ព័ត៌មានក្នុងខេត្ត

ស្ទឹងត្រែង៖ ដោយមានការយកចិត្តទុកដាក់ខ្ពស់ពីសំណាក់ឯកឧត្តម សរ សុពុត្រា អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តស្ទឹងត្រែង នៅព្រឹកថ្ងៃអង្គារ ទី១៨ ខែសីហា ឆ្នាំ២០២៦ លោកស្រី សន សុខា អនុប្រធានអចិន្ត្រៃយ៍សាខា រួមជាមួយលោក សុវណ្ណ ពិសេដ្ឋ ប្រធានគណៈកម្មាធិការអនុសាខាកាកបាទក្រហមកម្ពុជាស្រុកសេសាន និងក្រុមប្រតិបត្តិសាខា បានចុះសួរសុខទុក្ខ និងនាំយកអំណោយមនុស្សធម៌របស់សាខា ទៅជូនលោក ចឹត ឃុន អាយុ៦១ឆ្នាំ ដែលជាឪពុករបស់យុទ្ធជនកងទ័ពជួរមុខ ដែលកំពុងឈរជើងបំពេញបេសកកម្មនៅទិសភ្នំទ្រព្យ និងកំពុងជួបប្រទះបញ្ហាសុខភាព។

ស្ទឹងត្រែង៖ នាព្រឹកថ្ងៃទី១៨ ខែសីហា ឆ្នាំ២០២៦ លោក លី មីណា អភិបាលក្រុងស្ទឹងត្រែង ក្នុងនាមរដ្ឋបាលក្រុងស្ទឹងត្រែង និងអនុសាខាកាកបាទក្រហមក្រុងស្ទឹងត្រែង បានអញ្ជើញទទួលជំនួយជាសម្ភារៈសង្គ្រោះបឋម និងគ្រឿងឧបភោគ បរិភោគ ដែលបានផ្តល់ជូនដោយក្រុមហ៊ុន ស្រូយ រស្មី ពាណិជ្ជ ដើម្បីចូលរួមចំណែកក្នុងការងារមនុស្សធម៌ និងជួយសង្គ្រោះប្រជាពលរដ្ឋ និងគ្រួសារដែលមានតម្រូវការចាំបាច់។

ស្ទឹងត្រែង៖ នារសៀលថ្ងៃ ទី១៨ ខែសីហា ឆ្នាំ២០២៦ រដ្ឋបាលខេត្តស្ទឹងត្រែង បានរៀបចំកិច្ចប្រជុំផ្សព្វផ្សាយស្តីពី ការរៀបចំតារាងស្ថិតិ និងការកំណត់ប្រភពចំណូលមិនមែនសារពើពន្ធ (កិច្ចសន្យាជួល) និងផ្ទាំងផ្សព្វផ្សាយពាណិជ្ជកម្ម ដើម្បីពង្រឹងប្រសិទ្ធភាពនៃការគ្រប់គ្រង និងប្រមូលចំណូលមិនមែនសារពើពន្ធរបស់រដ្ឋបាលខេត្ត ឱ្យកាន់តែមានប្រសិទ្ធភាព តម្លាភាព និងស្របតាមបទដ្ឋាន និងនីតិវិធីជាធរមាន។

ខេត្តស្ទឹងត្រែង៖ នៅថ្ងៃទី១៨ ខែសីហា ឆ្នាំ២០២៦ នេះ មន្ទីរអភិវឌ្ឍន៍ជនបទខេត្តស្ទឹងត្រែង ដឹកនាំដោយ លោក សយ គា អនុប្រធានមន្ទីរអភិវឌ្ឍន៍ជនបទខេត្ត និងក្រុមការងារ បានសហការជាមួយអង្គការវឌ្ឍនភាព រៀបចំកិច្ចប្រជុំផ្សព្វផ្សាយស្តីពីការដាក់ឱ្យដំណើរការប្រើប្រាស់ប្រព័ន្ធចែកចាយទឹកសហគមន៍ថ្មី ដែលបានសាងសង់រួចរាល់ និងត្រៀមធ្វើពិធីសម្ពោធជាផ្លូវការនាពេលខាងមុខ។

