ព័ត៌មានក្នុងខេត្ត

(ខេត្តស្ទឹងត្រែង)៖ សម្រាប់យុវជនដែលកំពុងស្វែងរកជំនាញច្បាស់លាស់ ជំនាញពិត ចេះពិត ធ្វើបានពិត និងមានចំណូលខ្ពស់ និងឱកាសការងារនាពេលអនាគត ការជ្រើសរើសសិក្សាការអប់រំបណ្តុះបណ្តាលបច្ចេកទេស និងវិជ្ជាជីវៈ (TVET) នៅមជ្ឈមណ្ឌលបណ្តុះបណ្តាលវិជ្ជាជីវៈខេត្តស្ទឹងត្រែង គឺជាជម្រើសល្អបំផុតដែលផ្តល់ទាំងចំណេះដឹង ជំនាញអនុវត្តជាក់ស្តែង និងឱកាសភ្ជាប់ទៅកាន់ទីផ្សារការងារបានឆាប់រហ័ស។ TVET មានសម្ភារៈ ឧបករណ៍ និងបរិក្ខារដែលទំនើបៗនិងទាន់សម័យដែលជាផ្នែកមួយជំរុញឲ្យកាន់តែមានគុណភាពនិងប្រសិទ្ធភាពក្នុងការបណ្តុះបណ្តាលជំនាញ។

ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង បានអញ្ជើញជាអធិបតីភាពក្នុង «ពិធីបើកយុទ្ធនាការឆ្លើយតបបន្ទាន់ ទប់ស្កាត់ការរីករាលដាលនៃជំងឺគ្រុនឈាម» កាលពីព្រឹកថ្ងៃទី៣០ ខែសីហា ឆ្នាំ២០២៦ នៅក្នុងភូមិស្រែស្រណុក ឃុំក្បាលរមាស ស្រុកសេសាន ខេត្តស្ទឹងត្រែង ដោយមានការចូលរួមយ៉ាងកុះករពីប្រធាន អនុប្រធានមន្ទីរ-អង្គភាពជុំវិញខេត្ត អាជ្ញាធរក្រុង-ស្រុកទាំង៦ និងប្រជាពលរដ្ឋក្នុងមូលដ្ឋាន ដើម្បីឆ្លើយតបភ្លាមៗចំពោះកំណើនឡើងយ៉ាងកំហុកនៃជំងឺគ្រុនឈាមក្នុងរយៈពេលចុងក្រោយនេះ។

ខេត្តស្ទឹងត្រែង៖ នៅថ្ងៃទី៣០ ខែសីហា ឆ្នាំ២០២៦ នេះ ឯកឧត្តម គីម វីរៈ អនុប្រធាន និងជាអគ្គលេខាធិការ នៃគណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) តំណាងដ៏ខ្ពង់ខ្ពស់ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធានទី១ គ.ជ.គ.ម. អមដំណើរដោយ ឯកឧត្តម ម៉ែន គុង អភិបាលរងខេត្តស្ទឹងត្រែង និងប្រធានលេខាធិការដ្ឋាន គ.គ.ម.ខ បានអញ្ជើញចុះពិនិត្យស្ថានភាពផលប៉ះពាល់ និងខូចខាតដោយសារគ្រោះទឹកជំនន់ នៅក្នុងស្រុកចំនួន ២ រួមមាន៖ ស្រុកថាឡាបរិវ៉ាត់ មានឃុំថាឡាបរិវ៉ាត់ ឃុំអូររៃ ឃុំកាំងចាម និងស្រុកសេសាន មានឃុំសាមឃួយ ឃុំកំភុន។ ក្នុងនោះ ក៏មានការអញ្ជើញចូលរួមពី លោកអភិបាលស្រុក និងជាប្រធាន គ.គ.ម.ស មន្ទីរសុខាភិបាល កសិកម្មរុក្ខាប្រមាញ់ និងនេសាទ អភិវឌ្ឍន៍ជនបទ ធនធានទឹក និងឧតុនិយម មន្ត្រីលេខាធិការដ្ឋាន កងកម្លាំងទាំងបីប្រភេទ មន្រ្តីជំនាញ អាជ្ញាធរមូលដ្ឋាន និងមន្រ្តីកសិកម្មឃុំ។

