ព័ត៌មានក្នុងខេត្ត

គណបក្សប្រជាជនកម្ពុជាខេត្តស្ទឹងត្រែង បានរៀបចំកិច្ចប្រជុំយ៉ាងមានសារៈសំខាន់មួយ នៅស្នាក់ការគណបក្សប្រជាជនកម្ពុជាខេត្ត ដើម្បីផ្សព្វផ្សាយសេចក្តីសម្រេចស្តីពីការចាត់តាំងគណៈបញ្ជាការយុទ្ធនាការបោះឆ្នោតខេត្ត ព្រមទាំងផ្សព្វផ្សាយសេចក្តីណែនាំ ផែនការសកម្មភាព និងប្រតិទិនការងារឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧។

ខេត្តស្ទឹងត្រែង៖ នារសៀលថ្ងៃទី១៩ ខែមិថុនា ឆ្នាំ២០២៦ លោក សុខ ចាន់សំអឿន តំណាងឯកឧត្តម ធូ ចាន់ពៅ ប្រធានក្រុមការងាររាជរដ្ឋាភិបាលកម្ពុជាចុះមូលដ្ឋានសង្កាត់ស្រះឫស្សី ក្រុងស្ទឹងត្រែង ព្រមទាំងលោក សៀ ហេង អនុប្រធានក្រុមការងារ និងសហការី បានអញ្ជើញចុះសួរសុខទុក្ខ និងនាំយកបច្ច័យព្រមទាំងគ្រឿងឧបភោគបរិភោគ ទៅចូលរួមរំលែកទុក្ខដ៏ក្រៀមក្រំជាមួយគ្រួសារសពស្ត្រីឈ្មោះ ចាន់ ធី ដែលបានទទួលមរណភាពដោយរោគាពាធ និងមានជីវភាពខ្វះខាត រស់នៅភូមិស្រែពោធិ៍។

ស្ទឹងត្រែង៖ នៅថ្ងៃទី១៨ ខែមិថុនា ឆ្នាំ២០២៦ ម្សិលមិញនេះ ឯកឧត្តម ឡោ ប៊ុនហ៊ុយ និង លោកជំទាវ ឃួន មុំ បានរៀបចំពិធីបុណ្យវេរប្រគេនទៀនចំណាំព្រះវស្សា និងទក្ខិណានុប្បទាន គម្រប់ខួប ១ឆ្នាំ ដើម្បីទស្ទិសកុសលជូនវិញ្ញាណក្ខ័ន្ធ អគ្គមហាឧបាសិកា ងូន ស៊ីហ្វី។ ពិធីនេះត្រូវបានប្រារព្ធឡើងយ៉ាងអធិកអធម នៅឃុំកោះព្រះ ស្រុកសៀមបូក ខេត្តស្ទឹងត្រែង។

ខេត្តស្ទឹងត្រែង៖ នាព្រឹកថ្ងៃទី១៩ ខែមិថុនា ឆ្នាំ២០២៦ រដ្ឋបាលខេត្តស្ទឹងត្រែង បានរៀបចំប្រារព្ធព្រះរាជពិធីថ្វាយព្រះពរ សម្ដេចព្រះវររាជមាតាជាតិខ្មែរ នរោត្តម មុនិនាថ សីហនុ ក្នុងឱកាសព្រះរាជពិធីបុណ្យចម្រើនព្រះជន្មគម្រប់ ៩០ យាងចូល ៩១ព្រះវស្សា។

រដ្ឋបាលខេត្តស្ទឹងត្រែង បានប្រកាសជាផ្លូវការពីជោគជ័យនៃការរៀបចំ «វេទិកាជម្រុញការវិនិយោគទ្វេភាគី ស្ទឹងត្រែង-ហ្វាឡាយ ឆ្នាំ២០២៦» ដែលបានប្រព្រឹត្តទៅចាប់ពីថ្ងៃទី១៦ ដល់ថ្ងៃទី១៨ ខែមិថុនា ឆ្នាំ២០២៦។ កិច្ចសហប្រតិបត្តិការអន្តរជាតិនេះ បានបើកផ្លូវយ៉ាងទូលំទូលាយក្នុងការទាក់ទាញវិនិយោគទុន បង្កើតទំនាក់ទំនងពាណិជ្ជកម្ម និងរុញច្រានកំណើនសេដ្ឋកិច្ចរវាងខេត្តទាំងពីរ។

ខេត្តស្ទឹងត្រែង៖ នាព្រឹកថ្ងៃសុក្រ ទី១៩ ខែមិថុនា ឆ្នាំ២០២៦ នេះ នៅបញ្ជាការដ្ឋានតំបន់ប្រតិបត្តិការសឹករងស្ទឹងត្រែង លោក ហ៊ុន បូរិន នាយករងរដ្ឋបាលសាលាខេត្តស្ទឹងត្រែង តំណាងឱ្យរដ្ឋបាលខេត្ត នាំយកសម្ភារឧបត្ថម្ភរួមមាន ស័ង្កសីចំនួន ៥០០សន្លឹក និងអំពូលបំភ្លឺដើរដោយថាមពលព្រះអាទិត្យ (សូឡា) ចំនួន ១០គ្រឿង ដែលជាអំណោយដ៏ថ្លៃថ្លារបស់ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង ទៅប្រគល់ជូនតំបន់ប្រតិបត្តិការសឹករងខេត្ត។

