ្ងុយឆ្ងាញ់ និងគុណភាពល្អ។

រដ្ឋបាលខេត្តស្ទឹងត្រែង-គណៈកម្មាធិការរដ្ឋបាលខេត្តចំប៉ាសាក់ នៅថ្ងៃទី៧ ខែសីហា ឆ្នាំ ២០២៦ នៅទីស្នាក់ការច្រកទ្វារព្រំដែន អន្តរជាតិណងណុកខៀន ក្នុងស្រុកខូង ខេត្តចំប៉ាសាក់ នៃសាធារណរដ្ឋប្រជាធិបតេយ្យប្រជាមានិតឡាវ ដែលរដ្ឋបាលខេត្តស្ទឹងត្រែងនៃព្រះរាជាណាចក្រកម្ពុជា តំណាងដោយ លោក ម៉ែន គុង អភិបាលរងនៃគ ណៈអភិបាលខេត្តស្ទឹងត្រែង និងគណៈកម្មាធិការរដ្ឋបាលខេត្តចំប៉ាសាក់នៃសាធារណរដ្ឋប្រជាធិបតេយ្យប្រជាមានិតឡាវ តំណាងដោយលោក ភិមផន ផាន់ដានុវង់ អនុប្រធានគណៈកម្មាធិការរដ្ឋបាល ខេត្តចំប៉ាសាក់ បានបើកកិច្ចប្រជុំពិនិត្យពិភាក្សាឯកភាពលើកំណត់ហេតុស្ដីពីការស្ថាបនាកែលម្អកំណាត់ផ្លូវជាតិរងការខូចខាតភ្ជាប់គ្នានៅចន្លោះទីស្នាក់ការច្រកទ្វារអន្តរជាតិត្រពាំងក្រៀល (កម្ពុជា) និងណងណុកខៀន (ឡាវ)

ខេត្តស្ទឹងត្រែង៖ នារសៀលថ្ងៃទី៧ ខែសីហា ឆ្នាំ២០២៦ នៅសាលប្រតូចជុំសាលាខេត្តស្ទឹងត្រែង មានរៀបចំកិច្ចប្រជុំពិភាក្សាស្តីពី «ការគ្រប់គ្រងលំហូរឆ្លងកាត់ព្រំដែនខុសច្បាប់របស់ពលរដ្ឋកម្ពុជា និងជនបរទេស»។ កិច្ចប្រជុំនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍នៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដោយមានការចូលរួមពី លោក ស្រ៊ន សំឫទ្ធី អភិបាលរងនៃគណៈអភិបាលខេត្តស្ទឹងត្រែង តំណាង ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង។

នៅរសៀលថ្ងៃទី៧ ខែសីហា ឆ្នាំ២០២៦ កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការ សមាគមអតីតយុទ្ធជន និងនិវត្តជនកម្ពុជា បានអញ្ជើញចុះពិនិត្យដោយផ្ទាល់នូវសកម្មភាពក្រុមការងារឈូសឆាយដីសម្បទានសង្គមកិច្ច ស្ថិតក្នុងភូមិខាំផាន់ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង

ស្ទឹងត្រែង៖ នាព្រឹកថ្ងៃទី៧ ខែសីហា ឆ្នាំ២០២៦ មន្ទីរសុខាភិបាលនៃរដ្ឋបាលខេត្តស្ទឹងត្រែង សហការជាមួយមន្ទីរពេទ្យកុមារជាតិ បានរៀបចំវគ្គបណ្តុះបណ្តាលស្តីពី «ការថែទាំ និងព្យាបាលជំងឺគ្រុនឈាម» ជូនដល់បុគ្គលិកសុខាភិបាលទូទាំងខេត្តស្ទឹងត្រែង នៅសាលប្រជុំមន្ទីរសុខាភិបាលខេត្ត។ ពិធីនេះបានប្រព្រឹត្តទៅក្រោមអធិបតីភាព ឯកឧត្តម ខូយ ឌី អនុរដ្ឋលេខាធិការក្រសួងសុខាភិបាល, លោកវេជ្ជបណ្ឌិត ម៉េង ឆាយ នាយករងមន្ទីរពេទ្យកុមារជាតិ និងលោកស្រីសាស្ត្រាចារ្យជំនួយ ឃុត សុធីណា អនុប្រធានមន្ទីរសុខាភិបាលខេត្តស្ទឹងត្រែង។