ស្ទឹងត្រែង៖ នាព្រឹកថ្ងៃទី១៨ ខែសីហា ឆ្នាំ២០២៦ លោក លី មីណា អភិបាលក្រុងស្ទឹងត្រែង ក្នុងនាមរដ្ឋបាលក្រុងស្ទឹងត្រែង និងអនុសាខាកាកបាទក្រហមក្រុងស្ទឹងត្រែង បានអញ្ជើញទទួលជំនួយជាសម្ភារៈសង្គ្រោះបឋម និងគ្រឿងឧបភោគ បរិភោគ ដែលបានផ្តល់ជូនដោយក្រុមហ៊ុន ស្រូយ រស្មី ពាណិជ្ជ ដើម្បីចូលរួមចំណែកក្នុងការងារមនុស្សធម៌ និងជួយសង្គ្រោះប្រជាពលរដ្ឋ និងគ្រួសារដែលមានតម្រូវការចាំបាច់។

ដើម្បីចូលរួមការពារសុខភាព និងសុវត្ថិភាពផ្ទាល់ខ្លួន ក្រុមគ្រួសារ ព្រមទាំងទប់ស្កាត់ការកើតមាន និងចម្លង រាលដាលនៃជំងឺគ្រុនឈាមតាមរយៈសត្វមូសខ្លា ឱ្យកាន់តែមានប្រសិទ្ធភាព មន្ទីរសុខាភិបាលខេត្តស្ទឹងត្រែង សូម ជម្រាបជូនដំណឹង និងណែនាំដល់បងប្អូនប្រជាពលរដ្ឋទាំងអស់ សូមមេត្តាអនុវត្តតាមវិធានការសំខាន់ៗដូចខាង ក្រោម៖

ថ្នាក់ដឹកនាំមន្ត្រីរាជការមន្ទីរនិងការិយាល័យអប់រំយុវជននិងកីឡាខេត្ត ស្រុក ក្រុង នាយក នាយិកា គ្រឹះស្ថានសិក្សាសាធារណៈក្នុងខេត្តស្ទឹងត្រែង សរុប ២១៩នាក់ ស្រី១០២នាក់ បានចូលរួមផ្សព្វផ្សាយព្រះរាជក្រឹត្យស្តីពីលក្ខន្តិកៈនៃអង្គគ្រូបង្រៀនដែលបានប្រារព្ធធ្វើនៅសាលប្រជុំមន្ទីរអប់រំ យុវជន និងកីឡាខេត្ត នាព្រឹកថ្ងៃចន្ទ ៤កើត ខែស្រាពណ៍ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី ១៧ ខែសីហា ឆ្នាំ២០២៦ ក្រោមអធិបតីភាព លោកជំទាវ វិន ស៊ីធួន អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង ព្រមទាំងមានការចូលរួមពីលោក លោកស្រីអភិបាល អភិបាលរងស្រុក ក្រុង និងថ្នាក់ដឹកនាំមន្ទីរអង្គភាពជុំវិញខេត្ត។

ស្ទឹងត្រែង៖ ប្រជាពលរដ្ឋរស់នៅចំណុចស្ដៅ៣ ឃុំស្ដៅ ស្រុកសេសាន ខេត្តស្ទឹងត្រែង ចំនួន ២១៧ គ្រួសារ បានទទួលមុងចំនួន ២១៧ មុង ដើម្បីប្រើប្រាស់ការពារសុខភាព និងកាត់បន្ថយហានិភ័យនៃជំងឺដែលអាចបណ្តាលមកពីមូសខាំ ជាពិសេសក្នុងរដូវវស្សាដែលសកម្មភាពមូសមានការកើនឡើង។

