ព័ត៌មានក្នុងខេត្ត

ខេត្តស្ទឹងត្រែង៖ នារសៀលថ្ងៃទី២៨ ខែសីហា ឆ្នាំ២០២៦ នេះ លោក ម៉ែន គុង អភិបាលរងខេត្តស្ទឹងត្រែង បានអញ្ជើញជាអធិបតីដឹកនាំកិច្ចប្រជុំត្រួតពិនិត្យរបាយការណ៍វឌ្ឍនភាពការងាររដ្ឋបាលខេត្ត ប្រចាំខែសីហា ឆ្នាំ២០២៦ និងលើកទិសដៅអនុវត្តបន្ត នៅសាលាខេត្តស្ទឹងត្រែង ដោយមានការចូលរួមយ៉ាងកុះករពីសំណាក់ លោក លោកស្រីអភិបាលរងក្រុង ស្រុក លោក លោកស្រីជាប្រធាន អនុប្រធានមន្ទីរ-អង្គភាពជំនាញជុំវិញខេត្ត ព្រមទាំងមន្ត្រីរាជការដែលពាក់ព័ន្ធជាច្រើនរូប។

ខេត្តស្ទឹងត្រែង៖ នៅថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែសីហា ឆ្នាំ២០២៦ នេះ លោក ស្រ៊ន សំឫទ្ធី សមាជិកគណៈកម្មាធិការយុវជនគណបក្សថ្នាក់កណ្តាល និងជាប្រធានយុវជនគណបក្សប្រជាជនកម្ពុជាខេត្តស្ទឹងត្រែង អមដំណើរដោយ លោក លោកស្រីអនុប្រធានយុវជនគណបក្សខេត្ត ប្រធានយុវជនគណបក្សក្រុង ស្រុក ប្រធានសាខាយុវជនគណបក្សមន្ទីរ អង្គភាព និងសមាជិក សមាជិកា យុវជនគណបក្សខេត្តជាច្រើនរូបទៀត បានអញ្ជើញចូលរួមគោរពវិញ្ញាណក្ខន្ធ និងនាំយកសាររំលែកមរណទុក្ខយ៉ាងក្រៀមក្រំ ជូនចំពោះ លោកស្រី ធី ផល្លីដា អនុប្រធានមន្ទីរកិច្ចការនារីខេត្តស្ទឹងត្រែង និងជាសមាជិកគណៈកម្មាធិការយុវជនគណបក្សខេត្ត ព្រមទាំងគ្រួសារនៃសព ស្ថិតនៅភូមិស្ពានថ្ម សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។

ខេត្តស្ទឹងត្រែង៖ នៅព្រឹកថ្ងៃទី២៦ ខែសីហា ឆ្នាំ២០២៦ លោក ស៊ុន ប៊ុនធឿន ប្រធានមន្ទីរព័ត៌មានខេត្តស្ទឹងត្រែង បានដឹកនាំកិច្ចប្រជុំផ្ទៃក្នុងជាមួយថ្នាក់ដឹកនាំការិយាល័យ និងមន្ត្រីជំនាញក្រោមឱវាទ ដើម្បីពិនិត្យវឌ្ឍនភាពការងារ ពិភាក្សា និងដាក់ចេញនូវផែនការសកម្មភាពការងារចំពោះមុខ សំដៅលើកកម្ពស់គុណភាព និងប្រសិទ្ធភាពនៃការងារផ្សព្វផ្សាយព័ត៌មានក្នុងខេត្តឱ្យកាន់តែស៊ីជម្រៅ និងទូលំទូលាយ។

(ខេត្តស្ទឹងត្រែង)៖ នារសៀលថ្ងៃទី២៦ ខែសីហា ឆ្នាំ២០២៦ នៅសាលប្រជុំសាលាខេត្តស្ទឹងត្រែង រដ្ឋបាលខេត្តបានរៀបចំកិច្ចប្រជុំក្រុមការងារបូកសរុបរបាយការណ៍វឌ្ឍនភាពពាក់កណ្ដាលអាណត្តិ នៃការអនុវត្តផែនការអភិវឌ្ឍន៍ប្រាំឆ្នាំ (២០២៥-២០២៩) របស់រដ្ឋបាលខេត្ត ក្រោមអធិបតីភាព លោក ម៉ែន គុង អភិបាលរងខេត្តស្ទឹងត្រែង ព្រមទាំងមានការចូលរួមពីថ្នាក់ដឹកនាំមន្ទីរ អង្គភាពពាក់ព័ន្ធ និងមន្ត្រីបច្ចេកទេសជាច្រើនរូប។

