ព័ត៌មានក្នុងខេត្ត

ខេត្តស្ទឹងត្រែង៖           នៅព្រឹកថ្ងៃទី ១១ ខែមិថុនា ឆ្នាំ២០២៦ ឯកឧត្តម សរ សុពុត្រា អភិបាលខេត្តស្ទឹងត្រែង បានដឹកនាំ កិច្ចប្រជុំពង្រឹងសមត្ថភាពការងារអនុវត្តច្បាប់ និងផ្សព្វផ្សាយច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា (Online Scams) ។

ដើម្បីចូលរួមចំណែកកាត់បន្ថយគ្រោះថ្នាក់ចរាចរណ៍ និងលើកកម្ពស់សុវត្ថិភាពតាមដងផ្លូវ យុវជនស្ម័គ្រចិត្តនៃក្លឹប «សុវត្ថិភាពឦសាន» ក្រោមប្រធានបទ «បន្ថយល្បឿន ដាស់តឿនជីវិត» នៃវិទ្យាល័យព្រះគោ បានចុះជួបសម្តែងការគួរសម និងសិក្សាស្វែងយល់ផ្ទាល់ជាមួយមន្ត្រីជំនាញចរាចរណ៍ផ្លូវគោក នៃអធិការដ្ឋាននគរបាលស្រុកថាឡាបរិវ៉ាត់ នៅថ្ងៃទី១១ ខែមិថុនា ឆ្នាំ២០២៦នេះ។

ខេត្តស្ទឹងត្រែង៖នៅមុខស្តូបមិត្តភាពកម្ពុជា-វៀតណាម ខេត្តស្ទឹងត្រែង មានអដ្ឋិធាតុចំនួន៧ របស់ជំនាញការ និងកងទ័ពស្ម័គ្រចិត្តវៀតណាម ត្រូវបានធ្វើមាតុភូមិនិវត្តន៍ នាព្រឹកថ្ងៃ១០ ខែ មិថុនា ឆ្នាំ២០២៦នេះ។អដ្ឋិធាតុចំនួន៧ នោះ បានរុករកឃើញ ក្នុងយុទ្ធនាការដើមរដូវប្រាំង ឆ្នាំ២០២៥-២០២៦ របស់ គណៈកម្មការរុករកអដ្ឋិធាតុខេត្តហ្សាឡាយ (វៀតណាម)​ រួមសហការជាមួយ គណៈកម្មការជំនាញស្វែងរកអដ្ឋិធាតុ ខេត្តស្ទឹងត្រែង (កម្ពុជា) ។

​ស្ទឹងត្រែង៖ នារសៀលថ្ងៃទី១០ ខែមិថុនា ឆ្នាំ២០២៦ នេះ នៅសាលប្រជុំមន្ទីរពាណិជ្ជកម្មខេត្តស្ទឹងត្រែង មានរៀបចំកិច្ចប្រជុំមួយរបស់អនុគណៈកម្មាធិការពិព័រណ៍ផលិតផល ក្រោមអធិបតីភាពដ៏ខ្ពង់ខ្ពស់របស់ លោក ព្រំ វណ្ណៈ អភិបាលរងនៃគណៈអភិបាលខេត្តស្ទឹងត្រែង។

(ស្ទឹងត្រែង)៖ នារសៀលថ្ងៃទី០៩ ខែមិថុនា ឆ្នាំ២០២៦ លោក ស្រ៊ន សំឫទ្ធី អភិបាលរងខេត្តស្ទឹងត្រែង បានដឹកនាំ កិច្ចប្រជុំត្រៀមរៀបចំកម្មវិធីទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៩ ឆ្នាំ២០២៦ ក្រោមប្រធានបទ «TVET ផ្តល់ជំនាញ ការងារ និងប្រាក់ចំណូល» ព្រមទាំងចុះពិនិត្យទីតាំងជាក់ស្តែង ដើម្បីធានាឱ្យការរៀបចំប្រព្រឹត្តទៅដោយជោគជ័យ។

ស្ទឹងត្រែង៖ នៅថ្ងៃទី០៩ ខែមិថុនា ឆ្នាំ២០២៦ រដ្ឋបាលក្រុងស្ទឹងត្រែង បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាក្រុង អាណត្តិទី៤ ឆ្នាំ២០២៦ ក្រោមអធិបតីភាព លោក សៀ ហេង ប្រធានក្រុមប្រឹក្សាក្រុង និងលោក លី មីណា អភិបាលនៃគណៈអភិបាលក្រុង នៅវត្តជោតិញារាម (ហៅវត្តគីឡូ៨) ស្ថិតក្នុងភូមិគីឡូ៨ សង្កាត់សាមគ្គី ក្រុងស្ទឹងត្រែង ដោយមានការចូលរួមពីមន្ត្រីពាក់ព័ន្ធ អាជ្ញាធរសង្កាត់ ប្រជាពលរដ្ឋ និងតំណាងសហគមន៍យ៉ាងច្រើនកុះករ។

