ព័ត៌មានក្នុងខេត្ត

ស្ទឹងត្រែង . ដោយតាមការចង្អុលបង្ហាញពី ឯកឧត្តម ផេង គឹមស៊្រុន . លោក រីន រ៉ាវី ប្រធានក្រុមប្រឹក្សាភិបាល និង លោក ម៉ៅ ផល្លា ទីប្រឹក្សាសម្តេចអគ្គមហាសេនាបតីតេជោ ហ៊ុន សែន នៅថ្ងៃទី ២៦ ខែ កក្កដា ឆ្នាំ២០២៦ លោក វង្ស សុភី ប្រធានកិត្តិយស និងលោក ឆោម សម្បត្តិពេជ្រ ប្រធានប្រតិបត្តិ សមាគមថ្នាលយុវជនកម្ពុជា សាខាខេត្តស្ទឹងត្រែង បានសហការ ជាមួយអាជ្ញាធរ មូលដ្ឋាន បាននាំយកអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត និង លោកជំទាវ បណ្ឌិត ពេជ ចន្ទ័មុន្នី ហ៊ុន ម៉ាណែត ប្រគល់ ជូន ប្រជាពលរដ្ឋ ដែលមានជីវភាព ខ្វះខាតចំនួន២គ្រួសារ តាមរយះ ឯកឧត្តម ផេង គឹមស៊្រុន។

ស្ទឹងត្រែង៖ នៅថ្ងៃទី២៥ ខែកក្កដា ឆ្នាំ២០២៦ នេះ ពិធីវាស់ភ្នែក និងផ្តល់វ៉ែនតាដោយឥតគិតថ្លៃ ជូនដល់អតីតយុទ្ធជន និវត្តជន និងមន្ត្រីរាជការដែលមានបញ្ហាភ្នែក បានប្រព្រឹត្តទៅយ៉ាងអធិកអធម នៅភោជនីយដ្ឋានសុខ សម្បត្តិ ក្រុងស្ទឹងត្រែង ខេត្តស្ទឹងត្រែង ក្រោមអធិបតីភាពដ៏ខ្ពង់ខ្ពស់  ឯកឧត្តម ផៃ ប៊ុនឈឿន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្ទឹងត្រែង ឯកឧត្តម លោកជំទាវសមាជិកក្រុមប្រឹក្សាខេត្ត គណ:អភិបាលខេត្ត ព្រមទាំងក្រុមគ្រូពេទ្យភ្នែកកៀនឃ្លាំង និងក្រុមគ្រូពេទ្យភ្នែកកម្ពុជា។

ស្ទឹងត្រែង៖ នៅថ្ងៃទី២៤ ខែកក្កដា ឆ្នាំ២០២៦ ក្រសួងទេសចរណ៍ សហការជាមួយរដ្ឋបាលខេត្តស្ទឹងត្រែង បានរៀបចំ «វេទិកាអេកូទេសចរណ៍ផ្សព្វផ្សាយសាធារណៈកម្រិតបច្ចេកទេសថ្នាក់តំបន់» ក្នុងគោលបំណងជំរុញការពិភាក្សា និងការចែករំលែកបទពិសោធន៍លើការអភិវឌ្ឍអេកូទេសចរណ៍ ការអភិរក្សធនធានធម្មជាតិ និងការលើកកម្ពស់ជីវភាពសហគមន៍មូលដ្ឋាន នៅតំបន់ភូមិភាគឦសាន និងតំបន់ព្រៃឡង់ ដែលមានសក្តានុពលខ្ពស់។

ស្ទឹងត្រែង៖ រដ្ឋបាលក្រុងស្ទឹងត្រែង បានបើកយុទ្ធនាការចុះរៀបចំសណ្ដាប់ធ្នាប់សាធារណៈ ដោយបានអប់រំ និងណែនាំឱ្យប្រជាពលរដ្ឋ ក៏ដូចជាអាជីវករ បញ្ឈប់ការយកចិញ្ចើមផ្លូវ និងចំណីផ្លូវសាធារណៈធ្វើជាទីតាំងលក់ដូរ ឬតាំងសម្ភារផ្សេងៗ ដើម្បីលើកកម្ពស់សោភ័ណភាព និងសុវត្ថិភាពក្នុងក្រុង។

ខេត្តស្ទឹងត្រែង÷ ថ្ងៃពុធ ៨កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២២ ខែកក្កដា ឆ្នាំ២០២៦ លោក ព្រំ ពេជ្រ អនុប្រធានមន្ទីរអភិវឌ្ឍន៍ជនបទខេត្ត និងលោក ប៉ែន សុរ៉ាភី ប្រធានការិយាល័យអភិវឌ្ឍន៍សហគមន៍ បានដឹកនាំរៀបចំកិច្ចប្រជុំ «ពង្រឹងតួនាទី ភារកិច្ច និងធ្វើបច្ចុប្បន្នភាពគណៈកម្មការអភិវឌ្ឍន៍ភូមិ (គ.អ.ភ)» បានចំនួន ០២ឃុំ គឺនៅសាលាឃុំភ្លុក និងសាលាឃុំសាមឃួយ ស្ថិតក្នុងស្រុកសេសាន ខេត្តស្ទឹងត្រែង។

