ព័ត៌មានក្នុងខេត្ត

​ខេត្តស្ទឹងត្រែង៖ គណៈកម្មាធិការពិគ្រោះយោបល់កិច្ចការស្ត្រី និងកុមារ (គ.ក.ស.ក) ខេត្តស្ទឹងត្រែង បានបើកកិច្ចប្រជុំសាមញ្ញលើកទី២៤ របស់ខ្លួន ក្រោមអធិបតីភាព លោកជំទាវ លីម ម៉ំ ដើម្បីពិនិត្យ អនុម័តលើរបាយការណ៍ការងារប្រចាំខែកក្កដា និងដាក់ចេញនូវទិសដៅសកម្មភាពបន្ត សំដៅបង្កើនប្រសិទ្ធភាពក្នុងការការពារ និងកិច្ចអន្តរាគមន៍ផ្លូវច្បាប់ជូនដល់ស្ត្រី និងកុមារងាយរងគ្រោះនៅក្នុងខេត្ត។

ខេត្តស្ទឹងត្រែង៖ នៅថ្ងៃទី២៩ ខែកក្កដា ឆ្នាំ២០២៦ នេះ សាខាកាកបាទក្រហមកម្ពុជា ខេត្តស្ទឹងត្រែង បានរៀបចំកិច្ចប្រជុំពិភាក្សាការងារយ៉ាងសំខាន់មួយ ស្តីពីការរៀបចំសមាសភាពក្រុមការងារសម្របសម្រួលក្នុងពិធីចែកអំណោយកាកបាទក្រហមកម្ពុជា និងការពិនិត្យទិន្នន័យគ្រួសារងាយរងគ្រោះតាមបណ្តាក្រុង/ស្រុក រៀបចំឡើងនៅទីស្នាក់ការសាខាកាកបាទក្រហមកម្ពុជាខេត្តស្ទឹងត្រែង។

ខេត្តស្ទឹងត្រែង៖ នៅថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦នេះ សាលាខេត្តស្ទឹងត្រែងបានរៀបចំ កិច្ចប្រជុំវិសាមញ្ញលើកទី១២ អាណត្តិទី៤ របស់ក្រុមប្រឹក្សាខេត្តស្ទឹងត្រែង នៅសាលប្រជុំធំសាលាខេត្ត ដើម្បីពិនិត្យ និងពិភាក្សាលើរបៀបវារៈសំខាន់ៗ ពាក់ព័ន្ធនឹងការគ្រប់គ្រងចំណូល និងចំណាយថវិការបស់រដ្ឋបាលខេត្ត។

ខេត្តស្ទឹងត្រែង៖ នាព្រឹកថ្ងៃទី២៨ ខែកក្កដា ឆ្នាំ២០២៦ អង្គការអាដ្រា កម្ពុជា (ADRA Cambodia) ក្រោមគម្រោង “យើងរួមគ្នា” សហការជាមួយមន្ទីរអប់រំ យុវជន និងកីឡាខេត្តស្ទឹងត្រែង បានរៀបចំប្រារព្ធទិវារំលឹកគុណឪពុកម្តាយ នៅអនុវិទ្យាល័យ ច្រប់ ស្ថិតក្នុងឃុំក្បាលរមាស ស្រុកសេសាន ខេត្តស្ទឹងត្រែង។

ខេត្តស្ទឹងត្រែង៖ ក្រោមការដឹកនាំ និងការយកចិត្តទុកដាក់ខ្ពស់ពីសំណាក់ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង រដ្ឋបាលខេត្តបានរៀបចំ និងស្ថាបនាទីលានកុមារលេង (Playground) ប្រកបដោយសោភ័ណភាព និងសុវត្ថិភាពនៅសួនច្បារមាត់ទន្លេសេកុង ដើម្បីទុកជាកាដូ និងជាលំហសាធារណៈសម្រាប់កុមារាកុមារីក្នុងខេត្តបានរត់លេងកម្សាន្តយ៉ាងសប្បាយរីករាយ។

ខេត្តស្ទឹងត្រែង៖ រដ្ឋបាលខេត្តស្ទឹងត្រែង បានរៀបចំកិច្ចប្រជុំបូកសរុបលទ្ធផលការងារប្រឡងប្រណាំងអនុវត្តគោលនយោបាយ “ភូមិ ឃុំ-សង្កាត់មានសុវត្ថិភាព” សម្រាប់ឆមាសទី១ និងលើកទិសដៅការងារឆមាសទី២ ឆ្នាំ២០២៦ ក្រោមបរិយាកាសរីករាយ និងទទួលបានការវាយតម្លៃខ្ពស់លើសមិទ្ធផលការងារដែលសម្រេចបាន។

ស្ទឹងត្រែង៖ នៅរសៀល ថ្ងៃទី ២៦ ខែកក្កដា ឆ្នាំ២០២៦ ឯកឧត្តម ស្រ៊ន សំឫទ្ធី សមាជិកយុវជនថ្នាក់កណ្ដាល និងជាប្រធានយុវជនគណបក្សប្រជាជនកម្ពុជាខេត្តស្ទឹងត្រែង បានអញ្ជើញផ្ដល់កិត្តិយសជាអធិបតី ក្នុងកិច្ចប្រជុំត្រួតពិនិត្យលទ្ធផលការងារប្រចាំឆមាសទី១ របស់យុវជនគណបក្សស្រុកសេសាន។ កិច្ចប្រជុំនេះបានរៀបចំឡើងនៅស្នាក់ការគណបក្សប្រជាជនកម្ពុជាស្រុកសេសាន ដោយមានការចូលរួមពី លោក សុវណ្ណ ពិសេដ្ឋ ប្រធានគណបក្សស្រុកសេសាន និង សមាជិកក្រុមការងារយុវជនគណបក្ស ស្រុក និង ឃុំទាំង៧ ព្រមទាំងសកម្មជនយុវជនទូទាំងស្រុកសេសាន សរុបចំនួន ៦៦ នាក់។

