ព័ត៌មានក្នុងខេត្ត

ស្ទឹងត្រែង៖ នៅព្រឹកថ្ងៃទី២៥ ខែសីហា ឆ្នាំ២០២៦ នៅសាលប្រជុំមន្ទីរមុខងារសាធារណៈខេត្តស្ទឹងត្រែង លោក ស្រ៊ន សំឫទ្ធី អភិបាលរងខេត្តស្ទឹងត្រែង បានអញ្ជើញជាអធិបតីក្នុងកិច្ចប្រជុំផ្សព្វផ្សាយស្តីពី ការបង្វែរថវិកាដែលបានបើកហួសចូលថវិការដ្ឋវិញ របស់មន្ត្រីរាជការ និងមន្ត្រីជាប់កិច្ចសន្យាគ្រប់ប្រភេទ នៃរដ្ឋបាលខេត្ត រដ្ឋបាលក្រុង-ស្រុក និងមន្ទីរ-អង្គភាពជុំវិញខេត្ត ប្រចាំឆមាសទី១ ឆ្នាំ២០២៦។

ខេត្តស្ទឹងត្រែង៖ នៅព្រឹកថ្ងៃពុធ ទី២៦ ខែសីហា ឆ្នាំ២០២៦ វេលាម៉ោង ថ្នាក់ដឹកនាំសមាគមអតីតយុទ្ធជននិងនិវត្តជនកម្ពុជា ខេត្តស្ទឹងត្រែង ដឹកនាំដោយលោកឧត្តមសេនីយ៍ត្រី តន ឆៃ មេបញ្ជាការតំបន់ប្រតិបត្តិការសឹករងស្ទឹងត្រែង ជាអនុប្រធានប្រចាំការ និងជាប្រធានលេខាធិការដ្ឋានសមាគមអតីតយុទ្ធជននិងនិវត្តជនកម្ពុជា ខេត្តស្ទឹងត្រែង តំណាងដ៏ខ្ពង់ខ្ពស់ ឯកឧត្ដម សរ សុពុត្រា អភិបាល នៃគណៈអភិបាលខេត្តស្ទឹងត្រែង និងជាប្រធានគណៈកម្មាធិការសមាគមអតីតយុទ្ធជននិងនិវត្តជនកម្ពុជា ខេត្ត បានដឹកនាំក្រុមការងារ ចុះសួរសុខទុក្ខអតីតយុទ្ធជនដែលកំពុងសម្រាកព្យាបាលជំងឺនៅគេហដ្ឋាន ស្ថិតក្នុងភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។

ខេត្តស្ទឹងត្រែង៖ នៅសាលាខេត្ត ស្ទឹងត្រែងនៃព្រះរាជាណាចក្រកម្ពុជា គណៈកម្មការជំនាញរុករកអដ្ឋិធាតុខេត្តស្ទឹងត្រែង(កម្ពុជា) ជាមួយគណៈកម្មការជំនាញរុករកអដ្ឋិធាតុខេត្តហ្សាឡាយ(វៀតណាម) បានរៀបចំកិច្ចប្រជុំពិភាក្សាការងារ និងចុះហត្ថលេខាលើកំណត់កំណត់ហេតុកិច្ចសហប្រតិបត្តិការរុករក គាស់កាយ និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងជំនាញការវៀតណាម ដែលបានពលីជីវិតក្នុងសម័យសង្គ្រាម នៅលើទឹកដីនៃខេត្តស្ទឹងត្រែង សម្រាប់រដូវប្រាំង ឆ្នាំ២០២៦-២០២៧។

ខេត្តស្ទឹងត្រែង៖ នាថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦នេះ ក្រុមការងារបច្ចេកទេសមន្ទីរអភិវឌ្ឍន៍ជនបទខេត្តស្ទឹងត្រែង ដឹកនាំ និងសម្របសម្រួលដោយ លោក សយ គា អនុប្រធានមន្ទីរអភិវឌ្ឍន៍ជនបទខេត្ត រួមជាមួយក្រុមការងារបច្ចេកទេសនាយកដ្ឋានផ្គត់ផ្គង់ទឹកនៃក្រសួងអភិវឌ្ឍន៍ជនបទ បានចុះបេសកកម្មរួមគ្នាក្នុងការត្រួតពិនិត្យ និងវាយតម្លៃបច្ចេកទេសលើប្រព័ន្ធផ្គត់ផ្គង់ទឹកស្អាតជនបទ ដំណាក់កាលទី១ ដែលសម្រេចបានលទ្ធផល ៤០% ក្រោមថវិកាកម្មវិធីឆ្នាំ២០២៦។

