ព័ត៌មានក្នុងខេត្ត

(ស្ទឹងត្រែង )៖ នៅថ្ងៃទី ១៥ ខែមិថុនា ឆ្នាំ២០២៦ មជ្ឈមណ្ឌលបណ្តុះបណ្តាលវិជ្ជាជីវៈខេត្តស្ទឹងត្រែង  បានសហការជាមួយ រដ្ឋបាលខេត្តស្ទឹងត្រែង បានធ្វើការរៀបចំ ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៩ ឆ្នាំ២០២៦ ក្រោមប្រធានបទ «TVET ផ្តល់ជំនាញ ការងារ និងប្រាក់ចំណូល» នៅបរិវណ មជ្ឈមណ្ឌលបណ្តុះបណ្តាលវិជ្ជាជីវៈខេត្តស្ទឹងត្រែង  ។

សាខាកាកបាទក្រហមកម្ពុជាខេត្តស្ទឹងត្រែង បានបើកវគ្គបណ្តុះបណ្តាលរយៈពេល ២ថ្ងៃពេញ ស្តីពី "គោលការណ៍គ្រឹះ និងវិជ្ជាសង្គ្រោះបឋម" ជូនដល់មន្ត្រីមូលដ្ឋាន និងយុវជនកាកបាទក្រហមសរុប ៣៣នាក់ ក្នុងស្រុកសៀមបូក ដើម្បីពង្រឹងសមត្ថភាព និងត្រៀមលក្ខណៈជាកម្លាំងចលករ ក្នុងការផ្តល់សេវាកម្មមនុស្សធម៌យ៉ាងសកម្មនៅតាមសាលារៀន និងសហគមន៍។

​ដើម្បីពង្រឹងសន្តិសុខ និងសុវត្ថិភាពនៅតាមមូលដ្ឋាន នាព្រឹកថ្ងៃទី១២ ខែមិថុនា ឆ្នាំ២០២៦ នេះ លេខាធិការដ្ឋាននៃគណៈកម្មាធិការត្រួតពិនិត្យគ្រឿងញៀនខេត្ត បានចាប់ដៃគូជាមួយរដ្ឋបាលស្រុកសៀមបូក បើកវគ្គផ្សព្វផ្សាយស្តីពីគោលនយោបាយ និងចំណេះដឹងមូលដ្ឋានគ្រឹះនៃបញ្ហាគ្រឿងញៀន។

ស្ទឹងត្រែង៖ នៅរសៀលថ្ងៃទី១២ ខែមិថុនា ឆ្នាំ២០២៦ លោក ម៉ែន គុង អភិបាលរងខេត្តស្ទឹងត្រែង បានដឹកនាំកិច្ចប្រជុំអនុគណៈកម្មការខ្លឹមសារ និងអនុគណៈកម្មការផ្សព្វផ្សាយ និងព័ត៌មាន នៃគណៈកម្មការដឹកនាំរៀបចំវេទិកាជំរុញវិនិយោគទ្វេភាគី រវាងខេត្តស្ទឹងត្រែង នៃព្រះរាជាណាចក្រកម្ពុជា និងខេត្តហ្សាឡាយ នៃសាធារណរដ្ឋសង្គមនិយមវៀតណាម ដើម្បីត្រៀមរៀបចំព្រឹត្តិការណ៍ឲ្យប្រព្រឹត្តទៅដោយរលូន និងមានប្រសិទ្ធភាពខ្ពស់។

ខេត្តស្ទឹងត្រែង៖ អដ្ឋិធាតុចំនួន១៨  របស់កងទ័ពស្ម័គ្រចិត្ត និងជំនាញការវៀតណាម មកពីខេត្ត៣ គឺខេត្តស្ទឹងត្រែង ព្រះវិហារ និងខេត្តរតនគិរី ដង្ហែចេញពីកម្ពុជា និងបានមកបញ្ចុះនៅទីលានបញ្ចុះអដ្ឋិធាតុ សង្កាត់ដឹកកឺ ខេត្តហ្សាឡាយ ប្រទេសវៀតណាម នាព្រឹកថ្ងៃទី១៣ ខែមិថុនា ឆ្នាំ២០២៦។

ស្ទឹងត្រែង÷កាលពីថ្ងៃទី១២ ខែមិថុនា ឆ្នាំ២០២៦ ម្សិលមិញនេះ លោក ហង់ កុង ប្រធានលេខាធិការដ្ឋានរៀបចំការឆ្នោតខេត្តស្ទឹងត្រែង បានដឹកនាំកិច្ចប្រជុំផ្សព្វផ្សាយជាមួយភាគីពាក់ព័ន្ធស្តីពី «ការស្រង់ស្ថិតិប្រជាពលរដ្ឋប៉ាន់ស្មាន» សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ នៅលេខាធិការដ្ឋានរៀបចំការឆ្នោតខេត្តស្ទឹងត្រែង ។