ស្ទឹងត្រែង៖ នាថ្ងៃទី២៨ ខែសីហា ឆ្នាំ២០២៦ លោក ហង់ កុង ប្រធានលេខាធិការដ្ឋានរៀបចំការបោះឆ្នោតខេត្តស្ទឹងត្រែង បានដឹកនាំកិច្ចប្រជុំផ្សព្វផ្សាយស្តីពី ការផ្តល់លិខិតអញ្ជើញអ្នកមានឈ្មោះក្នុងបញ្ជីបោះឆ្នោតផ្លូវការឆ្នាំ២០២៥ សម្រាប់បម្រើឱ្យការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦។

ខេត្តស្ទឹងត្រែង៖ នារសៀលថ្ងៃទី២៨ ខែសីហា ឆ្នាំ២០២៦ នេះ លោក ម៉ែន គុង អភិបាលរងខេត្តស្ទឹងត្រែង បានអញ្ជើញជាអធិបតីដឹកនាំកិច្ចប្រជុំត្រួតពិនិត្យរបាយការណ៍វឌ្ឍនភាពការងាររដ្ឋបាលខេត្ត ប្រចាំខែសីហា ឆ្នាំ២០២៦ និងលើកទិសដៅអនុវត្តបន្ត នៅសាលាខេត្តស្ទឹងត្រែង ដោយមានការចូលរួមយ៉ាងកុះករពីសំណាក់ លោក លោកស្រីអភិបាលរងក្រុង ស្រុក លោក លោកស្រីជាប្រធាន អនុប្រធានមន្ទីរ-អង្គភាពជំនាញជុំវិញខេត្ត ព្រមទាំងមន្ត្រីរាជការដែលពាក់ព័ន្ធជាច្រើនរូប។

នាព្រឹកថ្ងៃទី២៧ ខែសីហា ឆ្នាំ២០២៦នេះ នៅសាលប្រជុំសាលាខេត្តស្ទឹងត្រែង ឯកឧត្តម ហាក់ វិមាន សមាជិកក្រុមប្រឹក្សាខេត្ត និងលោក ស្រ៊ន សំឫទ្ធី អភិបាលរងខេត្ត បានរួមគ្នាតំណាងរដ្ឋបាលខេត្ត ដឹកនាំកិច្ចប្រជុំក្រុមការងារចម្រុះថ្នាក់ខេត្ត ដើម្បីពិនិត្យវឌ្ឍនភាពការងារចងក្រងប្រវត្តិស្នាដៃថ្នាក់ដឹកនាំ និងជំរុញផែនការសកម្មភាពធំៗចំនួន៣ ឆ្លើយតបនឹងការអភិវឌ្ឍសង្គម-សេដ្ឋកិច្ច។

ស្ទឹងត្រែង៖ ឯកឧត្តម សរសុពុត្រា អភិបាល នៃគណៈអភិបាលខេត្តស្ទឹងត្រែង នាព្រឹកថ្ងៃព្រហស្បតិ៍ ទី២៧ ខែសីហា ឆ្នាំ២០២៦ នេះ បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីប្រគល់ប្រាក់គោលនយោបាយរបបសន្តិសុខសង្គម ជូនដល់គ្រួសារសពអតីតយុទ្ធជន និងគ្រួសារសពនិវត្តជន ដែលពិធីនេះបានប្រព្រឹត្តទៅនៅសាលាខេត្តស្ទឹងត្រែង។

ខេត្តស្ទឹងត្រែង៖ នៅថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែសីហា ឆ្នាំ២០២៦ នេះ លោក ស្រ៊ន សំឫទ្ធី សមាជិកគណៈកម្មាធិការយុវជនគណបក្សថ្នាក់កណ្តាល និងជាប្រធានយុវជនគណបក្សប្រជាជនកម្ពុជាខេត្តស្ទឹងត្រែង អមដំណើរដោយ លោក លោកស្រីអនុប្រធានយុវជនគណបក្សខេត្ត ប្រធានយុវជនគណបក្សក្រុង ស្រុក ប្រធានសាខាយុវជនគណបក្សមន្ទីរ អង្គភាព និងសមាជិក សមាជិកា យុវជនគណបក្សខេត្តជាច្រើនរូបទៀត បានអញ្ជើញចូលរួមគោរពវិញ្ញាណក្ខន្ធ និងនាំយកសាររំលែកមរណទុក្ខយ៉ាងក្រៀមក្រំ ជូនចំពោះ លោកស្រី ធី ផល្លីដា អនុប្រធានមន្ទីរកិច្ចការនារីខេត្តស្ទឹងត្រែង និងជាសមាជិកគណៈកម្មាធិការយុវជនគណបក្សខេត្ត ព្រមទាំងគ្រួសារនៃសព ស្ថិតនៅភូមិស្ពានថ្ម សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។