ខេត្តស្ទឹងត្រែង៖ នាព្រឹកថ្ងៃទី៨ ខែមិថុនា ឆ្នាំ២០២៦ នេះ លោក ទូច គង្គា អភិបាលរងខេត្តស្ទឹងត្រែង បានដឹកនាំក្រុមការងារចម្រុះ ចុះត្រួតពិនិត្យ និងវាយតម្លៃបច្ចេកទេសសត្តឃាតដ្ឋានប្រភេទ “ខ” របស់លោកស្រី ឃឹម សុណា ដែលមានទីតាំងស្ថិតនៅភូមិកាំងមេម៉ាយ សង្កាត់ព្រះបាទ ក្រុងស្ទឹងត្រែង ខេត្តស្ទឹងត្រែង។

(ស្ទឹងត្រែង )៖ នាព្រឹកថ្ងៃទី ០៦ ខែ មិថុនា ឆ្នាំ២០២៦ នៅទីស្នាក់ការគណបក្សកម្ពុជាស្រុកសេសាន ឯកឧត្តម សរ សុពុត្រា សមាជិកគណៈកម្មាធិការកណ្តាល និងជា ប្រធានគណៈកម្មាធិការគណបក្សប្រជាជនកម្ពុជាខេត្តស្ទឹងត្រែង បានអញ្ជើញជាអធិបតីភាពក្នុងពិធីប្រកាសបញ្ចូលសមាជិកថ្មី នៃគណបក្សប្រជាជនកម្ពុជា ឃុំកំភុន ស្រុកសេសាន ខេត្តស្ទឹងត្រែង ចំនួន ២៨៧ នាក់ ។ ដោយក្នុងនោះក៏មានការចូលរួមពី ឯកឧត្តម លោកជំទាវ ដែលជាថ្នាក់ដឹកនាំ គណៈកម្មាធិការគណបក្សខេត្ត ស្រុក ឃុំ និងអនុប្រធាន សមាជិក សមាជិកា នៃក្រុមការងារគណបក្ស ចុះមូលដ្ឋានស្រុកសេសាន និង ឃុំ កំភុន ។

នៅរសៀលថ្ងៃទី៣ ខែធ្នូ ឆ្នាំ២០២៥ ក្រុមការងារអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ដឹកនាំដោយឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយ អប់រំ និងទំនាក់ទំនងសាធារណៈ និងក្រុមការងារបានជួបប្រជាសហគមន៍អេកូទេសចរណ៍អូឬស្សីកណ្ដាល ដើម្បីផ្សព្វផ្សាយបញ្ជ្រាបការអប់រំពីបញ្ហាគ្រឿងញៀន និងជំរុញការប្រើប្រាស់ App NoDrug រួមគ្នាកសាងបាននូវសហគមន៍មួយមានសុវត្ថិភាពពីបញ្ហាគ្រឿងញៀន។

ថ្នាក់ដឹកនាំ មន្ត្រីរាជការ ប្រជាពលរដ្ឋ និងភ្ញៀវទេសចរជាតិ-អន្តរជាតិ បានចូលរួមយ៉ាងរីករាយក្នុង ពិធីសំពះព្រះខែ អកអំបុកនិងបណ្តែតគោម សុំសេចក្តីសុខ នៅមាត់ទន្លេសេកុង ក្រុងស្ទឹងត្រែង ខេត្តស្ទឹងត្រែង ដែលរៀបចំឡើងដោយរដ្ឋបាលខេត្តស្ទឹងត្រែង។

ស្ទឹងត្រែង ៖ កិច្ចប្រជុំបូកសរុបចលនាប្រឡងប្រណាំង ៣ល្អ «កូនល្អ សិស្សល្អ មិត្តល្អ» ថ្នាក់ជាតិរបស់ក្រុមប្រឹក្សាយុវជនកម្ពុជា និងក្រុមប្រឹក្សាកុមារកម្ពុជា មានរយៈពេល ៣ថ្ងៃ ត្រូវបានបិទបញ្ចប់ នាថ្ងៃទី២៣ ខែតុលា ឆ្នាំ២០២៥ នៅសាលាខេត្តស្ទឹងត្រែង។

ស្ទឹងត្រែង៖ឯកឧត្តម សរ សុពុត្រា អភិបាលខេត្តស្ទឹងត្រែង បានថ្លែងនៅរសៀលថ្ងៃទី០២ ខែមិថុនា ឆ្នាំ២០២៥ នេះថា បញ្ហាគ្រឿងញៀនគឺជាបញ្ហាសកល ដែលយើងទាំងអស់គ្នាមានកាតព្វកិច្ចក្នុងការចូលរួមដោះស្រាយនិងទទួលខុសត្រូវ និងទាមទារនូវកិច្ចសហប្រតិបត្តិការយ៉ាងជិតស្និទ្ធតាមគ្រប់រូបភាព ដោយមិនត្រូវសាចទឹកដាក់គ្នានោះឡើយ។