ព័ត៌មានក្នុងខេត្ត

ស្ទឹងត្រែង៖ នៅថ្ងៃព្រហស្បតិ៍ ទី២៥ ខែមិថុនា ឆ្នាំ២០២៦ ឯកឧត្តម សរ សុពុត្រា អភិបាលនៃគណៈអភិបាលខេត្ត និងជាប្រធានគណៈកម្មាធិការសមាគមអតីតយុទ្ធជន និងនិវត្តជនខេត្តស្ទឹងត្រែង បានអញ្ជើញជាអធិបតីក្នុងពិធីប្រគល់វិញ្ញាបនបត្រសម្គាល់ម្ចាស់អចលនវត្ថុ (ប្លង់រឹង) ជូនដល់សម្បទានិកដែលជាគ្រួសារអតីតយុទ្ធជន និងនិវត្តជន ចំនួន ៣៦គ្រួសារ នៃគម្រោងដីសម្បទានសង្គមកិច្ច។

ស្របតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម សរ សុពុត្រា អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តស្ទឹងត្រែង នៅរសៀលថ្ងៃទី២៥ ខែមិថុនា ឆ្នាំ២០២៦ នេះ ថ្នាក់ដឹកនាំរដ្ឋបាលក្រុង រួមជាមួយគណៈកម្មាធិការអនុសាខាកាកបាទក្រហមកម្ពុជាក្រុងស្ទឹងត្រែង បានចុះទៅសួរសុខទុក្ខ និងនាំយកអំណោយមនុស្សធម៌ទៅឧបត្ថម្ភជូនគ្រួសារអតីតយុទ្ធជនម្នាក់ ដែលកំពុងសម្រាកព្យាបាលជំងឺ។

ស្ទឹងត្រែង៖ នៅព្រឹកថ្ងៃទី២៤ ខែមិថុនា ឆ្នាំ២០២៦នេះ រដ្ឋបាលខេត្តស្ទឹងត្រែង បានរៀបចំវេទិកាពិគ្រោះយោបល់លើកទី៣ ស្តីពីភាពជាដៃគូរវាងរដ្ឋបាលខេត្ត ជាមួយសមាគម អង្គការមិនមែនរដ្ឋាភិបាល និងសហគមន៍នានា នៅក្នុងមូលដ្ឋានខេត្ត ដើម្បីបង្កើនកិច្ចសហប្រតិបត្តិការ និងការចូលរួមអភិវឌ្ឍសង្គមឱ្យកាន់តែមានប្រសិទ្ធភាព។

ស្ទឹងត្រែង៖ នៅរសៀលថ្ងៃទី ២៤ ខែមិថុនា ឆ្នាំ២០២៦ ឯកឧត្តមសន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី បានអញ្ជើញចុះពិនិត្យទីតាំងពិធីសំខាន់ៗ ព្រមទាំងដឹកនាំកិច្ចប្រជុំស្តីពីការងារត្រៀមរៀបចំ និងការងារសន្តិសុខ សុវត្ថិភាព ដើម្បីធានាឲ្យបានភាពរលូន និងមានប្រសិទ្ធភាព ក្នុងឱកាសដែលថ្នាក់ដឹកនាំជាន់ខ្ពស់ នឹងអញ្ជើញមកបំពេញបេសកកម្មការងារនៅខេត្តស្ទឹងត្រែង ក្នុងពេលឆាប់ៗខាងមុខនេះ។

ស្ទឹងត្រែង៖ នៅសាលប្រជុំមន្ទីរព័ត៌មានខេត្តស្ទឹងត្រែង នាពេលថ្មីៗនេះ លោក ស៊ុន ប៊ុនធឿន ប្រធានមន្ទីរព័ត៌មានខេត្តស្ទឹងត្រែង បានដឹកនាំកិច្ចប្រជុំត្រួតពិនិត្យវឌ្ឍភាពការងារប្រចាំឆមាសទី១ និងប្រចាំខែមិថុនា ព្រមទាំងពិភាក្សាលើការលើកទិសដៅអនុវត្តការងារសម្រាប់ខែបន្ទាប់។

ខេត្តស្ទឹងត្រែង៖គម្រោងស្តារស្រះទឹកក្នុងភូមិវាលដេញ ឃុំអន្លងជ្រៃ ស្រុកថាឡាបរិវ៉ាត់ គឺជាសមិទ្ធផលដ៏សំខាន់មួយក្រោម «កម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តរភាព» អនុវត្តដោយ ក្រសួងអភិវឌ្ឍន៍ជនបទ និងទទួលបានហិរញ្ញប្បទានពី ធនាគារអភិវឌ្ឍន៍អាស៊ី (ADB)។