ខេត្តស្ទឹងត្រែង៖ នៅព្រឹកថ្ងៃទី២៦ ខែសីហា ឆ្នាំ២០២៦ លោក ស៊ុន ប៊ុនធឿន ប្រធានមន្ទីរព័ត៌មានខេត្តស្ទឹងត្រែង បានដឹកនាំកិច្ចប្រជុំផ្ទៃក្នុងជាមួយថ្នាក់ដឹកនាំការិយាល័យ និងមន្ត្រីជំនាញក្រោមឱវាទ ដើម្បីពិនិត្យវឌ្ឍនភាពការងារ ពិភាក្សា និងដាក់ចេញនូវផែនការសកម្មភាពការងារចំពោះមុខ សំដៅលើកកម្ពស់គុណភាព និងប្រសិទ្ធភាពនៃការងារផ្សព្វផ្សាយព័ត៌មានក្នុងខេត្តឱ្យកាន់តែស៊ីជម្រៅ និងទូលំទូលាយ។

(ខេត្តស្ទឹងត្រែង)៖ នារសៀលថ្ងៃទី២៦ ខែសីហា ឆ្នាំ២០២៦ នៅសាលប្រជុំសាលាខេត្តស្ទឹងត្រែង រដ្ឋបាលខេត្តបានរៀបចំកិច្ចប្រជុំក្រុមការងារបូកសរុបរបាយការណ៍វឌ្ឍនភាពពាក់កណ្ដាលអាណត្តិ នៃការអនុវត្តផែនការអភិវឌ្ឍន៍ប្រាំឆ្នាំ (២០២៥-២០២៩) របស់រដ្ឋបាលខេត្ត ក្រោមអធិបតីភាព លោក ម៉ែន គុង អភិបាលរងខេត្តស្ទឹងត្រែង ព្រមទាំងមានការចូលរួមពីថ្នាក់ដឹកនាំមន្ទីរ អង្គភាពពាក់ព័ន្ធ និងមន្ត្រីបច្ចេកទេសជាច្រើនរូប។

ស្ទឹងត្រែង៖ នៅព្រឹកថ្ងៃទី២៥ ខែសីហា ឆ្នាំ២០២៦ នៅសាលប្រជុំមន្ទីរមុខងារសាធារណៈខេត្តស្ទឹងត្រែង លោក ស្រ៊ន សំឫទ្ធី អភិបាលរងខេត្តស្ទឹងត្រែង បានអញ្ជើញជាអធិបតីក្នុងកិច្ចប្រជុំផ្សព្វផ្សាយស្តីពី ការបង្វែរថវិកាដែលបានបើកហួសចូលថវិការដ្ឋវិញ របស់មន្ត្រីរាជការ និងមន្ត្រីជាប់កិច្ចសន្យាគ្រប់ប្រភេទ នៃរដ្ឋបាលខេត្ត រដ្ឋបាលក្រុង-ស្រុក និងមន្ទីរ-អង្គភាពជុំវិញខេត្ត ប្រចាំឆមាសទី១ ឆ្នាំ២០២៦។

ខេត្តស្ទឹងត្រែង៖ នៅព្រឹកថ្ងៃពុធ ទី២៦ ខែសីហា ឆ្នាំ២០២៦ វេលាម៉ោង ថ្នាក់ដឹកនាំសមាគមអតីតយុទ្ធជននិងនិវត្តជនកម្ពុជា ខេត្តស្ទឹងត្រែង ដឹកនាំដោយលោកឧត្តមសេនីយ៍ត្រី តន ឆៃ មេបញ្ជាការតំបន់ប្រតិបត្តិការសឹករងស្ទឹងត្រែង ជាអនុប្រធានប្រចាំការ និងជាប្រធានលេខាធិការដ្ឋានសមាគមអតីតយុទ្ធជននិងនិវត្តជនកម្ពុជា ខេត្តស្ទឹងត្រែង តំណាងដ៏ខ្ពង់ខ្ពស់ ឯកឧត្ដម សរ សុពុត្រា អភិបាល នៃគណៈអភិបាលខេត្តស្ទឹងត្រែង និងជាប្រធានគណៈកម្មាធិការសមាគមអតីតយុទ្ធជននិងនិវត្តជនកម្ពុជា ខេត្ត បានដឹកនាំក្រុមការងារ ចុះសួរសុខទុក្ខអតីតយុទ្ធជនដែលកំពុងសម្រាកព្យាបាលជំងឺនៅគេហដ្ឋាន ស្ថិតក្នុងភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។