ខេត្តស្ទឹងត្រែង៖ ថ្មីៗនេះ មន្ទីរកសិកម្ម រុក្ខាប្រមាញ់ និងនេសាទខេត្ត បានប្រារព្ធទិវាពិភពលោក ដើម្បីប្រយុទ្ធប្រឆាំងនឹងការធ្លាក់ចុះ គុណភាពដី និងគ្រោះរាំងស្ងួត ឆ្នាំ២០២៦ នៃUNCCD. ក្រោមប្រធានបទ “ការឱ្យតម្លៃ ការទទួលស្គាល់ ដើម្បីស្តារគុណភាពដីឡើងវិញ “

​ខេត្តស្ទឹងត្រែង៖ កាលពីរសៀលថ្ងៃទី១៨ ខែមិថុនា ឆ្នាំ២០២៦ គណៈប្រតិភូជាន់ខ្ពស់ខេត្តហ្សាឡាយ (វៀតណាម) បានចុះទស្សនកិច្ចសិក្សានៅក្រុមហ៊ុន ហ័ងអាញ់ហ្សាឡាយ ក្នុងស្រុកបុរីអូរស្វាយសែនជ័យ ដោយក្នុងឱកាសនោះ ភាគីវៀតណាមបានបង្ហាញបំណងស្នើសុំដីសម្បទានសេដ្ឋកិច្ចបន្ថែមប្រមាណជាង ១ម៉ឺនហិកតា និងលើកឡើងពីផែនការស្ថាបនាផ្លូវល្បឿនលឿន ដើម្បីពង្រីកការនាំចេញកសិផលទៅកាន់ទីផ្សារអន្តរជាតិ។

ស្ទឹងត្រែង៖ នាព្រឹកថ្ងៃទី១៨ ខែមិថុនា ឆ្នាំ២០២៦ ឯកឧត្តមសន្តិបណ្ឌិត ឡូយ សុផាត ប្រធានគណៈកម្មការផែនការ វិនិយោគ កសិកម្ម រុក្ខាប្រមាញ់ នេសាទ អភិវឌ្ឍន៍ជនបទ បរិស្ថាន ធនធានទឹក និងឧតុនិយម នៃរដ្ឋសភា និងជាតំណាងរាស្រ្តមណ្ឌលស្ទឹងត្រែង បានអញ្ជើញចុះជួបសួរសុខទុក្ខ និងសំណេះសំណាលជាមួយប្រជាពលរដ្ឋមកពីឃុំទាំង៧ ក្នុងស្រុកសៀមបូក ខេត្តស្ទឹងត្រែង ដែលមានអ្នកចូលរួមប្រមាណជាង ៣៥០នាក់ ក្នុងបរិយាកាសស្និទ្ធស្នាល និងកក់ក្តៅ។

ខេត្តស្ទឹងត្រែង៖ នេះពិតជាព្រឹត្តិការណ៍ប្រវត្តិសាស្រ្តថ្មីមួយទៀត បន្ទាប់ពីមានកិច្ចសហការប្រត្តិបត្តិការទ្វេភាគី រវាងខេត្តស្ទឹងត្រែង កម្ពុជា និងខេត្ត ហ្សាឡាយ (វៀតណាម)។

សាខាកាកបាទក្រហមកម្ពុជា ខេត្តស្ទឹងត្រែង បានបើកវគ្គបណ្តុះបណ្តាលរយៈពេល ២ថ្ងៃ ស្ដីពី "គោលការណ៍គ្រឹះ និងវិជ្ជាសង្គ្រោះបឋម" ជូនដល់មន្ត្រីមូលដ្ឋាន និងយុវជនកាកបាទក្រហមជ្រើសរើសថ្មី ក្នុងស្រុកសេសាន សរុបចំនួន ២០នាក់ ដើម្បីពង្រឹងសមត្ថភាពក្នុងការឆ្លើយតប និងផ្តល់សេវាកម្មមនុស្សធម៌ក្នុងសហគមន៍ឱ្យកាន់តែមានប្រសិទ្ធភាព។

ខេត្តស្ទឹងត្រែង៖ នាព្រឹកថ្ងៃទី១៦ ខែមិថុនា ឆ្នាំ២០២៦ គណៈប្រតិភូគណៈកម្មការទី៩ នៃរដ្ឋសភា ដឹកនាំដោយ ឯកឧត្តមបណ្ឌិត លី ឆេង អនុប្រធានគណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា និងដោយមានការអញ្ជើញចូលរួមពី ឯកឧត្ដម ឡូយ សុផាត អ្នកតំណាងរាស្ត្រមណ្ឌលខេត្តស្ទឺងត្រែង បានអញ្ជើញជួបសំណេះសំណាល និងពិភាក្សាការងារជាមួយរដ្ឋបាលខេត្តស្ទឹងត្រែង។