ស្ទឹងត្រែង៖ នៅថ្ងៃទី២៤ ខែសីហា ឆ្នាំ២០២៦ រដ្ឋបាលខេត្តស្ទឹងត្រែង បានរៀបចំកិច្ចប្រជុំចុះពិនិត្យ និងវាយតម្លៃការអនុវត្តគម្រោងអភិវឌ្ឍន៍ឃុំ សង្កាត់ ក្រុង ស្រុក សម្រាប់ថវិកាឆ្នាំ២០២៤-២០២៥-២០២៦ ក្រោមការដឹកនាំរបស់លោក ប៉ែន លីណាត អភិបាលរងខេត្តស្ទឹងត្រែង ដោយមានការចូលរួមពីមន្ទីរ-អង្គភាពពាក់ព័ន្ធ រដ្ឋបាលក្រុង ស្រុក និងមន្ត្រីជំនាញពាក់ព័ន្ធ។

ក្រចេះ-ស្ទឹងត្រែង៖ នៅថ្ងៃចន្ទ ទី២៤ ខែសីហា ឆ្នាំ២០២៦ ឯកឧត្តម ប៉ាល់ ចន្ទតារា រដ្ឋលេខាធិការ ក្រសួងសាធារណការនិងដឹកជញ្ជូន និងជានាយកគម្រោង បានដឹកនាំក្រុមការងារជំនាញ ចុះពិនិត្យស្ថានភាពជាក់ស្តែងនៃកំណាត់ផ្លូវជាតិលេខ៧ ប្រវែង ៩៦,៦៣គម ចាប់ពីអូរគ្រៀង ខេត្តក្រចេះ រហូតដល់ត្រពាំងក្រៀល ខេត្តស្ទឹងត្រែង។

ខេត្តស្ទឹងត្រែង៖ នៅថ្ងៃទី២៥ ខែសីហា ឆ្នាំ២០២៦ នេះ លោក សុវណ្ណ ពិសេដ្ឋ អភិបាលស្រុកសេសាន បានដឹកនាំអាជ្ញាធរ ភូមិ ឃុំ ធ្វើយុទ្ធនាការផ្សព្វផ្សាយទប់ស្កាត់ជំងឺគ្រុនឈាម និងអំពាវនាវឲ្យប្រជាពលរដ្ឋបង្កើនការប្រុងប្រយ័ត្ន ជូនបងប្អូនប្រជាពលរដ្ឋ ដោយមានការចូលរួមពីប្រធានមណ្ឌលសុភាព មេឃុំ មេភូមិ កងកម្លាំងទាំងបីប្រភេទ យុវជន ស.ស.យ.ក ស្រុក លោកគ្រូ អ្នកគ្រូ សិក្សានុសិស្ស និងប្រជាពលរដ្ឋយ៉ាងច្រើនកុះករ។

ខេត្តស្ទឹងត្រែង៖ គោលបំណងលើកទឹកចិត្តក្រុមហ៊ុន សហគ្រាស ឯកជនចូលរួមយ៉ាងសកម្មក្នុងភាពជាដៃគូល្អរដ្ឋ ឯកជន ដើម្បីឆ្លើយតបទៅនឹងតម្រូវការកម្លាំងពលកម្ម និងការផ្តង់ផ្គង់កម្លាំងពលកម្មដែលមានសមត្ថភាព និងគុណភាព ក្រុមប្រឹក្សាផ្តល់យោបល់នៃមជ្ឈមណ្ឌលបណ្តុះបណ្តាលវិជ្ជាជីវៈខេត្តស្ទឹងត្រែងបើកកិច្ចប្រជុំលើកដំបូងនាព្រឹកថ្ងៃទី២៤ ខែសីហា​ ឆ្នាំ២០២៦។