ស្ទឹងត្រែង៖ គណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ (គ.ស.អ.ស.ក.) សហការជាមួយរដ្ឋបាលខេត្តស្ទឹងត្រែង បានរៀបចំយុទ្ធនាការផ្សព្វផ្សាយ និងចុះឈ្មោះអ្នកសេដ្ឋកិច្ចក្រៅប្រព័ន្ធ តាមថ្នាលឌីជីថល ក្រោមអធិបតីភាព ឯកឧត្តម ម៉ាត់ សារី អនុរដ្ឋលេខាធិការ និងជាប្រធានលេខាធិការដ្ឋាននៃ គ.ស.អ.ស.ក. តំណាងឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងឯកឧត្តម ព្រំ វណ្ណៈ អភិបាលរងខេត្ត តំណាងឯកឧត្តម សរ សុពុត្រា អភិបាលខេត្តស្ទឹងត្រែង។

ខេត្តស្ទឹងត្រែង៖ នាព្រឹកថ្ងៃទី១២ ខែមិថុនា ឆ្នាំ២០២៦ គណៈកម្មាធិការរៀបចំទិវាបរិស្ថានខេត្តស្ទឹងត្រែង បានរៀបចំពិធីអបអរសាទរទិវាបរិស្ថានជាតិ និងបរិស្ថានពិភពលោក ៥ មិថុនា ក្រោមប្រធានបទដ៏មានសារៈសំខាន់គឺ «សំណល់សូន្យ» (Zero Waste)។

សេចក្តីជូនដំណឹង ស្តីពីការដាក់ឱ្យអនុវត្តជាផ្លូវការនូវការផ្តល់សេវារដ្ឋបាលតាមប្រព័ន្ធអនឡាញ នៅអង្គភាពច្រកចេញចូលតែមួយខេត្តស្ទឹងត្រែង

ខេត្តស្ទឹងត្រែង៖ នៅព្រឹកថ្ងៃទី១២ ខែមិថុនា ឆ្នាំ២០២៦នៅមន្ទីរផែនការខេត្ត  ឯកឧត្តម ធូ ចាន់ពៅ អភិបាលរងខេត្តស្ទឹងត្រែង បានអញ្ជើញជាអធិបតីក្នុងកិច្ច ប្រជុំពិភាក្សាស្តីពីការប្រមូលទិន្នន័យរដ្ឋបាលតាមបណ្តាមន្ទីរអង្គភាពជុំវិញខេត្ត។

ស្ទឹងត្រែង៖ នៅថ្ងៃទី១១ ខែមិថុនា ឆ្នាំ២០២៦ មន្ទីរកិច្ចការនារីខេត្តស្ទឹងត្រែង បានសហការជាមួយរដ្ឋបាលខេត្ត រៀបចំកិច្ចប្រជុំប្រចាំឆមាសទី១ ជាមួយបណ្តាញមន្រ្តីបង្គោលការងារយេនឌ័រតាមមន្ទីរវិស័យ ដោយមានការអញ្ជើញជាអធិបតីភាពដ៏ខ្ពង់ខ្ពស់ពីលោកជំទាវ កុត ប៊ុនមី ប្រធានគណៈកម្មាធិការសម្រាប់កិច្ចការស្ត្រី និងកុមារ ខេត្ត និងជាប្រធានកិត្តិយសបណ្តាញការងារយេនឌ័រខេត្ត ព្រមទាំងមានការចូលរួមពីថ្នាក់ដឹកនាំ មន្ត្រីជំនាញ និងបណ្តាញការងារយេនឌ័រពាក់ព័ន្ធជាច្រើន។

រដ្ឋបាលខេត្តស្ទឹងត្រែង សូមជម្រាបជូនដំណឹងដល់សាធារណជន គ្រប់មន្ទីរ អង្គភាព ស្ថាប័ន និងភ្នាក់ងារ ហិរញ្ញវត្ថុដែលមានការពាក់ព័ន្ធនឹងក្បាលដីទាំងអស់ស្ថិតនៅក្នុងតំបន់វិនិច្ឆ័យនៃភូមិកោះជ្រើម ឃុំអូរម្រះ ស្រុកសៀមបូក ខេត្តស្ទឹងត្រែង ឱ្យបានជ្រាបថា ដើម្បីអនុវត្តតាមខ្លឹមសារនៃអនុក្រឹត្យយោងខាងលើ គណៈកម្មការរដ្ឋបាល នឹងធ្វើការ បិទផ្សាយជាសាធារណៈនូវឯកសារសុរិយោដីដែលមានប្លង់សុរិយោដី និងបញ្ជីឈ្មោះអ្នកកាន់កាប់ដី ដែលក្រុមប្រតិបត្តិ កម្មវិធីបានធ្វើការវាស់វែង និងប្រមូលទិន្នន័យកន្លងមកក្នុងភូមិខាងលើ។