កិច្ចប្រជុំនេះបានប្រព្រឹត្តទៅនារសៀលថ្ងៃទី១៥ ខែសីហា ឆ្នាំ២០២៦ នៅស្នាក់ការគណៈកម្មាធិការគណបក្សខេត្តស្ទឹងត្រែង ក្រោមអធិបតីភាព និងការដឹកនាំផ្ទាល់ដោយ ឯកឧត្តម សរ សុពុត្រា ប្រធានគណៈកម្មាធិការគណបក្សប្រជាជនកម្ពុជាខេត្តស្ទឹងត្រែង។

នៅថ្ងៃទី១៥ ខែសីហា ឆ្នាំ២០២៦ នៅសាលប្រជុំមន្ទីរទេសចរណ៍ខេត្តស្ទឹងត្រែង មានការរៀបចំកិច្ចប្រជុំក្រុមការងារលេខាធិការដ្ឋានរៀបចំបុណ្យជាតិ-អន្តរជាតិខេត្ត ក្រោមអធិបតីភាព លោក សៀង នាគ អគ្គនាយករងអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ តំណាងក្រសួងទេសចរណ៍ និង លោក ស្រ៊ន សំឫទ្ធី អភិបាលរងនៃគណៈអភិបាលខេត្តស្ទឹងត្រែង និងមានការអញ្ជើញចូលរួមពីលោកប្រធាននាយកដ្ឋានជំនាញនៃក្រសួងទេសចរណ៍ នាយរងរដ្ឋបាលខេត្ត កងកម្លាំងប្រដាប់អាវុធទាំងបីប្រភេទ លោក លោកស្រី អភិបាលរងក្រុង ស្រុក លោក លោកស្រី ប្រធាន អនុប្រធានមន្ទីរ និងអង្គភាពពាក់ព័ន្ធជាច្រើនរូបទៀត។

ខេត្តស្ទឹងត្រែង៖ អង្គភាពអនុវត្តកម្មវិធីអភិវឌ្ឍន៍ និងធ្វើឲ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តរភាព ខេត្តស្ទឹងត្រែង ដឹកនាំដោយ លោក សយ គា អនុប្រធានមន្ទីរអភិវឌ្ឍន៍ជនបទ និងជាប្រធានកម្មវិធីថ្នាក់ខេត្ត និងក្រុមការងារស្នូល បានបន្តរៀបចំកិច្ចប្រជុំថ្នាក់ភូមិលើកទី១ (កញ្ចប់ទី៣) នៅភូមិគោលដៅសំខាន់ៗនានារយះពេល ៣ថ្ងៃ ចាប់ពីថ្ងៃទី១៣-១៤-១៥ ខែសីហា ឆ្នាំ២០២៦ ក្នុងឃុំស្រែសំបូរ ស្រុកសៀមប៉ាង ខេត្តស្ទឹងត្រែង ក្នុងកិច្ចប្រជុំនេះ មានការចូលរួមពីមន្ត្រីអង្គភាពអនុវត្តកម្មវិធី (PIU) និងទីប្រឹក្សាថ្នាក់ខេត្ត (NKE) លោកមេភូមិ អនុភូមិ ព្រមទាំងប្រជាពលរដ្ឋ សរុបចំនួន ១៨៥នាក់។

ស្ទឹងត្រែង៖ កាលពីថ្ងៃទី១៤ ខែសីហា ឆ្នាំ២០២៦ រដ្ឋបាលស្រុកសេសាន សហការជាមួយគណៈកម្មាធិការជាតិគ្រប់គ្រងគ្រោះមហន្តរាយថ្នាក់ខេត្ត និងថ្នាក់ស្រុក ព្រមទាំងអង្គការអភិវឌ្ឍន៍ និងភាពជាដៃគូក្នុងសកម្មភាព (DPA) ដោយមានការគាំទ្រថវិកាពីក្រសួងការបរទេស និងពាណិជ្ជកម្មអូស្ត្រាលី (DFAT) បានរៀបចំលំហាត់សមយុទ្ធស្តីពីការត្រៀមបង្ការ និងឆ្លើយតបចំពោះគ្រោះមហន្តរាយនានា ដែលអាចកើតមានឡើងនៅក្នុងមូលដ្ឋាន។