ស្ទឹងត្រែង៖ នាថ្ងៃទី២១ ខែកក្កដា ឆ្នាំ២០២៦ លោក តន ឆៃ អនុប្រធានប្រចាំការ សមាគមអតីតយុទ្ធជន និងនិវត្តជនកម្ពុជា (អ.ន.ក.) ខេត្តស្ទឹងត្រែង តំណាងដ៏ខ្ពង់ខ្ពស់ ឯកឧត្តម សរ សុពុត្រា អភិបាល នៃគណៈអភិបាលខេត្ត និងជាប្រធានគណៈកម្មាធិការ អ.ន.ក. ខេត្តស្ទឹងត្រែង បានដឹកនាំក្រុមការងារលេខាធិការដ្ឋាន ចុះផ្ទាល់ដល់គេហដ្ឋានដើម្បីប្រគល់ប្រាក់បេឡាមរណសង្គ្រោះ និងអំណោយឧបត្ថម្ភជូនដល់គ្រួសារសពចំនួន ២គ្រួសារ។

ស្ទឹងត្រែង៖ នារសៀលថ្ងៃទី២១ ខែកក្កដា ឆ្នាំ២០២៦ នេះ លោក ម៉ែន គុង អភិបាលរងនៃគណៈអភិបាលខេត្តស្ទឹងត្រែង បានដឹកនាំក្រុមការងារជំនាញមកពីមន្ទីរ-អង្គភាពពាក់ព័ន្ធជុំវិញខេត្ត និងរដ្ឋបាលស្រុកបុរីអូរស្វាយសែនជ័យ ចុះជួបពិភាក្សាការងារបច្ចេកទេសជាមួយក្រុមការងារជំនាញភាគីខេត្តចំប៉ាសាក់ នៃសាធារណរដ្ឋប្រជាធិបតេយ្យប្រជាមានិតឡាវ។

ខេត្តស្ទឹងត្រែង៖ សាខាកាកបាទក្រហមកម្ពុជា ខេត្តស្ទឹងត្រែង បានរៀបចំកិច្ចប្រជុំបូកសរុបលទ្ធផលការងារសម្រេចបានក្នុងឆមាសទី១ និងកំណត់ទិសដៅការងារបន្តសម្រាប់ត្រីមាសទី៣ ឆ្នាំ២០២៦ ក្រោមអធិបតីភាព លោកស្រី សន សុខា អនុប្រធានអចិន្រ្តៃយ៍សាខាកាកបាទក្រហមកម្ពុជា ខេត្តស្ទឹងត្រែង តំណាង ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត។

ខេត្តស្ទឹងត្រែង៖ វគ្គបណ្ដុះបណ្ដាលស្ដីពី «ការរៀបចំថវិការដ្ឋបាលថ្នាក់ក្រោមជាតិតាមបែបចូលរួម និងប្រកបដោយបរិយាប័ន្ន» ត្រូវបានបើកជាផ្លូវការ នាថ្ងៃទី២១ ខែកក្កដា ឆ្នាំ២០២៦ នេះ ក្រោមអធិបតីភាព លោក ម៉ែន គុង អភិបាលរងខេត្តស្ទឹងត្រែង តំណាងដ៏ខ្ពង់ខ្ពស់ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង។

ស្ទឹងត្រែង៖ នៅព្រឹកថ្ងៃចន្ទ ទី២០ ខែកក្កដា ឆ្នាំ២០២៦ លោក ស៊ុន ប៊ុនធឿន ប្រធានមន្ទីរព័ត៌មានខេត្តស្ទឹងត្រែង បានដឹកនាំកិច្ចពិភាក្សាស្តីពីការគ្រប់គ្រងគេហទំព័រ ការគ្រប់គ្រងមាតិកា និងការសរសេរមាតិការបស់មន្ទីរព័ត៌មាន ដែលបានប្រារព្ធឡើងនៅសាលប្រជុំមន្ទីរព័ត៌មានខេត្តស្ទឹងត្រែង ដោយមានការចូលរួមពីថ្នាក់ដឹកនាំ មន្ត្រីជំនាញ និងបុគ្គលិកពាក់ព័ន្ធផងដែរ។

ខេត្តស្ទឹងត្រែង៖ នាថ្ងៃទី១៩ ខែកក្កដា ឆ្នាំ២០២៦ ប្រធាន អនុប្រធាន និងក្រុមការងារគណបក្សខេត្តចុះជួយសង្កាត់ព្រះបាទ រួមសហការជាមួយលោកប្រធានគណបក្សក្រុង និងគណបក្សសង្កាត់ព្រះបាទ បានអញ្ជើញចុះសួរសុខទុក្ខ និងនាំយកអំណោយឧបត្ថម្ភទៅប្រគល់ជូនវីរកងទ័ពម្នាក់ ដែលបានរងគ្រោះថ្នាក់ក្នុងពេលបំពេញភារកិច្ចការពារជាតិ។

ស្ទឹងត្រែង៖ នៅថ្ងៃទី១៩ ខែកក្កដា ឆ្នាំ២០២៦ ក្រុមការងាររាជរដ្ឋាភិបាលចុះមូលដ្ឋានស្រុកសេសាន ដឹកនាំដោយ លោកជំទាវ ឡុង ភិរម្យ រដ្ឋលេខាធិការក្រសួងទេសចរណ៍ និងជាប្រធានក្រុមការងាររាជរដ្ឋាភិបាល ចុះមូលដ្ឋានស្រុកសេសាន បានសហការជាមួយ រដ្ឋបាលស្រុកសេសាន និងពុទ្ធបរិស័ទក្នុងមូលដ្ឋាន រៀបចំពិធីនាំយកទៀនព្រះវស្សា ទេយ្យទាន និងបច្ច័យ វេរប្រគេនជូនព្រះសង្ឃដែលគង់ចាំព្រះវស្សា នៅតាមវត្តអារាមចំនួន ១៦ វត្តទូទាំងស្រុកសេសាន។