ស្ទឹងត្រែង៖ នៅព្រឹកថ្ងៃទី២៥ ខែសីហា ឆ្នាំ២០២៦ នៅសាលប្រជុំមន្ទីរមុខងារសាធារណៈខេត្តស្ទឹងត្រែង លោក ស្រ៊ន សំឫទ្ធី អភិបាលរងខេត្តស្ទឹងត្រែង បានអញ្ជើញជាអធិបតីក្នុងកិច្ចប្រជុំផ្សព្វផ្សាយស្តីពី ការបង្វែរថវិកាដែលបានបើកហួសចូលថវិការដ្ឋវិញ របស់មន្ត្រីរាជការ និងមន្ត្រីជាប់កិច្ចសន្យាគ្រប់ប្រភេទ នៃរដ្ឋបាលខេត្ត រដ្ឋបាលក្រុង-ស្រុក និងមន្ទីរ-អង្គភាពជុំវិញខេត្ត ប្រចាំឆមាសទី១ ឆ្នាំ២០២៦។

ខេត្តស្ទឹងត្រែង៖ នៅព្រឹកថ្ងៃពុធ ទី២៦ ខែសីហា ឆ្នាំ២០២៦ វេលាម៉ោង ថ្នាក់ដឹកនាំសមាគមអតីតយុទ្ធជននិងនិវត្តជនកម្ពុជា ខេត្តស្ទឹងត្រែង ដឹកនាំដោយលោកឧត្តមសេនីយ៍ត្រី តន ឆៃ មេបញ្ជាការតំបន់ប្រតិបត្តិការសឹករងស្ទឹងត្រែង ជាអនុប្រធានប្រចាំការ និងជាប្រធានលេខាធិការដ្ឋានសមាគមអតីតយុទ្ធជននិងនិវត្តជនកម្ពុជា ខេត្តស្ទឹងត្រែង តំណាងដ៏ខ្ពង់ខ្ពស់ ឯកឧត្ដម សរ សុពុត្រា អភិបាល នៃគណៈអភិបាលខេត្តស្ទឹងត្រែង និងជាប្រធានគណៈកម្មាធិការសមាគមអតីតយុទ្ធជននិងនិវត្តជនកម្ពុជា ខេត្ត បានដឹកនាំក្រុមការងារ ចុះសួរសុខទុក្ខអតីតយុទ្ធជនដែលកំពុងសម្រាកព្យាបាលជំងឺនៅគេហដ្ឋាន ស្ថិតក្នុងភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។

ស្ទឹងត្រែង៖ នៅថ្ងៃទី២៤ ខែសីហា ឆ្នាំ២០២៦ រដ្ឋបាលខេត្តស្ទឹងត្រែង បានរៀបចំកិច្ចប្រជុំចុះពិនិត្យ និងវាយតម្លៃការអនុវត្តគម្រោងអភិវឌ្ឍន៍ឃុំ សង្កាត់ ក្រុង ស្រុក សម្រាប់ថវិកាឆ្នាំ២០២៤-២០២៥-២០២៦ ក្រោមការដឹកនាំរបស់លោក ប៉ែន លីណាត អភិបាលរងខេត្តស្ទឹងត្រែង ដោយមានការចូលរួមពីមន្ទីរ-អង្គភាពពាក់ព័ន្ធ រដ្ឋបាលក្រុង ស្រុក និងមន្ត្រីជំនាញពាក់ព័ន្ធ។

ក្រចេះ-ស្ទឹងត្រែង៖ នៅថ្ងៃចន្ទ ទី២៤ ខែសីហា ឆ្នាំ២០២៦ ឯកឧត្តម ប៉ាល់ ចន្ទតារា រដ្ឋលេខាធិការ ក្រសួងសាធារណការនិងដឹកជញ្ជូន និងជានាយកគម្រោង បានដឹកនាំក្រុមការងារជំនាញ ចុះពិនិត្យស្ថានភាពជាក់ស្តែងនៃកំណាត់ផ្លូវជាតិលេខ៧ ប្រវែង ៩៦,៦៣គម ចាប់ពីអូរគ្រៀង ខេត្តក្រចេះ រហូតដល់ត្រពាំងក្រៀល ខេត្តស្ទឹងត្រែង។