ក្រុមសិស្សានុសិស្សមកពីក្លឹបពន្លឺសន្តិភាព ថ្នាក់ទី ១១ នៃវិទ្យាល័យព្រះគោ ក្រោមគម្រោង "មនសិការពលរដ្ឋល្អ" បាននិងកំពុងខិតខំប្រឹងប្រែងយ៉ាងខ្លាំងក្នុងការផលិតសាប៊ូលាងដៃ ដើម្បីត្រៀមសម្រាប់ពិពណ៌នាដែលនឹងប្រព្រឹត្តទៅនៅថ្ងៃស្អែក។

ស្ទឹងត្រែង៖ នាព្រឹកថ្ងៃព្រហស្បតិ៍ ទី ៦ ខែសីហា ឆ្នាំ២០២៦នេះ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង បានអញ្ជើញជួបសំណេះសំណាល និងសួរសុខទុក្ខជាមួយមន្ត្រីឧទ្យានុរក្ស ឆ្មាំទន្លេអភិរក្សសត្វផ្សោត សហគមន៍នេសាទ និងក្រុមអភិរក្សត្រីមេពូជ ក្នុងរដូវបិទនេសាទ ដែលពិធីនេះបានប្រព្រឹត្តទៅនៅទីតាំងសហគមន៍ទេសចរណ៍កោះខេ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង។

ស្ទឹងត្រែង៖ ដើម្បីចូលរួមលើកកម្ពស់វិស័យព្រះពុទ្ធសាសនា ដែលជាសាសនារបស់រដ្ឋ និងគាំទ្រដល់ការគង់ចាំព្រះវស្សារបស់ព្រះសង្ឃ នាព្រឹកថ្ងៃទី៦ ខែសីហា ឆ្នាំ២០២៦ ឯកឧត្តមសន្តិបណ្ឌិត ឡូយ សុផាត ប្រធានគណៈកម្មការផែនការ វិនិយោគ កសិកម្ម រុក្ខាប្រមាញ់ នេសាទ អភិវឌ្ឍន៍ជនបទ បរិស្ថាន ធនធានទឹក និងឧតុនិយម នៃរដ្ឋសភា និងលោកជំទាវ បានអញ្ជើញនាំយកទៀនព្រះវស្សា បច្ច័យ និងទេយ្យទាន ប្រគេនព្រះសង្ឃដែលគង់ចាំព្រះវស្សាមកពីវត្តចំនួន ១៧ វត្ត នៃគណៈមហានិកាយ និងគណៈធម្មយុត្តិកនិកាយ ក្នុងក្រុងស្ទឹងត្រែង ខេត្តស្ទឹងត្រែង។

ខេត្តស្ទឹងត្រែង៖ នៅថ្ងៃទី៦ ខែសីហា ឆ្នាំ២០២៦ អង្គភាពអនុវត្តកម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តរភាព ខេត្តស្ទឹងត្រែង បានរៀបចំកិច្ចប្រជុំថ្នាក់ឃុំលើកទី១ (កញ្ចប់ទី៣) ស្តីពី «ការប្រមូលទិន្នន័យ ដើម្បីសិក្សាសមិទ្ធិលទ្ធភាពការផ្តល់សេវាហេដ្ឋារចនាសម្ព័ន្ធផ្គត់ផ្គង់ទឹកស្អាត និងអនាម័យជនបទ» ដែលបានប្រព្រឹត្តទៅនៅសាលាឃុំស្រែសំបូរ ស្រុកសៀមប៉ាង ខេត្តស្ទឹងត្រែង។

លោក ស្រ៊ន សំឫទ្ធី អភិបាលរងខេត្តស្ទឹងត្រែង និងក្រុមការងាររាជរដ្ឋាភិបាលចុះមូលដ្ឋានស្រុកសេសាន នាព្រឹកថ្ងៃទី ៦ ខែសីហា ឆ្នាំ២០២៦នេះ បានជួបសំណេះសំណាល លើកទឹកចិត្ត និងឧបត្ថម្ភថវិកាដល់សិស្សថ្នាក់ទី១២ ចំនួន ៧៤នាក់ មកពីវិទ្យាល័យច្រប់ និងវិទ្យាល័យសេសានសុវត្ថិភាព ដើម្បីត្រៀមប្រឡងបាក់ឌុបនាថ្ងៃទី១០-១១ ខែសីហា ឆ្នាំ២០២៦ ខាងមុខ។