ស្ទឹងត្រែង៖ នាថ្ងៃទី ២៣ ខែមិថុនា ឆ្នាំ២០២៦ ឯកឧត្តម ស៊ី សួន អនុប្រធានគណៈកម្មាធិការគណបក្សខេត្ត និងជាប្រធានមន្ទីរគណបក្សខេត្តស្ទឹងត្រែង បានអញ្ជើញដឹកនាំកិច្ចប្រជុំពិនិត្យលើរបាយការណ៍វឌ្ឍនភាព ក្នុងការបូកសរុប និងវាយតម្លៃលទ្ធផលនៃការអនុវត្តគោលនយោបាយអភិវឌ្ឍន៍ឃុំ-សង្កាត់ សម្រាប់អាណត្តិឆ្នាំ២០២២-២០២៧ ព្រមទាំងពិភាក្សាកំណត់ទិសដៅអភិវឌ្ឍន៍ឃុំ-សង្កាត់ សម្រាប់អាណត្តិថ្មីឆ្នាំ២០២៧-២០៣០ នៅខេត្តស្ទឹងត្រែង។

ខេត្តស្ទឹងត្រែង៖ នាព្រឹកថ្ងៃទី២៣ ខែមិថុនា ឆ្នាំ២០២៦ នេះ ក្រសួងសេដ្ឋកិច្ចនិងហិរញ្ញវត្ថុ និងរដ្ឋបាលខេត្តស្ទឹងត្រែង រួមជាមួយមន្ទីរសេដ្ឋកិច្ចនិងហិរញ្ញវត្ថុខេត្ត បានសហការរៀបចំកិច្ចប្រជុំត្រួតពិនិត្យ និងផ្គូរផ្គងបញ្ជីសារពើភណ្ឌទ្រព្យសម្បត្តិរដ្ឋ ដែលជាតារាងប្រែប្រួលកើនឡើង-ថយចុះប្រចាំឆ្នាំ២០២៥ របស់បណ្តាមន្ទីរ-អង្គភាពជំនាញនិងរដ្ឋបាលថ្នាក់ក្រោមជាតិជុំវិញខេត្ត។

្

ខេត្តស្ទឹងត្រែង៖           ព្រឹកថ្ងៃ២៣ ខែមិថុនា ឆ្នាំ២០២៦ ឯកឧត្តម សរ សុពុត្រា អភិបាលខេត្តស្ទឹងត្រែង អមដំណើរជាមួយឯកឧត្តម អភិបាលរងខេត្ត និងថ្នាក់ដឹកនាំមន្ទីរពាក់ព័ន្ធ ចុះពិនិត្យស្ថានភាព និងចែកពូជដំណាំដល់សម្បទានិក នៃគម្រោងបែងចែកដី  សម្បទានសង្គមកិច្ច និងការអភិវឌ្ឍន៍សេដ្ឋកិច្ច (ដំណាក់កាលទីIII)។

ខេត្តស្ទឹងត្រែង៖ នារសៀលថ្ងៃចន្ទ ទី២២ ខែមិថុនា ឆ្នាំ២០២៦ នេះ នៅសាលាខេត្តស្ទឹងត្រែង មានរៀបចំពិធីប្រគល់ និងទទួលរថយន្តបណ្ណាល័យចល័ត ព្រមទាំងសៀវភៅអានយ៉ាងច្រើនសន្ធឹកសន្ធាប់ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង។

ខេត្តស្ទឹងត្រែង៖ នារសៀលថ្ងៃទី១៩ ខែមិថុនា ឆ្នាំ២០២៦ លោក សុខ ចាន់សំអឿន តំណាងឯកឧត្តម ធូ ចាន់ពៅ ប្រធានក្រុមការងាររាជរដ្ឋាភិបាលកម្ពុជាចុះមូលដ្ឋានសង្កាត់ស្រះឫស្សី ក្រុងស្ទឹងត្រែង ព្រមទាំងលោក សៀ ហេង អនុប្រធានក្រុមការងារ និងសហការី បានអញ្ជើញចុះសួរសុខទុក្ខ និងនាំយកបច្ច័យព្រមទាំងគ្រឿងឧបភោគបរិភោគ ទៅចូលរួមរំលែកទុក្ខដ៏ក្រៀមក្រំជាមួយគ្រួសារសពស្ត្រីឈ្មោះ ចាន់ ធី ដែលបានទទួលមរណភាពដោយរោគាពាធ និងមានជីវភាពខ្វះខាត រស់នៅភូមិស្រែពោធិ៍។