ខេត្តស្ទឹងត្រែង៖ គោលបំណងលើកទឹកចិត្តក្រុមហ៊ុន សហគ្រាស ឯកជនចូលរួមយ៉ាងសកម្មក្នុងភាពជាដៃគូល្អរដ្ឋ ឯកជន ដើម្បីឆ្លើយតបទៅនឹងតម្រូវការកម្លាំងពលកម្ម និងការផ្តង់ផ្គង់កម្លាំងពលកម្មដែលមានសមត្ថភាព និងគុណភាព ក្រុមប្រឹក្សាផ្តល់យោបល់នៃមជ្ឈមណ្ឌលបណ្តុះបណ្តាលវិជ្ជាជីវៈខេត្តស្ទឹងត្រែងបើកកិច្ចប្រជុំលើកដំបូងនាព្រឹកថ្ងៃទី២៤ ខែសីហា​ ឆ្នាំ២០២៦។

ខេត្តស្ទឹងត្រែង៖ លោកជំទាវ មាន សំអាន ប្រធានគណៈកម្មការទី៨ នៃព្រឹទ្ធសភា និងជាអនុប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ថ្នាក់កណ្តាល បានអញ្ជើញជាអធិបតីភាព ក្នុងពិធីសំណេះសំណាលជាមួយសមាជិកសមាគមនារីកម្ពុជាដើម្បីសន្តិភាពនិងអភិវឌ្ឍន៍ និង ក្រុមចលនាស្ត្រីខេត្តស្ទឹងត្រែង នាថ្ងៃទី ២៣ ខែសីហា ឆ្នាំ២០២៦ នៅសាលប្រជុំធំមន្ទីរកិច្ចការនារីខេត្តស្ទឹងត្រែង។

ខេត្តស្ទឹងត្រែង៖ លោកជំទាវ មាន សំអាន ប្រធានគណ:កម្មការទី៨ នៃព្រឹទ្ធសភា និងជាអនុប្រធានប្រធានគណ:កម្មាធិការកណ្តាល សមាគមនារីកម្ពុជា ដើម្បីសន្តិភាព និងអភិវឌ្ឍន៍ បានអញ្ចើញជាអធិបតីក្នុងពិធីសំណេះសំណាល និងចែកចង្ក្រានសន្សំសំចៃថាមពលជូនដល់ប្រជាពលរដ្ឋ ៣០០ គ្រួសារ ក្នុងស្រុកថាឡាបរិវ៉ាត់ ដោយមានការអញ្ជើញចូលរួមពីលោកជំទាវសមាជិកាព្រឹទ្ធសភា និងប្រតិភូអមដំណើរ លោកជំទាវអភិបាលរងខេត្ត លោកស្រីប្រធាន អនុប្រធានសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្ត តំណាងក្រុមហ៊ុន SIPCO អាជ្ញាធរមូលដ្ឋាន និងកងកម្លាំងប្រដាប់អាវុធទាំងបីប្រភេទ ព្រមទាំងប្រជាពលរដ្ឋចូលរួមសរុបចំនួន ៣០០នាក់ នាថ្ងៃទី២៣ ខែសីហា ឆ្នាំ២០២៦ នៅសាលប្រជុំសាលាស្រុកថាឡាបរិវ៉ាត់ ខេត្តស្ទឹងត្រែង។

ស្ទឹងត្រែង៖ នារសៀលថ្ងៃទី២១ ខែសីហា ឆ្នាំ២០២៦ លោក ស៊ុន ប៊ុនធឿន ប្រធានមន្ទីរព័ត៌មានខេត្តស្ទឹងត្រែង បានដឹកនាំកិច្ចប្រជុំផ្សព្វផ្សាយសេចក្តីប្រកាសរួម ស្តីពីតួនាទី ភារកិច្ច និងការទទួលខុសត្រូវរបស់ក្រសួងព័ត៌មាន ព្រមទាំងត្រួតពិនិត្យ និងវាយតម្លៃរបាយការណ៍សកម្មភាពការងារ និងលទ្ធផលនៃការអនុវត្តការងារប្រចាំខែសីហា ឆ្នាំ២០២៦។