ស្ទឹងត្រែង . នៅថ្ងៃទី២៧ ខែកក្កដា ឆ្នាំ២០២៦ មន្ទីរទេសចរណ៍ខេត្តស្ទឹងត្រែង សហការជាមួយនាយកដ្ឋានបណ្ដុះបណ្ដាលជំនាញវិជ្ជាជីវៈ នៃក្រសួងទេសចរណ៍ និង រដ្ឋបាលខេត្តស្ទឹងត្រែង បានរៀបចំពិធីបើកវគ្គបណ្ដុះបណ្ដាល មគ្គុទ្ទេសក៍ទេសចរណ៍ថ្នាក់សហគមន៍ សម្រាប់អ្នកកំពុងបម្រើសេវាកម្មនាំភ្ញៀវទេសចរនៅក្នុងខេត្តស្ទឹងត្រែង ដើម្បីពង្រឹងសមត្ថភាពវិជ្ជាជីវៈ លើកកម្ពស់គុណភាពសេវាកម្ម និងបង្កើនស្តង់ដារការបម្រើភ្ញៀវទេសចរ ឱ្យស្របតាមស្តង់ដារជាតិ។

ស្ទឹងត្រែង៖ កាលពីថ្ងៃទី២៥ ខែកក្កដា ឆ្នាំ២០២៦ លោក ម៉ែន គុង ប្រធានគម្រោងមនសិការពលរដ្ឋល្អ ថ្នាក់ខេត្ត បានដឹកនាំកិច្ចប្រជុំត្រួតពិនិត្យវឌ្ឍនភាពនៃការអនុវត្តគម្រោង «កម្ពុជាក្នុងបេះដូងខ្ញុំ» នៅសាលាគោលដៅចំនួន៣ ដើម្បីធ្វើការវាយតម្លៃ និងជ្រើសរើសគម្រោងល្អ “ប្រចាំសាលា” និងគម្រោងល្អ “ថ្នាក់ខេត្ត”។

ស្ទឹងត្រែង៖ កាលពីថ្ងៃថ្មីៗនេះ រដ្ឋបាលខេត្តស្ទឹងត្រែង បានរៀបចំកិច្ចប្រជុំគណៈអភិបាលខេត្ត ស្តីពីការពិនិត្យ និងពិគ្រោះយោបល់លើសេចក្តីព្រាងផែនការយុទ្ធសាស្ត្រថវិកាខេត្ត សម្រាប់រយៈពេល ៣ ឆ្នាំ (២០២៧-២០២៩) និងការរៀបចំគម្រោងចំណូល-ចំណាយថវិកាខេត្ត សម្រាប់ការគ្រប់គ្រងឆ្នាំ២០២៧។

ស្ទឹងត្រែង . ដោយតាមការចង្អុលបង្ហាញពី ឯកឧត្តម ផេង គឹមស៊្រុន . លោក រីន រ៉ាវី ប្រធានក្រុមប្រឹក្សាភិបាល និង លោក ម៉ៅ ផល្លា ទីប្រឹក្សាសម្តេចអគ្គមហាសេនាបតីតេជោ ហ៊ុន សែន នៅថ្ងៃទី ២៦ ខែ កក្កដា ឆ្នាំ២០២៦ លោក វង្ស សុភី ប្រធានកិត្តិយស និងលោក ឆោម សម្បត្តិពេជ្រ ប្រធានប្រតិបត្តិ សមាគមថ្នាលយុវជនកម្ពុជា សាខាខេត្តស្ទឹងត្រែង បានសហការ ជាមួយអាជ្ញាធរ មូលដ្ឋាន បាននាំយកអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត និង លោកជំទាវ បណ្ឌិត ពេជ ចន្ទ័មុន្នី ហ៊ុន ម៉ាណែត ប្រគល់ ជូន ប្រជាពលរដ្ឋ ដែលមានជីវភាព ខ្វះខាតចំនួន២គ្រួសារ តាមរយះ ឯកឧត្តម ផេង គឹមស៊្រុន។

ខេត្តស្ទឹងត្រែង៖ នៅព្រឹកថ្ងៃទី២៥ ខែកក្កដា ឆ្នាំ២០២៦ គណបក្សប្រជាជនកម្ពុជា សង្កាត់ស្រះឬស្សី ក្រុងស្ទឹងត្រែង បានរៀបចំពិធីប្រកាសបញ្ចូលសមាជិក សមាជិកាថ្មី ចំនួន ២០០នាក់ ជាផ្លូវការ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម សរ សុពុត្រា ប្រធានគណៈកម្មាធិការគណបក្សប្រជាជនកម្ពុជាខេត្តស្ទឹងត្រែង ដោយមានការអញ្ជើញចូលរួមពីសំណាក់ថ្នាក់ដឹកនាំគណបក្សខេត្ត ក្រុង សង្កាត់ និងសមាជិក សមាជិកា យ៉ាងច្រើនកុះករ។