ព័ត៌មានក្នុងខេត្ត

​ដើម្បីពង្រឹងសន្តិសុខ និងសុវត្ថិភាពនៅតាមមូលដ្ឋាន នាព្រឹកថ្ងៃទី១២ ខែមិថុនា ឆ្នាំ២០២៦ នេះ លេខាធិការដ្ឋាននៃគណៈកម្មាធិការត្រួតពិនិត្យគ្រឿងញៀនខេត្ត បានចាប់ដៃគូជាមួយរដ្ឋបាលស្រុកសៀមបូក បើកវគ្គផ្សព្វផ្សាយស្តីពីគោលនយោបាយ និងចំណេះដឹងមូលដ្ឋានគ្រឹះនៃបញ្ហាគ្រឿងញៀន។

ស្ទឹងត្រែង៖ នៅរសៀលថ្ងៃទី១២ ខែមិថុនា ឆ្នាំ២០២៦ លោក ម៉ែន គុង អភិបាលរងខេត្តស្ទឹងត្រែង បានដឹកនាំកិច្ចប្រជុំអនុគណៈកម្មការខ្លឹមសារ និងអនុគណៈកម្មការផ្សព្វផ្សាយ និងព័ត៌មាន នៃគណៈកម្មការដឹកនាំរៀបចំវេទិកាជំរុញវិនិយោគទ្វេភាគី រវាងខេត្តស្ទឹងត្រែង នៃព្រះរាជាណាចក្រកម្ពុជា និងខេត្តហ្សាឡាយ នៃសាធារណរដ្ឋសង្គមនិយមវៀតណាម ដើម្បីត្រៀមរៀបចំព្រឹត្តិការណ៍ឲ្យប្រព្រឹត្តទៅដោយរលូន និងមានប្រសិទ្ធភាពខ្ពស់។

ខេត្តស្ទឹងត្រែង៖ អដ្ឋិធាតុចំនួន១៨  របស់កងទ័ពស្ម័គ្រចិត្ត និងជំនាញការវៀតណាម មកពីខេត្ត៣ គឺខេត្តស្ទឹងត្រែង ព្រះវិហារ និងខេត្តរតនគិរី ដង្ហែចេញពីកម្ពុជា និងបានមកបញ្ចុះនៅទីលានបញ្ចុះអដ្ឋិធាតុ សង្កាត់ដឹកកឺ ខេត្តហ្សាឡាយ ប្រទេសវៀតណាម នាព្រឹកថ្ងៃទី១៣ ខែមិថុនា ឆ្នាំ២០២៦។

ស្ទឹងត្រែង÷កាលពីថ្ងៃទី១២ ខែមិថុនា ឆ្នាំ២០២៦ ម្សិលមិញនេះ លោក ហង់ កុង ប្រធានលេខាធិការដ្ឋានរៀបចំការឆ្នោតខេត្តស្ទឹងត្រែង បានដឹកនាំកិច្ចប្រជុំផ្សព្វផ្សាយជាមួយភាគីពាក់ព័ន្ធស្តីពី «ការស្រង់ស្ថិតិប្រជាពលរដ្ឋប៉ាន់ស្មាន» សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ នៅលេខាធិការដ្ឋានរៀបចំការឆ្នោតខេត្តស្ទឹងត្រែង ។

ស្ទឹងត្រែង៖ គណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ (គ.ស.អ.ស.ក.) សហការជាមួយរដ្ឋបាលខេត្តស្ទឹងត្រែង បានរៀបចំយុទ្ធនាការផ្សព្វផ្សាយ និងចុះឈ្មោះអ្នកសេដ្ឋកិច្ចក្រៅប្រព័ន្ធ តាមថ្នាលឌីជីថល ក្រោមអធិបតីភាព ឯកឧត្តម ម៉ាត់ សារី អនុរដ្ឋលេខាធិការ និងជាប្រធានលេខាធិការដ្ឋាននៃ គ.ស.អ.ស.ក. តំណាងឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងឯកឧត្តម ព្រំ វណ្ណៈ អភិបាលរងខេត្ត តំណាងឯកឧត្តម សរ សុពុត្រា អភិបាលខេត្តស្ទឹងត្រែង។

ស្ទឹងត្រែង៖ នៅថ្ងៃទី១១ ខែមិថុនា ឆ្នាំ២០២៦ មន្ទីរកិច្ចការនារីខេត្តស្ទឹងត្រែង បានសហការជាមួយរដ្ឋបាលខេត្ត រៀបចំកិច្ចប្រជុំប្រចាំឆមាសទី១ ជាមួយបណ្តាញមន្រ្តីបង្គោលការងារយេនឌ័រតាមមន្ទីរវិស័យ ដោយមានការអញ្ជើញជាអធិបតីភាពដ៏ខ្ពង់ខ្ពស់ពីលោកជំទាវ កុត ប៊ុនមី ប្រធានគណៈកម្មាធិការសម្រាប់កិច្ចការស្ត្រី និងកុមារ ខេត្ត និងជាប្រធានកិត្តិយសបណ្តាញការងារយេនឌ័រខេត្ត ព្រមទាំងមានការចូលរួមពីថ្នាក់ដឹកនាំ មន្ត្រីជំនាញ និងបណ្តាញការងារយេនឌ័រពាក់ព័ន្ធជាច្រើន។