នៅព្រឹកថ្ងៃទី២២ ខែសីហា ឆ្នាំ២០២៦ នេះ រដ្ឋបាលខេត្តស្ទឹងត្រែង បានរៀបចំពិធីប្រារព្ធទិវាមច្ឆាជាតិ ១កក្កដា នៅអាងទឹកវារីអគ្គិសនីសេសានក្រោម២ ក្រោមអធិបតីភាព ឯកឧត្តម ឈាង ឡាក់ ប្រធានក្រុមប្រឹក្សាខេត្ត និងឯកឧត្តម សរ សុពុត្រា អភិបាលខេត្តស្ទឹងត្រែង ដើម្បីលែងកូនត្រី និងត្រីមេពូជក្នុងគោលបំណងបង្កើនផលជលផលធម្មជាតិ។

ខេត្តស្ទឹងត្រែង៖ លោកជំទាវ មាន សំអាន ប្រធានគណៈកម្មការទី៨ នៃព្រឹទ្ធសភា និងជាអនុប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ថ្នាក់កណ្តាល បានអញ្ជើញជាអធិបតីភាព ក្នុងពិធីសំណេះសំណាលជាមួយសមាជិកសមាគមនារីកម្ពុជាដើម្បីសន្តិភាពនិងអភិវឌ្ឍន៍ និង ក្រុមចលនាស្ត្រីខេត្តស្ទឹងត្រែង នាថ្ងៃទី ២៣ ខែសីហា ឆ្នាំ២០២៦ នៅសាលប្រជុំធំមន្ទីរកិច្ចការនារីខេត្តស្ទឹងត្រែង។

ខេត្តស្ទឹងត្រែង៖ លោកជំទាវ មាន សំអាន ប្រធានគណ:កម្មការទី៨ នៃព្រឹទ្ធសភា និងជាអនុប្រធានប្រធានគណ:កម្មាធិការកណ្តាល សមាគមនារីកម្ពុជា ដើម្បីសន្តិភាព និងអភិវឌ្ឍន៍ បានអញ្ចើញជាអធិបតីក្នុងពិធីសំណេះសំណាល និងចែកចង្ក្រានសន្សំសំចៃថាមពលជូនដល់ប្រជាពលរដ្ឋ ៣០០ គ្រួសារ ក្នុងស្រុកថាឡាបរិវ៉ាត់ ដោយមានការអញ្ជើញចូលរួមពីលោកជំទាវសមាជិកាព្រឹទ្ធសភា និងប្រតិភូអមដំណើរ លោកជំទាវអភិបាលរងខេត្ត លោកស្រីប្រធាន អនុប្រធានសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្ត តំណាងក្រុមហ៊ុន SIPCO អាជ្ញាធរមូលដ្ឋាន និងកងកម្លាំងប្រដាប់អាវុធទាំងបីប្រភេទ ព្រមទាំងប្រជាពលរដ្ឋចូលរួមសរុបចំនួន ៣០០នាក់ នាថ្ងៃទី២៣ ខែសីហា ឆ្នាំ២០២៦ នៅសាលប្រជុំសាលាស្រុកថាឡាបរិវ៉ាត់ ខេត្តស្ទឹងត្រែង។

ខេត្តស្ទឹងត្រែង៖ នៅរសៀលថ្ងៃទី២២ ខែសីហា ឆ្នាំ២០២៦នេះ លោក ម៉ែន គុង អភិបាលរងខេត្តស្ទឹងត្រែង បានដឹកនាំកិច្ចប្រជុំជាមួយមន្ត្រីជំនាញ និងភាគីពាក់ព័ន្ធ ដើម្បីពិនិត្យ រៀបចំ និងដាក់ចេញនូវផែនការសកម្មភាព ព្រមទាំងត្រៀមអនុវត្តនីតិវិធីប្រតិបត្តិស្តង់ដារ (SOP) សម្រាប់ផែនការត្រៀមបម្រុងគ្រោះអាសន្នទឹកជំនន់ក្នុងភូមិសាស្ត្រខេត្ត។