លោក ស៊ុត វណ្ណា ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តស្ទឹងត្រែង និងជាអនុប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជា (អ.ន.ក) ខេត្ត តំណាងដ៏ខ្ពង់ខ្ពស់ឯកឧត្តម សរ សុពុត្រា អភិបាលនៃគណៈអភិបាលខេត្ត និងជាប្រធានគណៈកម្មាធិការ អ.ន.ក ខេត្តស្ទឹងត្រែង បានដឹកនាំក្រុមលេខាធិការដ្ឋាន អ.ន.ក ខេត្ត ចុះសួរសុខទុក្ខ និងប្រគល់ប្រាក់បេឡាមរណសង្រ្គោះ ព្រមទាំងសម្ភារៈឧបត្ថម្ភផ្ទាល់ដល់គេហដ្ឋាននៃគ្រួសារសពអតីតយុទ្ធជនចំនួន ២គ្រួសារ ដែលស្ថិតនៅភូមិសៀមប៉ាង ឃុំសេកុង ស្រុកសៀមប៉ាង ខេត្តស្ទឹងត្រែង។

ខេត្តស្ទឹងត្រែង៖           នៅព្រឹកថ្ងៃទី ១១ ខែមិថុនា ឆ្នាំ២០២៦ ឯកឧត្តម សរ សុពុត្រា អភិបាលខេត្តស្ទឹងត្រែង បានដឹកនាំ កិច្ចប្រជុំពង្រឹងសមត្ថភាពការងារអនុវត្តច្បាប់ និងផ្សព្វផ្សាយច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា (Online Scams) ។

ខេត្តស្ទឹងត្រែង៖នៅមុខស្តូបមិត្តភាពកម្ពុជា-វៀតណាម ខេត្តស្ទឹងត្រែង មានអដ្ឋិធាតុចំនួន៧ របស់ជំនាញការ និងកងទ័ពស្ម័គ្រចិត្តវៀតណាម ត្រូវបានធ្វើមាតុភូមិនិវត្តន៍ នាព្រឹកថ្ងៃ១០ ខែ មិថុនា ឆ្នាំ២០២៦នេះ។អដ្ឋិធាតុចំនួន៧ នោះ បានរុករកឃើញ ក្នុងយុទ្ធនាការដើមរដូវប្រាំង ឆ្នាំ២០២៥-២០២៦ របស់ គណៈកម្មការរុករកអដ្ឋិធាតុខេត្តហ្សាឡាយ (វៀតណាម)​ រួមសហការជាមួយ គណៈកម្មការជំនាញស្វែងរកអដ្ឋិធាតុ ខេត្តស្ទឹងត្រែង (កម្ពុជា) ។

​ស្ទឹងត្រែង៖ នារសៀលថ្ងៃទី១០ ខែមិថុនា ឆ្នាំ២០២៦ នេះ នៅសាលប្រជុំមន្ទីរពាណិជ្ជកម្មខេត្តស្ទឹងត្រែង មានរៀបចំកិច្ចប្រជុំមួយរបស់អនុគណៈកម្មាធិការពិព័រណ៍ផលិតផល ក្រោមអធិបតីភាពដ៏ខ្ពង់ខ្ពស់របស់ លោក ព្រំ វណ្ណៈ អភិបាលរងនៃគណៈអភិបាលខេត្តស្ទឹងត្រែង។

(ស្ទឹងត្រែង)៖ នារសៀលថ្ងៃទី០៩ ខែមិថុនា ឆ្នាំ២០២៦ លោក ស្រ៊ន សំឫទ្ធី អភិបាលរងខេត្តស្ទឹងត្រែង បានដឹកនាំ កិច្ចប្រជុំត្រៀមរៀបចំកម្មវិធីទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៩ ឆ្នាំ២០២៦ ក្រោមប្រធានបទ «TVET ផ្តល់ជំនាញ ការងារ និងប្រាក់ចំណូល» ព្រមទាំងចុះពិនិត្យទីតាំងជាក់ស្តែង ដើម្បីធានាឱ្យការរៀបចំប្រព្រឹត្តទៅដោយជោគជ័យ។

ស្ទឹងត្រែង៖ នៅថ្ងៃទី០៩ ខែមិថុនា ឆ្នាំ២០២៦ រដ្ឋបាលក្រុងស្ទឹងត្រែង បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាក្រុង អាណត្តិទី៤ ឆ្នាំ២០២៦ ក្រោមអធិបតីភាព លោក សៀ ហេង ប្រធានក្រុមប្រឹក្សាក្រុង និងលោក លី មីណា អភិបាលនៃគណៈអភិបាលក្រុង នៅវត្តជោតិញារាម (ហៅវត្តគីឡូ៨) ស្ថិតក្នុងភូមិគីឡូ៨ សង្កាត់សាមគ្គី ក្រុងស្ទឹងត្រែង ដោយមានការចូលរួមពីមន្ត្រីពាក់ព័ន្ធ អាជ្ញាធរសង្កាត់ ប្រជាពលរដ្ឋ និងតំណាងសហគមន៍យ៉ាងច្រើនកុះករ។